ശ്യാമയും സുധിയും 3 [ഏകൻ]

എല്ലാ തെളിവുകളും ഇപ്പോൾ എന്റെ കയ്യിൽ ഉണ്ട്. ശ്യാമയ്ക്ക് നാളെ കാണിച്ചുതരാം അവളെ. ശരി എന്നാൽ നാളെ കാണാം."

ശ്യാമ വിറച്ചുപോയി. ശ്യാമ വിളറി വെളുത്തു. തല വേദന എടുക്കുന്നു എന്ന് പറഞ്ഞു ശ്യാമ സ്കൂളിൽ നിന്ന് നേരത്തെ ഇറങ്ങി. വീട്ടിൽ വന്ന ശ്യാമ വേഗം കയറി കിടന്നു. അന്ന് രാത്രിയിൽ ശ്യാമയ്ക്ക് പനിച്ചു. എങ്കിലും പിറ്റേന്ന് ശ്യാമ സ്കൂളിൽ പോയി സുധിയെ കാത്തിരുന്നു.

കുറച്ചു കഴിഞ്ഞപ്പോൾ പ്യൂൺ വന്ന് ശ്യാമയോട് പറഞ്ഞു.

" ശ്യാമ മേഡം സുന്ദരൻ സാർ വിളിക്കുന്നുണ്ട്. മേഡത്തെ കാണാൻ ഒരാൾ വന്നിട്ടുണ്ട്. മേഡത്തോട് സുന്ദരൻ സാറിന്റെ മുറിയിലേക്ക് ചെല്ലാൻ പറഞ്ഞു "

ശ്യാമ പേടിയോടെ മാനേജർ സുന്ദരന്റെ മുറിയിലേക്ക് ചെന്നു. അവിടെ സുധിയെ കണ്ടു ശ്യാമ ഞെട്ടി.

" എന്തുപറ്റി ശ്യാമേ..? ഒരു പനിപിടിച്ച പോലെയുണ്ടല്ലോ..? മുഖമൊക്കെയാകെ ഡ്ള്ളായി കിടക്കുന്നു. " മാനേജർ സുന്ദരൻ ചോദിച്ചു.

" ഏയ് ഒന്നുമില്ല സാർ." ശ്യാമ പറഞ്ഞു.

"അതേ ! ശ്യാമക്ക് ആളെ മനസ്സിലായോ. ..? ഇതാണ് ശ്യാമയ്ക്ക് പകരം പുതിയതായി ചാർജ് എടുക്കാൻ വന്നയാൾ. പേര് 'സുധി ' " മാനേജർ സുന്ദരൻ പറഞ്ഞു. എന്നിട്ട് സുധി യോടായി പറഞ്ഞു.

" കേട്ടോ മിസ്റ്റർ സുധി. ഇതാണ് ശ്യാമ. നന്നായി ജോലി ചെയ്യും. പക്ഷേ പറഞ്ഞിട്ടെന്താ കാര്യം. കൃത്യസമയം വരില്ല നേരത്തെ പോവുകയും ചെയ്യും. അങ്ങനെ ഒരാളെ എത്ര നാളെന്നു വെച്ചാ... "

സുധി. ചിരിച്ചു.

" ശ്യാമായിരിക്ക്. സുധിക്ക് കുറച്ച് സംസാരിക്കാൻ ഉണ്ട്. " മാനേജർ സുന്ദരൻ പറഞ്ഞു.

" അത് വേണ്ട സാർ തന്നെ പറഞ്ഞാൽ മതി. "" സുധി പറഞ്ഞു.

എന്നാൽ അങ്ങനെ ആയിക്കോട്ടെ ഞാൻ തന്നെ പറയാം.

" അതേ ശ്യാമേ... സുധി ഇവിടെ മുതലാളിമാർക്ക് 20 ലക്ഷം രൂപ കൊടുത്തിട്ട് ആണ് ഈ ജോലി വാങ്ങിയത്. അത് തിരിച്ചു ശ്യാമ സുധിക്ക് കൊടുക്കാമെങ്കിൽ സുധി ഈ ജോലിയിൽ നിന്നും ഒഴിവാകാം എന്നാണ് പറഞ്ഞത്. "

" വേണ്ട സാർ 20 ലക്ഷം ഒന്നും വേണ്ട സാർ. "

സുധി അങ്ങനെ പറഞ്ഞപ്പോൾ ശ്യാമയ്ക്ക് ആശ്വാസം തോന്നി. സുധി വീണ്ടും തുടർന്നു.

" അതിൽനിന്നും ഒരു ലക്ഷം കുറക്കാം. ഒരു 19 ലക്ഷം തന്നാൽ മതി. ഞാനീ ജോലി വേണ്ടെന്നുവച്ചു പോയി കൊള്ളാം. ശ്യാമ നന്നായി ആലോചിച്ചു പറഞ്ഞാൽ മതി. " സുധി പറഞ്ഞു.

" ശരി.! 19 എങ്കിൽ 19

.. ശ്യാമ എന്ന് 19 ലക്ഷം സുധിക്ക് കൊടുക്കുന്നവോ. അന്നുമുതൽ ശ്യാമ ഇവിടുത്തെ പെർമനന്റ് സ്റ്റാഫ് ആകും." മാനേജർ സുന്ദരൻ പറഞ്ഞു.

" സർ, എനിക്ക് ശ്യാമയോട് കുറച്ച് തനിച്ച് സംസാരിക്കണം എന്നുണ്ടായിരുന്നു. ശ്യാമയെ കുറച്ചു സമയം എന്റെ കൂടെ അയക്കുന്നതിൽ സാറിന് വിരോധമുണ്ടോ..? "

സുധി ചോദിച്ചു.

"ഏയ്!!! എനിക്ക് എന്ത് വിരോധം. ശ്യാമക്ക് സമ്മതമാണെങ്കിൽ സംസാരിച്ചോളൂ. അതിന് പുറത്തു പോകണമെങ്കിൽ അങ്ങനെ. എനിക്ക് വിരോധം ഒന്നുമില്ല."

" എന്നാൽ ശരി സാർ.