ശ്യാമയും സുധിയും 3 [ഏകൻ]

സാർ ശ്യാമയെ നോക്കി ഒരു വൃത്തികെട്ട ചിരി ചിരിച്ചു. എന്നിട്ട് വീണ്ടും തുടർന്നു.

എന്നാൽ അത് കേട്ടപ്പോൾ ശ്യാമയ്ക്ക് അയാളോട് അറപ്പ് തോന്നി.

." ഇനി ഞാൻ പറയുന്നത് കൂടെ കേൾക്ക്. ശ്യാമയെ ഇവിടുന്ന് ഒഴിവാക്കണമെന്ന് മുതലാളിമാർക്ക് അങ്ങനെയൊരു ആഗ്രഹമേ ഇല്ല. എങ്കിലും ശ്യാമയെ എനിക്ക് വേണമെന്ന് അതിയായ ആഗ്രഹമുണ്ട്. അതിനാണ് മുതലാളിമാരോട് പറഞ്ഞു ഇങ്ങനെയൊരു തീരുമാനം ഞാൻ എടുത്തത്.. ഇത് എന്റെ തീരുമാനമാണ്.

എങ്കിലും മുതലാളിമാർക്ക് കിട്ടിയത് പത്തൊൻപതര ലക്ഷമാണ്. അമ്പതിനായിരം എന്റെ കമ്മീഷനും. അതുകൊണ്ട് ഞാൻ പറയുന്നത് മുതലാളിമാർ കേട്ടു.

ഇനി ശ്യാമയുടെ മുന്നിൽ രണ്ടു വഴികളെ ഉള്ളൂ. അതിൽ ഒന്ന് എനിക്ക് വഴങ്ങുക. എന്നെ വിവാഹം കഴിക്കുക. അതിന് ശ്യാമയിൽ സമ്മർദ്ദം ഉണ്ടാക്കുന്നതിനു വേണ്ടിയാണ് ഞാൻ ഇങ്ങനെ ചെയ്തത്... രണ്ടാമത് ആ സുധി അത് പാവമാണ്. പക്ഷേ അവന് ശ്യാമയോട് എന്തോ ഇഷ്ടമുണ്ടെന്നു തോന്നുന്നു അതുകൊണ്ടല്ലേ ഒരു ലക്ഷം രൂപ കുറച്ചത്. ഇനിയും അവന്റെ തഞ്ചത്തിനു നിന്ന് മുഴുവൻ പൈസയും വേണ്ടെന്നുവെപ്പിക്കുക. ഈ ജോലി സ്വന്തമാക്കുക. എന്നാലും ശ്യാമ വരേണ്ടത് ഇവിടെ എന്റെ അടുത്തേക്ക് ആണെന്ന് ഓർമ്മ വേണം. "

അതും കേട്ടതോടുകൂടി ശ്യാമ പൂർണമായും തകർന്നു. ഇനിയെന്ത് വേണം എന്നറിയാതെ അവിടെത്തന്നെ ഇരുന്നു.

കുറച്ചു കഴിഞ്ഞ് മാനേജർ സുന്ദരൻ പറഞ്ഞു.

" സുധി പുറത്ത് കാത്തു നിൽക്കുന്നുണ്ടാകും. വല്ല പാർക്കിലോ ബീച്ചിലോ. അല്ല ഇനി വല്ല ലോഡ്ജിൽ ആയാലും പ്രശ്നം ഒന്നും ഇല്ല. ആ സുധിയെയും കൂട്ടി പോയിട്ട് ഒന്ന് ആഘോഷിച്ചിട്ട് വാ. അങ്ങനെ പോയാലും എനിക്ക് വിരോധമൊന്നുമില്ല കേട്ടോ... അപ്പോഴും ശ്യാമയെ വിവാഹം കഴിക്കാൻ ഞാൻ തയ്യാറാണ്. "

അവിടെ ഇരുന്ന് അയാൾ പറയുന്നത് കേൾക്കുവാൻ ശ്യാമയ്ക്ക് തോന്നിയില്ല.

ശ്യാമ എന്ത് ചെയ്യണമെന്നറിയാതെ ഇറങ്ങിപ്പുറത്തേക്ക് നടന്നു. ദൂരെ ഒരു സ്കൂട്ടിയിൽ ചാരി സുധി നിൽക്കുന്നത് ശ്യാമ കണ്ടു. ഇപ്പോൾ ജോലിയേക്കാൾ പ്രധാനം കേസ് ഒഴിവാക്കുന്നതാണ് എന്ന് ശ്യാമയ്ക്ക് തോന്നി. അതുകൊണ്ട് സുധിയെ ഒഴിവാക്കാൻ കഴിയില്ല. ശ്യാമ സുധിയുടെ അടുത്തേക്ക് നടന്നു.

" അപ്പോൾ നമുക്ക് പോകാം. ശ്യാമയുടെ വീട്ടിലേക്ക്.. അല്ലേ ശ്യാമേ..? " സുധി ചോദിച്ചു

"മ്" ശ്യാമ മൂളി.

" ശ്യാമയ്ക്ക് ഈ സ്കൂട്ടർ ഓടിക്കാൻ അറിയാമോ.? ഇത് എന്റെ കൂട്ടുകാരന്റെ സ്കൂട്ടർ ആണ്. അവനാണ് ഇത് എനിക്ക് തന്നത്. എന്റെ ബൈക്ക് ശരിയാക്കുന്നത് വരെ. ശ്യാമയ്ക്ക് ഓടിക്കാൻ അറിയാമെങ്കിൽ അതുവരെ ഇത് ശ്യാമയ്ക്ക് ഓടിക്കാം. "

ശ്യാമ സ്കൂട്ടറിലും സുധിയുടെ കൈയിലും കാലിലും നോക്കി.

" ഇത് എങ്ങനെ ഇവിടെ എത്തി എന്നാണ് ശ്യാമ ചിന്തിക്കുന്നത് അല്ലേ?

അതൊക്കെ വഴിയെ പറയാം. ശ്യാമയ്ക്ക് ഇത് ഓടിക്കാൻ അറിയാമെങ്കിൽ. ഇതാ താക്കോൽ വേഗം വണ്ടിയെടുക്ക് ബാക്കി നമുക്ക് വീട്ടിൽ പോയി ഇരുന്നിട്ട് സംസാരിക്കാം. "

ശ്യാമ ആ സ്കൂട്ടറിന്റെ താക്കോൽ വാങ്ങി. സ്കൂട്ടറിൽ കയറിയിരുന്നു സ്കൂട്ടർ സ്റ്റാർട്ട് ആക്കി.

"ശ്യാമേ ഞാൻ കയറട്ടെ. ഒന്ന് ബാലൻസ് ചെയ്തേക്കണേ. ." സുധി പറഞ്ഞു.

എന്നിട്ട് വലതു കാലിൽ ബലം കൊടുത്തു