Chapter Title : ഷഹാന IPS : ഒരു സര്‍വീസ് സ്റ്റോറി 10 [SmiTHA]

മണിക്കൂർ മുമ്പ്.

ഹാമിൽട്ടൺ സ്ട്രീറ്റ്, കറാച്ചി.

ലെഹങ്കാ ചോളിയണിഞ്ഞതിന് ശേഷം പർവീൺ ഖുർഷിദാ നീളമുള്ള കണ്ണാടിയിൽ ഭംഗി നോക്കുകയായിരുന്നു. തെരുവിൽ ഏത് നേരവും അഫ്ത്താഫിന്റെ രൂപം പ്രത്യക്ഷപ്പെടാം. ഇന്ന് കഴിഞ്ഞാൽ പിന്നെ കുറേദിവത്തേക്ക് അഫ്ത്താഫ് ഭുഖ്നൂറിലെ തന്റെ തറവാട്ട് വീട്ടിലേക്ക് മടങ്ങിപ്പോകുമെന്നാണ് പറഞ്ഞത്.

തിരിച്ച് എന്നാണു എന്ന് ചോദിച്ചപ്പോൾ ഒന്നും മിണ്ടിയില്ല.

പറയാതെ ഒരു നാൾ കയറിവരും. ഒരു ചുമട് സാധനങ്ങളും അളവിലേറെ പണവുമായി.

ഒന്നും താൻ സ്വീകരിക്കാൻ വിസമ്മതിച്ചാലും അതെല്ലാം സ്വയം ഷെൽഫിൽവെച്ച് പൂട്ടി താക്കോൽ തന്റെ കയ്യിൽ വരും.

മെഹന്ദിയും സനൂരുമണിഞ്ഞ് ഒരു ശാദി മഹലിൽ അഫ്താഫിനോടൊപ്പമിരിക്കുന്നത് എപ്പോഴും താൻ സ്വപ്നം കാണാറുണ്ട്.

പുരോഹിതന്റെ ചോദ്യത്തിന് ശേഷം "കബൂൽ" പറയാൻ കൊതിക്കാറുണ്ട്.

പക്ഷേ അത് സ്വപ്നമായും കൊതിയായും മാത്രം മനസ്സിലുരുന്നാൽ മതി.

പടച്ചവനെക്കാളും സ്ഥാനമാണ് താൻ അഫ്ത്താഫിന് കൊടുക്കുന്നത്.

പലരുടെയും മൂത്രവും രേതസ്സും ഉമിനീരും മർദ്ദനങ്ങളും മലിനമാക്കിയ തന്റെ ആത്മാവിനെയും ദേഹത്തേയും വിമോചിപ്പിച്ചവനാണവൻ.

അവന്റെ വെപ്പാട്ടിയായി എങ്കിലും ജീവിക്കുകയെന്നത് ഒരു രാജകീയ പദവിയാണ് തനിക്ക്.

അപ്പോൾ കണ്ണാടിയിൽ അവൾ സിദ്ധാർത്ഥിന്റെ രൂപം കണ്ടു.

"അഫ്താഫ്!"

അവൾ ആഹ്ലാദത്തോടെ പിൻ തിരിഞ്ഞു നോക്കി.

പിന്നെ ഓടി അവന്റെ ദീർഘവും ദൃഢവുമായ ദേഹത്തെ ആലിംഗനം ചെയ്തു.

"എന്താ പറ്റിയെ നിനക്ക്? ഞാനല്പം മുമ്പ് പുറത്തേക്ക്പോയതല്ലേയുള്ളൂ?"

"അറിയില്ല..."

അവന്റെ നെഞ്ചിൽ മുഖം ചേർത്ത് അവൾ പറഞ്ഞു.

"ഇന്ന് രാത്രി നീ പോവുകയല്ലേ? "

അവൻ ഒന്നും മിണ്ടിയില്ല. അവൻ വാച്ചു നോക്കി. ആറുമണി. ഓപ്പറേഷൻ ഡെവിൾ തുടങ്ങാൻ ഇനി മൂന്ന് മണിക്കൂർ ബാക്കി. ഇവിടുന്ന് പത്ത് മിനിറ്റ് ദൂരം