Chapter Title : ? സര്‍വ്വം സമര്‍പ്പയാമി ? [DD]

. '' എട്ട് വര്‍ഷമായി സര്‍ ...'' ''എത്ര മക്കളുണ്ട് ...?'' '' ഞങ്ങള്‍ക്ക് മക്കളില്ല സാര്‍ ...'' '' അതെന്തു പറ്റി ...? വേണ്ടെന്നു വച്ചതാണോ ...?'' ചോദിക്കുമ്പോള്‍ അദ്ദേഹത്തിന്‍റെ കണ്ണുകള്‍ എന്‍റെ ശരീരത്തിന്‍റെ നിമ്നോന്നതങ്ങളിലൂടെ ഇഴയുന്നുണ്ടായിരുന്നു . '' അല്ല സാര്‍ ... അങ്ങനെയൊരു ഭാഗ്യം ഉണ്ടായില്ല ...'' ''ഡോക്ടറെ ഒന്നും കാണിച്ചില്ലേ ... ?'' '' ഞാന്‍ ഒരുപാട് ഡോക്ടര്‍മാരെ കണ്ടതാണ് സര്‍ .... എനിക്ക് പ്രത്യേകിച്ച് കുഴപ്പങ്ങളൊന്നും ഇല്ലെന്നാണ് എല്ലാവരും പറഞ്ഞത് .... പക്ഷെ അദ്ദേഹം ഡോക്ടറുടെ അടുത്തു വരാന്‍ ഇതുവരെ സമ്മതിച്ചിട്ടില്ല ... എനിക്കൊരു കുഴപ്പവും ഇല്ലാന്നാണ് പറയാറ് ... ഞാന്‍ കുറേ ശ്രമിച്ചു മടുത്ത് നിര്‍ത്തിയതാണ് സാര്‍ .... എന്താണെങ്കിലും പഴി മൊത്തം എനിക്കാണ് ... ഭര്‍ത്താവിന്‍റെ അമ്മയും അദ്ദേഹത്തിന്‍റെ സൈഡാണ് ...'' '' ഓഹോ അപ്പോള്‍ ഇതാണ് അനിതക്ക് ഉറങ്ങാന്‍ കഴിയാത്തത് ...'' ''അതെ സാര്‍ ...'' ''ഭര്‍ത്താവിനെ സ്നേഹത്തോടെ ഒന്നു ഉപദേശിച്ചു കൂടെ ..'' '' ഞാന്‍ എന്നാലാവും വിധം ശ്രമിച്ചതാണ് ... അദ്ദേഹം സമ്മതിക്കില്ല സാര്‍...'' ''ഓകെ ... മറ്റെന്തെങ്കിലും കാരണം പറഞ്ഞ് ഒരു ദിവസം അദ്ദേഹത്തേയും കൊണ്ടു വരൂ ... ഞാനൊന്ന് ശ്രമിച്ചു നോക്കട്ടെ ...''

'' ശരി സാര്‍ ... പക്ഷെ അതിനു മുന്‍പ് എനിക്കൊന്നുറങ്ങണം സാര്‍ .... ഒന്നുമറിയാതെ സമാധാനമായി... അതിനെന്തെങ്കിലും ഒരു മരുന്നു തരൂ സര്‍ '' '' നോക്കൂ അനിത ... ഞാന്‍ പൊതുവേ എന്‍റെ പേഷ്യന്‍സിന് ഉറങ്ങാനുള്ള മരുന്നുകള്‍ പ്രിസ്ക്രൈബ് ചെയ്യാറില്ല ... കാരണം അത് അഡിക്ഷനുള്ള സാധ്യതകള്‍ വളരെ കൂടുതലാണ് ... സ്ഥിരമായി ഉപയോഗിച്ചാല്‍ പല ആരോഗ്യ പ്രശ്നങ്ങളും വരാം... പിന്നീടത് നിര്‍ത്താനും കഴിയാതെ വന്നേക്കാം ...'' '' ഇല്ല സാര്‍ ... ഞാനത് ശീലമാക്കില്ല ... എനിക്കൊന്ന് ഉറങ്ങണം സാര്‍ .... ഒന്നു സഹായിക്കൂ ...'' '' ശരി ഞാനൊരു മരുന്നെഴുതാം ... പുറത്തു നിന്ന് വാങ്ങേണ്ടി വരും... ഉപയോഗിച്ചു നോക്കൂ ... ഒരാഴ്ച്ച കഴിഞ്ഞു വന്നു കാണൂ ...'' ''വളരെ ഉപകാരം സാര്‍