ശ്യാമയും സുധിയും 5 [ഏകൻ]

ആ കാൽ തന്നോട് ചേർത്ത് പിടിച്ചു മനസ്സിൽ സുധിയോട് മാപ്പ് പറഞ്ഞു.

അപ്പു ഏട്ടാ എന്നോട് ക്ഷമിക്കണേ... ഞാൻ അറിയാതെ പറ്റിപ്പോയതാ... ഇന്നലെ താൻ അത്രയും ദേഷ്യം കാണിച്ചിരുന്നില്ലെങ്കിൽ ഇപ്പോൾ ഈ വേദനയെങ്കിലും അപ്പു ഏട്ടന് സഹിക്കാതിരിക്കാമായിരുന്നു. എന്നോട് ക്ഷമിക്കണേ അപ്പു ഏട്ടാ.

സുധി ശ്യാമയെ നോക്കിയിരുന്നു. അവൾ ഈ തൂവെള്ള നിറത്തിൽ എന്ത് സുന്ദരി ആണ്. ഒന്ന് അഭിനന്ദിക്കാൻ തനിക്കു കഴിഞ്ഞില്ലല്ലോ. അപ്പോഴേക്കും ഇയാൾ കയറി ഓരോന്ന് പറഞ്ഞു........ പാവം ശ്യാമയ്ക്ക് നല്ല കുറ്റബോധം ഉണ്ടെന്ന് തോനുന്നു. കണ്ണൊക്കെ നിറഞ്ഞു നിൽക്കുന്നത് കണ്ടില്ലേ..? അല്ലങ്കിൽ തന്നെ ശ്യാമയ്ക്ക് എന്തിനാ കുറ്റബോധം തോന്നേണ്ടത് താൻ കാണിച്ച ഓരോ ചെറ്റത്തരത്തിനും ശ്യാമ എന്റെ മുഖം അടിച്ചു പൊളിക്കുകയാണ് വേണ്ടത്. എന്നിട്ടും പാവം തന്റെ വേദന ഓർത്ത് ഇങ്ങനെ കണ്ണ് നിറയ്ക്കുന്നത് കണ്ടോ..? സുധിയും മനസ്സിൽ പറഞ്ഞു.

അപ്പോഴേക്കും അവർ ഹോസ്പിറ്റലിൽ എത്തി ഒരു വീൽ ചെയറിൽ സുധിയെ ഇരുത്തി അറ്റൻഡർ സുധിയെ കേഷ്വാലിറ്റിയിലേക്ക് തള്ളി കൊണ്ടു പോയി.

"എന്താ പറ്റിയത്..?"

അവിടെയുള്ള ഡോക്ടർ ചോദിച്ചു.

" അത് വെള്ളം എടുക്കാൻ നോക്കിയപ്പോൾ കട്ടിൽ നിന്നും താഴെ വീണു പോയതാ. " സുധി പറഞ്ഞു.

" അതിന് ഇവർക്ക് എന്തായിരുന്നു അവിടെ പണി. എന്തുണ്ടായാലും ഭാര്യയെ വേണ്ടേ വിളിക്കാൻ . അല്ലാതെ ഈ അവസ്ഥയിൽ ഇങ്ങനെ"

ശേഷം ഡോക്ടർ ശ്യാമയോട് ചോദിച്ചു.

" നിങ്ങൾ വണ്ടേ ഇതൊക്കെ ശ്രദ്ധിക്കാൻ..? ഞാൻ അന്നേ പറഞ്ഞതല്ലേ ..? രണ്ടാഴ്ച പൂർണമായും വിശ്രമം വേണമെന്ന്. എന്നിട്ട് ഇപ്പോൾ ഒരാഴ്ച പോലും ആകുന്നതിനു മുൻപ് തിരിച്ചു ഇങ്ങോട്ട് തന്നെ വന്നിരിക്കുന്നു." "

"സാർ അവളെ ഒന്നും പറയേണ്ട. അത് അവളുടെ കുറ്റമല്ല. ഞാൻ തന്നെയാ കാരണക്കാരൻ. അവൾ പറഞ്ഞത് കേൾക്കാതെ ഞാൻ വെള്ളമെടുക്കാൻ ശ്രമിച്ചത് കൊണ്ട് വീണതാ."

" ആരു കാരണക്കാരൻ ആയാൽ എന്താ. ഇനി ഒരു രണ്ടാഴ്ച ഇവിടെ കിടന്നിട്ട് പോകാം. "

അങ്ങനെ പറഞ്ഞശേഷം ഡോക്ടർ സുധിയെ എക്സറേ എടുക്കാനായി പറഞ്ഞയച്ചു.

ഡോക്ടർ സുധിയുടെ എക്സറേ നോക്കി പറഞ്ഞു.

" വീണ്ടും ചെറിയ ഫ്രാക്ചർ ഉണ്ടായിട്ടുണ്ട്. പക്ഷെ അത് വലിയ കുഴപ്പമില്ല. എന്തായാലും രണ്ടു ദിവസം ഇവിടെ കിടന്നിട്ട് പോകാം. "

അങ്ങനെ സുധിയെ വീണ്ടും വാർഡിലേക്ക് മാറ്റി.

അന്നത്തെ ആ സിസ്റ്റർ തന്നെയായിരുന്നു വാർഡിൽ ഉണ്ടായിരുന്നത്. അവർ ശ്യാമയേയും സുധിയെയും കണ്ടപ്പോൾ ചോദിച്ചു.

" രണ്ടുപേരും വേഗം ഇവിടേക്ക് തന്നെ തിരിച്ചു വന്നല്ലോ.? ഇപ്പോൾ എന്ത് പറ്റി. വീണ്ടും സ്കൂട്ടറിൽ നിന്നും വീണോ.? "

"ഓഹ്!! ഇല്ല സിസ്റ്ററെ . ഞങ്ങൾ കട്ടിലിൽ കിടന്നു ഒന്ന് സ്നേഹിച്ചത അപ്പോൾ ഞാൻ താഴെ വീണുപോയി."

അത് കേട്ട് സിസ്റ്റർ ചിരിച്ചു. എന്നിട്ട് ചോദിച്ചു.

" ഈ കയ്യും കാലും വെച്ച് തന്നെ വേണോ കട്ടിലിൽ കിടന്നുകൊണ്ട് സ്നേഹിക്കാൻ . അത് ഇതൊക്കെ ഒന്ന് മാറിയിട്ട് പോരെ. അതിനിടയിൽ തന്നെ വേണോ..? "

അത് കേട്ട് ശ്യാമ ചൂളി ചെറുതായ പോലെ നിന്നുപോയി. അവൾക്ക്