Chapter Title : ഷഹാന IPS : ഒരു സര്‍വീസ് സ്റ്റോറി 4 [SmiTHA]

എന്ന് അറിയിക്കുന്നതിലും മടിയില്ല. ഇവളാണ് പെണ്ണ്. അസ്സൽ പെണ്ണ്.

"എങ്കിൽ വാ...സാധനങ്ങൾ ഇവിടെയിരിക്കട്ടെ..."

അയാൾ പറഞ്ഞു.

"എങ്ങോട്ട്?"

"സ്ഥലത്തേക്ക് ...റൂം എടുക്കാം..അവിടെ..."

"ഭക്ഷണം കഴിക്കാൻ എന്തിനാണ് റൂമെടുക്കുന്നത്? അത് നല്ല ഒരു റെസ്റ്റോറൻറ്റ് അല്ലേ?"

അവൾ തൊട്ടുമുമ്പിലെ ഒരു പോഷ് റെസ്റ്റോറൻറ്റിലേക്ക് വിരൽ ചൂണ്ടി.

അസ്‌ലത്തിന്റെ മുഖത്ത് നിരാശ നിറഞ്ഞു.

അത് പുറത്തേക്ക് പ്രതിഫലിപ്പിക്കാതിരിക്കാൻ അയാൾ കഴിയുന്നത്ര ശ്രമിച്ചു. എങ്കിലും അതിന്റെ അനുരണനങ്ങൾ അല്പമെങ്കിലും ദൃശ്യമായി. അതിലേക്ക് അവൾ ഒരു കുസൃതി നോട്ടമെറിഞ്ഞു.

നാശം! ഇവൾ കളിപ്പിച്ച് രസിപ്പിക്കുകയാണ്!

എന്തെങ്കിലുമാകട്ടെ! നല്ല ഒരോട്ടമാണ്. അത് കളയണ്ട!

അവളോടൊപ്പം അയാൾ റെസ്റ്റോറന്റിലേക്ക് കയറി. വളരെ മൃദുവായ, നനുത്ത, ഉള്ള് തൊടുന്ന സരായിക്കി സംഗീതം നിറഞ്ഞ സുഖമുള്ള തണുപ്പ് നിറഞ്ഞ ഉൾഭാഗം. ഭിത്തിയിൽ പാഷ്തൂൺ, ബലൂചി പാരമ്പര്യം വിളിച്ചുപറയുന്ന മനോഹരമായ വലിയ പെയിന്റിങ്ങുകൾ.

"എന്താ ഓർഡർ ചെയ്യേണ്ടത്?"

മെനുവിലേക്ക് വിശദമായി കണ്ണുകളയച്ച് എതിരെയിരിക്കുന്ന തന്റെ സുന്ദരിയായ കസ്റ്റമറോട് അയാൾ ചോദിച്ചു.

"നിങ്ങൾ ഓർഡർ ചെയ്തോളൂ,"

അവൾ പറഞ്ഞു.

"നല്ല ഭക്ഷണപ്രേമിയാണ് എന്ന് കണ്ടാലറിയാം. അപ്പോൾ നിങ്ങൾ ഓർഡർ ചെയ്യുന്നതൊന്നും മോശമാകാനിടയില്ല,"

അയാളെ കണ്ണുകൾ കൊണ്ടളന്ന് അവൾ പറഞ്ഞു.

ഇനി അവളോട്‌ കൊഞ്ചാൻ നിൽക്കണോ? അയാളൊന്ന് സംശയിച്ചു. സാരമില്ല. ഇനിയും ഇവൾ കറാച്ചിയിൽ വരും. അപ്പോഴും തന്റെയടുത്തേക്ക് വരണം. അത് നഷ്ട്ടപ്പെടുത്തിക്കൂടാ.

"സാഹിബയെക്കണ്ടാലും അറിയാം,"

വീണ്ടും കണ്ണുകൾ കൊണ്ട് അവളുടെ മാറിടം അളന്നുകൊണ്ട് അയാൾ പറഞ്ഞു.

"ലാഹോറി ബീഫ് കറാഹി, ഗോബി ആലു, സീഖ് കെബാബ് ... മക്കാ കി റോട്ടി...?"

അയാൾ ചോദ്യരൂപത്തിൽ അവളെ നോക്കി.

"ഗ്രേറ്റ്!"

അവൾ വിസ്മയത്തോടെ