ശ്യാമയും സുധിയും 5 [ഏകൻ]

അനുഭവിക്കുന്നുണ്ട്. എന്നിട്ടും താൻ അതൊന്നും ഇതുവരെ ആലോചിച്ചു പോലും നോക്കിയില്ലല്ലോ..

തമാശയ്ക്ക് ആയിരിക്കും അപ്പു ഏട്ടൻ തന്നോട് അങ്ങനെ ഒക്കെ ഒരുപക്ഷെ കാണിക്കുന്നത് . എന്നാൽ അതൊന്നും താൻ ഓർത്തില്ലല്ലോ. താൻ കാരണം ഇങ്ങനെ ഉണ്ടായെന്ന സിമ്പത്തിക്കു അപ്പുറം തന്റെ ജോലി നഷ്ട്ടപെടാതിരിക്കാനും തനിക്കെതിരെ കേസ് കൊടുക്കാതിരിക്കാനും മാത്രം അല്ലേ താൻ ഇതിനൊക്കെ മുതിർന്നത്. അല്ലെങ്കിൽ താനും ഒരുപക്ഷെ മറ്റുള്ളവരെ പോലെ ഒന്നും ശ്രദ്ധിക്കാതെ നടന്നു പോയേനെ. എന്നിട്ടും തന്റെ കാര്യത്തിൽ അപ്പു ഏട്ടൻ കാണിക്കുന്ന ഈ ശ്രദ്ധ ഉണ്ടല്ലോ അത് തന്നെ വേദനിപ്പിക്കുന്നു.

അങ്ങനെ ഓരോന്ന് ചിന്തിച്ചു കൊണ്ട് ശ്യാമ സുധിയേയും കൊണ്ടു താഴെ എത്തി. നേരെ നടന്നു ഓട്ടോയുടെ അടുത്ത് പോയി. ശ്യാമയും ഓട്ടോക്കാരാനും ചേർന്ന് സുധിയെ ഓട്ടോയിൽ കയറ്റി ഇരുത്തി. ശ്യാമ തന്റെ തോളിൽ ഇട്ട ബേഗ് ഓട്ടോയിൽ വെച്ച ശേഷം പറഞ്ഞു.

"ഞാൻ ഇപ്പോൾ വരാമേ.." അങ്ങനെ പറഞ്ഞു ശ്യാമ വേഗം വീട്ടിലേക്ക് ഓടി. തന്റെ റൂമിൽ കയറിയ ശേഷം ഇന്നലെ സുധി വാങ്ങി കൊടുത്ത കവർ നോക്കി അത് താഴെ വലിച്ചെറിഞ്ഞ നിലയിൽ കണ്ട് അവൾക്ക് വീണ്ടും സങ്കടം വന്നു. വേഗം ആ കവർ എടുത്തു അതിൽ നിന്ന് ഒരു ചൂരിദാർ എടുത്തു. നല്ല വെള്ള നിറത്തിൽ ഉള്ള ചൂരിദാർ ചുറ്റും കണ്ണാടി പോലെ മിന്നൂളി പോലെ എല്ലാം തുന്നി പിടിപ്പിച്ച ഭംഗിയുള്ള ഒരു ചൂരിദാർ. ശ്യാമ അത് തന്നെ വേഗം ഉടുത്തു. എന്നിട്ട് കണ്ണാടിയിൽ നോക്കി.

അത് തനിക്കു നന്നായി ചേരുന്നുണ്ട് എന്ന് ശ്യാമയ്ക്ക് തോന്നി. അപ്പു ഏട്ടൻ തന്നെ കൊണ്ടു നിർബന്ധിപ്പിച്ചു എടുപ്പിച്ചതാണ് ആ ചൂരിദാർ. തനിക്കു ചേരും എന്ന് മനസ്സിലാക്കി.

ശ്യാമ തന്റെ ബേഗ് എടുത്ത് തോളിൽ ഇട്ട് വാതിൽ പൂട്ടി വേഗം പുറത്ത് ഇറങ്ങി. അതിൽ ആണ് സുധി കൊടുത്ത ബാക്കി പണം ഉള്ളത്.

ഓട്ടോയിൽ കയറാൻ വന്ന ശ്യാമയെ നോക്കി ഓട്ടോക്കാരൻ ചോദിച്ചു.

"അല്ല ചേച്ചി ഹോസ്പിറ്റലിൽ നിന്നും വല്ല കല്യാണത്തിനും പോകുന്നുണ്ടോ..? ഉണ്ടെങ്കിൽ പെണ്ണിനെ മാറിപ്പോകാതെ നോക്കിക്കോ.. ചേച്ചിയാണ് കല്ല്യാണപ്പെണ്ണ് എന്ന് ആളുകൾ കരുതും."

അതു കേട്ട് ശ്യാമയ്ക്ക് നാണം തോന്നി. അപ്പോൾ സുധി പറഞ്ഞു.

"കല്യാണത്തിന് പോകണോ അല്ല മറ്റെവിടെ എങ്കിലും പോകണോ എന്ന് ഞങ്ങൾ തീരുമാനിച്ചോളും. എന്റെ ഭാര്യ എന്തിട്ടാലും തനിക്ക് എന്താ.. തനിക്കു ഓട്ടോ കാശ് കിട്ടിയാൽ പോരെ. "

അത് കേട്ട് ശ്യാമയ്ക്ക് കൂടുതൽ നാണം തോന്നി. അപ്പു ഏട്ടൻ തന്നെ അപ്പു ഏട്ടന്റെ ഭാര്യ എന്നാണ് പറഞ്ഞത്. അത് അല്ലെങ്കിലും അയാൾ അങ്ങനെ അല്ലേ കരുതിയിരിക്കുന്നത്. അത് ഇനി അങ്ങനെ തന്നെ ആകട്ടെ. ശ്യാമ ചിന്തിച്ചു നിന്നു പോയി.

"ചേച്ചി എന്താലോചിച്ചു നിൽക്കുവാ.. സാറിന് ഇപ്പോഴേ ദേഷ്യം പിടിച്ചു . ചേച്ചി വേഗം കയറിയാട്ടെ." ഓട്ടോക്കാരൻ പറഞ്ഞു.

ശ്യാമ വേഗം ഓട്ടോയിൽ കയറി സുധിയുടെ കാൽ പിടിച്ചു തന്റെ മടിയിൽ വെച്ചു. സുധി ട്രൗസർ ഉടുത്തത് കൊണ്ട് സുധിയുടെ മുട്ടിന് താഴെ നഗ്നമായിരുന്നു. ശ്യാമ