Chapter Title : ശുഭ പ്രതീക്ഷ 3 [അപരിചിതൻ]

വിശ്വസിച്ചു എന്നോണം ആയാൽ അത് പാന്റിൽ തിരുകി വെച്ചു. ഞാൻ ബൈക്ക് പതിയെ മുന്നിലേക്ക് തള്ളി സ്റ്റാൻഡിൽ നിന്നും ഇറക്കി ബൈക്ക് സ്റ്റാർട്ട്‌ ചെയ്ത് മുന്നിലേക്കെടുത്തു. പിന്നീട് അങ്ങോട്ട് ഞാനയാളോട് ഒന്നും മിണ്ടിയില്ല. എന്റെ മനസ്സിൽ പല ഭീതികളും സംശയങ്ങളും വന്ന് നിറഞ്ഞു. എങ്കിലും ഞാൻ ചെയ്യന്നതാണ് ശരിയാണ് എന്ന വിശ്വസം എന്നെ മുന്നിലേക്ക് നയിച്ചു. വീടിന് അടുത്ത് ഞാൻ ബൈക്ക് നിർത്തി അയാളെയും ഇറക്കി. അയാളെ എന്റെ തോളും കയ്യും കൊണ്ട് താങ്ങി ഞാൻ വീടിന് പുറകിലേക്ക് നടന്നു. അമ്മ കാണാതെ എങ്ങനെയെങ്കിലും ഇയാളെ എന്റെ മുറിയിൽ എത്തിക്കണം അതായിരുന്നു എന്റെ ലക്ഷ്യം. അമ്മ അപ്പോൾ തുണി തയ്ക്കുന്ന ഷെഡിൽ ആണെന്ന് അവിടെ നിന്നുമുള്ള ശബ്ദത്തിൽ നിന്നും ഞാൻ മനസ്സിലാക്കി. ഭാഗ്യത്തിന് പുറകിലെ ഡോർ കുറ്റിയിടാത്തത് കൊണ്ട് എനിക്ക് എളുപ്പം വീടിന് അകത്ത് കയറാൻ സാധിച്ചു. അയാളെയും കൊണ്ട് റൂമിൽ എത്തിയ ഞാൻ, അയാളോട് ശബ്ദം ഉണ്ടാക്കരുത് ഉടൻ വരാം, എന്ന് പറഞ്ഞ് മടങ്ങാൻ തുടങ്ങിയുമ്പോഴാണ് എന്റെ വസ്ത്രത്തിലെ ചോരക്കറ ഞാൻ ശ്രദ്ധിക്കുന്നത്. പെട്ടെന്ന് കയ്യിൽ കിട്ടിയ ഒരു പാന്റും ഷർട്ടും എടുത്ത് ബാത്‌റൂമിൽ കയറി വസ്ത്രം മാറി ഞാൻ പുറത്തേക്ക് ഇറങ്ങി. അപ്പോഴേക്കും ആയാൽ എന്റെ കട്ടിലിൽ കിടന്ന് മയങ്ങി എന്ന് എനിക്ക് തോന്നി. റൂമിന് പുറത്ത് ഇറങ്ങിയ ഞാൻ വാതിൽ പൂട്ടി അടുക്കള വാതിലിലൂടെ എന്റെ ബൈക്കിൽ തിരിച്ചെത്തി. ഞാൻ ബൈക്ക് എടുത്ത് നേരെ പോയത് മെഡിക്കൽ സ്റ്റോറിലേക്കാണ്. ബാന്റേജും പഞ്ഞിയും ആന്റിബയോട്ടിക്കുമെല്ലാം വാങ്ങിച്ച് വേഗം ഞാൻ വീട്ടിലേക്ക് തിരിച്ചു. "നീ പോയിട്ട് പിന്നെ വന്നായിരുന്നു..." എന്നെ കണ്ടപ്പോഴേ വന്ന അമ്മയുടെ ചോദ്യത്തിന് മുന്നിൽ നിന്നും ഞാൻ വിയർത്തു. "ഇല്ല എന്താ അമ്മേ അങ്ങനെ ചോദിച്ചത്" എന്റെ പരിഭ്രമം മറച്ച് കൊണ്ട് ഞാൻ ചോദിച്ചു. "അല്ല നീ പോയപ്പോൾ ഈ ഡ്രസ്സ്‌ ആയിരുന്നില്ലല്ലോ ഇട്ടിരുന്നത്." അമ്മ എന്നെ സംശയ ഭാവത്തിൽ നോക്കി ചോദിച്ചു.

"അല്ലല്ലോ..., ഞാൻ ഇത് തന്നെയാണ് ഇട്ടിരുന്നത്, അമ്മക്ക് തോന്നിയതാവും." ഞാൻ അമ്മയോട് കള്ളം പറഞ്ഞു. "ആഹ് തോന്നിയതാവും, പുറത്ത് നിന്ന്