ശ്യാമയും സുധിയും 7 [ഏകൻ]

ആഗ്രഹിക്കുന്നത് എന്നല്ലേ..? എന്നിട്ട് ഇവർ ഇപ്പോൾ എന്തൊക്കെയാണ് പറയുന്നത്.

ശ്യാമ രാവിലെ നടന്ന സംഭവത്തിന്റെ തുടർച്ച ഒന്ന് ഓർത്ത് നോക്കി.

അപ്പു ഏട്ടൻ തന്നെ അങ്ങനെ കണ്ടെങ്കിലും ഒന്നും മിണ്ടുകയോ എന്തെങ്കിലും ചെയ്യുകയോ ഉണ്ടായില്ല. വേഗം തന്നെ ഇറങ്ങി പോവുകയാണ് ചെയ്തത്.

അതിന് മുൻപൊക്കെ തന്നെ ഉമ്മ വെക്കാനും മണക്കാനും കാണാനും കൊതിയോടെ എന്ന പോലെ നടന്ന ആളാണ് അപ്പു ഏട്ടൻ. എന്നിട്ടും അങ്ങനെ ഒരു അവസ്ഥയിൽ തന്നെ കണ്ടിട്ടും തന്റെ അടുത്ത് വരികയോ തന്നെ കെട്ടിപ്പിടിക്കാനോ ഉമ്മ വെക്കാനോ മണക്കാനോ ഒന്നും നിൽക്കാതെ വേഗം പോകുമെന്ന് താനും കരുതിയില്ല. അപ്പു ഏട്ടന്റെ സ്ഥാനത് വേറെ ആരെങ്കിലും ആയിരുന്നെങ്കിൽ ഒരുപക്ഷെ തന്നെ നശിപ്പിച്ചേനെ.

എങ്കിലും തനിക്കു ആ മുഖത്തേക്ക് നോക്കാൻ കഴിഞ്ഞില്ല. സങ്കടത്തേക്കാൾ നാണം ആയിരുന്നു തന്റെ മനസ്സിൽ. അപ്പു ഏട്ടന്റെ മുന്നിൽ നിൽക്കാൻ പോലും തനിക്കു എന്തോ പോലെ തോന്നി.

താൻ രാവിലെ ഉള്ള ചായയുമായി മുകളിൽ പോയപ്പോൾ അപ്പു ഏട്ടൻ കട്ടിലിൽ കിടന്ന് ഉറങ്ങുകയായിരുന്നു. താൻ അപ്പു ഏട്ടനെ ഉണർത്താതെ ചായയും പുട്ടും കറിയും അവിടെ വെച്ച് മെല്ലെ ഇറങ്ങി വന്നു.

പിന്നെ ഉച്ചയ്ക്ക് ആണ് താൻ മുകളിൽ പോകുന്നത് അപ്പു ഏട്ടനുള്ള ചോറും കറികളും എടുത്തു. മുകളിൽ എത്തിയപ്പോൾ അപ്പു ഏട്ടൻ ഫോണിൽ എന്തോ നോക്കുകയായിരുന്നു. താൻ രാവിലെ കൊണ്ട് വെച്ചതൊന്നും അപ്പു ഏട്ടൻ തൊട്ടു നോക്കിയത് പോലും ഇല്ലെന്ന് മനസ്സിലായി. ചായയും പുട്ടും കറികളും എല്ലാം അവിടെ അങ്ങനെ തന്നെ ഇരിക്കുന്നു.

അപ്പു ഏട്ടൻ തന്നെ നോക്കി എന്നിട്ട് വിളിച്ചു. പിന്നെ പറഞ്ഞു

"ശ്യാമേ. എന്നോട് ദേഷ്യം ഉണ്ടോ...? ഞാൻ ഒന്നും മനപ്പൂർവം.."

ഞാൻ ചോദിച്ചു.. " അപ്പു ഏട്ടൻ എന്താ ഒന്നും കഴിക്കാതിരുന്നത്..? "

അപ്പോൾ അപ്പു ഏട്ടൻ തന്നോട് ചോദിച്ചു.

"ശ്യാമ എന്തേ ഭക്ഷണം കൊണ്ട് വെച്ചിട്ടും എന്നെ വിളിക്കാതിരുന്നത്..? എനിക്ക് വാരി തരാതിരുന്നത്..?"

"അത് അപ്പു ഏട്ടാ ഞാൻ അപ്പു ഏട്ടൻ ഉറങ്ങുന്നത് കണ്ട്. ശല്യം ആവേണ്ട എന്ന് കരുതി. "

"അതൊന്നും അല്ല. ഞാൻ അപ്പോൾ ഉറങ്ങുകയൊന്നും ആയിരുന്നില്ല. ഞാൻ എല്ലാം അറിയുന്നുണ്ടായിരുന്നു. ശ്യാമ എന്നെ വിളിക്കുമോ എന്ന് നോക്കി തന്നെ ഞാൻ വെറുതെ കിടന്നതാ.."

"അത് അപ്പു ഏട്ടാ ഞാൻ ആ സമയം എന്റെ മനസ്സ് അങ്ങനെ ഒരു അവസ്ഥയിൽ ആയിരുന്നു. അതാ ഞാൻ "

"ശ്യാമേ ഞാൻ അതിന് ശ്യാമയെ ഒന്നും ചെയ്തില്ലല്ലോ. രാവിലെ നേരത്തെ എഴുന്നേറ്റപ്പോൾ എന്റെ ശ്യാമയെ കാണാൻ ഒരു മോഹം തോന്നി. അങ്ങനെ താഴേക്ക് ഇറങ്ങി വന്നതാണ്. ശ്യാമയുടെ അമ്മയെ കണ്ടു സംസാരിച്ചപ്പോൾ ഒരു ഫോൺ വന്നു. അതും എടുത്തു നടന്നു അറിയാതെ ശ്യാമയുടെ മുറിയിൽ കയറിപ്പോയതാ. അല്ലാതെ മനപ്പൂർവം ഞാൻ ഒന്നും ചെയ്തില്ല."

"എന്നാലും അപ്പു ഏട്ടാ രാവിലെ ഞാൻ അപ്പു ഏട്ടന്റെ മുന്നിൽ.!! അങ്ങനെ നിൽക്കേണ്ടി വന്നതിൽ.. " ഞാൻ പറഞ്ഞു നിർത്തി.

അപ്പു ഏട്ടൻ എഴുനേറ്റ് തന്റെ അടുത്തേക്ക് വന്നുകൊണ്ട് പറഞ്ഞു

"ശരിയാണ്. ഒരു