ശ്യാമയും സുധിയും 7 [ഏകൻ]

ആണ്."

"ഇത് മതി. ബാക്കി കാര്യം ഞാൻ ഏറ്റു. തല്ക്കാലം നമ്മൾ സംസാരിച്ച കാര്യം ശ്യാമ അറിയേണ്ട. ."

അതും പറഞ്ഞു സുചിത്ര വേഗം മുകളിലേക്ക് പോയി. അപ്പോൾ ശ്യാമ സുധിയുടെ മുഖം കഴുകി കൊടുക്കുകയായിരുന്നു.

അവിടെ എത്തിയ ഉടനെ സുചിത്ര ചോദിച്ചു.

"അപ്പു ഏട്ടാ നമ്മുടെ വിവാഹം നടക്കുന്ന അന്ന് തന്നെ എന്റെ ഏട്ടനെ കൊണ്ട് നമ്മുടെ ശ്യാമയുടെ വിവാഹം നടത്തിയാലോ..?"

"എനിക്ക് ഇനി വിവാഹം ഒന്നും വേണ്ട ചേച്ചി."

ശ്യാമ എങ്ങനെയോ പറഞ്ഞു ഒപ്പിച്ചു.

"അത് ഇനി ശ്യാമയല്ല തീരുമാനിക്കുന്നത്. അത് ഞങ്ങൾ തീരുമാനിക്കും. എന്റെ ഏട്ടൻ വെറും ആപ്പ ഊപ്പ ഒന്നും അല്ല. പോലീസിൽ ആണ് അതും ക്രൈംബ്രാഞ്ചിൽ എസ്സ് പ്പി. എന്നിട്ടാ പറയുന്നത്. ഞാൻ പറഞ്ഞാൽ ഉണ്ടല്ലോ എന്റെ ഏട്ടൻ ഇവിടെ വന്നു ശ്യാമയെ തൂക്കി എടുത്തു കൊണ്ട് പോകും."

"പ്ലീസ് ചേച്ചി. എന്നെ വിട്ടേക്ക് ചേച്ചി. എനിക്ക് ഇനി കല്യാണം ഒന്നും വേണ്ട."

"അപ്പു ഏട്ടൻ പറ.. എന്റെ ഏട്ടനെ കൊണ്ട് ശ്യാമയെ കെട്ടിക്കുന്നതിൽ അപ്പു ഏട്ടന്റെ അഭിപ്രായം എന്താ..?" സുചിത്ര സുധിയോട് ചോദിച്ചു.

"അത് നല്ല കാര്യം അല്ലേ.. ശ്യാമയ്ക്ക് സമ്മതം ആണോ എന്ന് മാത്രം അറിഞ്ഞാൽ മതി." ശ്യാമയെ നോക്കികൊണ്ട് സുധി പറഞ്ഞു.

" മതി. നിന്റെ അപ്പു ഏട്ടന്റെ അഭിപ്രായം കേട്ടല്ലോ ശ്യാമേ.. എന്റെ കല്യാണം നടക്കുന്ന അന്ന് തന്നെ എന്റെ ഏട്ടന്റെ കല്യാണവും നടക്കണം. " "

അത് കേട്ട് ശ്യാമ കണ്ണ് നിറച്ചു കൊണ്ട് താഴേക്ക് ഓടി.

കുറച്ചു കഴിഞ്ഞു സുചിത്ര താഴേക്ക് വന്നപ്പോൾ ശ്യാമയുടെ മുഖം ഇരുണ്ടു കിടക്കുകയായിരുന്നു.

"എന്താണ് എന്റെ ശ്യാമ കുട്ടി. മുഖത്തു ഒരു വാട്ടം. ഞാൻ വിവാഹത്തിന്റെ കാര്യം പറഞ്ഞത് കൊണ്ടാണോ..?"

"ഏയ്‌! എന്റെ മുഖത്തു ഒരു വാട്ടവും ഇല്ലല്ലോ. നോക്കിയേ..? "

എന്ന് പറഞ്ഞു ശ്യാമ സൂചിത്രയെ നോക്കി ചിരിക്കാൻ ശ്രമിച്ചു.

"ആഹാ!! ബെസ്റ്റ് നല്ല ചിരി. എന്നാലേ ആ കണ്ണീരു കൂടെ തുടച്ചിട്ട് ചിരിക്കുന്നതായിരിക്കും കൂടുതൽ ഭംഗി."

ശ്യാമ വേഗം കണ്ണീരു തുടച്ചു . അത് കണ്ട് സുചിത്ര പൊട്ടി ചിരിച്ചു.

എന്നിട്ട് ശ്യാമയെ കെട്ടിപിടിച്ചുകൊണ്ട് റൂമിലേക്ക് നടന്നു.

"ചേച്ചി എന്നെ വിട്. ഞാൻ ചേച്ചിക്കുള്ള ഭക്ഷണം ഉണ്ടാക്കട്ടെ.?" ശ്യാമ പറഞ്ഞു.

"ഇനി എനിക്ക് ശ്യാമ ഇപ്പോൾ ഭക്ഷണം ഒന്നും ഉണ്ടാകേണ്ട. പകരം ഞാൻ പറഞ്ഞ കല്യാണത്തിന് എന്റെ ഏട്ടനുമായുള്ള കല്യാണത്തിന് ശ്യാമ സമ്മതിച്ചാൽ മതി. "

"പ്ലീസ് ചേച്ചി. ഞാൻ ചേച്ചിയുടെ കാല് പിടിക്കാം. എന്നെ ഇതിൽ നിന്ന് ഒഴിവാക്കണം. എനിക്ക് അങ്ങനെ ഒരു വിവാഹം വേണ്ട..'

"വേണം. എനിക്ക് ശ്യാമയെ ഒത്തിരി ഇഷ്ട്ടം ആയി. എനിക്ക് ഈ ശ്യാമ