Chapter Title : സ്വർഗ്ഗ ദ്വീപ് 5 [അതുല്യൻ]

ഇന്റർവ്യൂ എടുത്തു". "നിങ്ങൾ എന്നോട് സരിതയെ കാണാൻ പോകുന്നതിനെ കുറിച്ച് ആദ്യമേ ചോദിക്കേണ്ടത് ആയിരുന്നു", ആദിത്യൻ പെട്ടെന്ന് പറഞ്ഞു. "ഞങ്ങൾക്ക് സമയം ഉണ്ടായിരുന്നില്ല. നിങ്ങൾ മൂന്ന് പേരെ കുറിച്ച് പത്രക്കാർ ഐപ്പോളാണ് കണ്ട് പിടിക്കുക എന്ന് ഞങ്ങൾക്ക് അറിയില്ലായിരുന്നു", പ്രിയ ഒരു വിഷമത്തോടെ എന്നാൽ ചെറിയൊരു അഭിമാനത്തോട്കൂടെ പറഞ്ഞു. "എന്തായാലും ഞങ്ങൾ അവൾക്ക് ഒരു ഓഫർ കൊടുത്തു. ബോംബയിൽ നല്ലൊരു ജോലി കൂടെ സ്ഥാനക്കയറ്റവും, നല്ലൊരു ശംബളവും, ഒരു വീട്, കമ്പനി കാർ അങ്ങനെ എല്ലാം. നമ്മുടെ ബോംബെയിൽ ഉള്ള ടാലെന്റ് ഏജൻസിയിൽ ആണ് ജോലി ശെരിയാക്കിയത്. അവൾ അവിടെ മൂന്ന് വർഷം ജോലി ചെയ്തിരിക്കണം അതിന് ശേഷം അവൾക്ക് വേണമെങ്കിൽ നമ്മുടെ ബാംഗ്ലൂർ ഓഫീസിലേക്ക് മാറാം". "പിന്നെ?", ആദിത്യൻ തറപ്പിച്ച് ദേഷ്യത്തോടെ പ്രിയയെ നോക്കി കൊണ്ട് ചോദിച്ചു. അവനോട് ചോദിക്കാതെ പ്രിയ കാര്യങ്ങൾ മുന്നോട്ട് നീക്കിയതിൽ അവന് അവളോട് ദേഷ്യം തോന്നി.

"അപ്പോൾ അവൾക്ക് അതിനെ കുറിച്ച് ആലോജിക്കാൻ സമയം വേണം എന്ന് പറഞ്ഞു. അന്നേരം ഞങ്ങൾക്ക് കൂടുതൽ ഉറച്ച നിലപാട് എടുക്കേണ്ടി വന്നു", പ്രിയ കുറച്ച് പേടിയോടെ ആദിത്യനെ നോക്കി കൊണ്ട് പറഞ്ഞു. "അവളുടെ വീട്ടിൽ വച്ചുള്ള പാർട്ടിയുടെ വീഡിയോകളുടെ കോപ്പികൾ എല്ലാം ഞങ്ങളുടെ കൈവശം ഉണ്ട് എന്നും. അത് ഇനി ഞങ്ങൾ അറിയാതെ പുറം ലോകം കാണില്ല എന്നും പറഞ്ഞു. അവളുടെ സാറുമായുള്ള ബന്ധവും മയക്ക് മരുന്ന് ഉപയോഗിച്ച് കൊണ്ട് ഇരുന്ന കാര്യവും മറ്റാർക്കും കണ്ടുപിടിക്കാൻ പറ്റാത്ത രീതിയിൽ ഞങ്ങൾ മായ്ച്ച് കളഞ്ഞിട്ട് ഉണ്ട് എന്നും പറഞ്ഞു. ഞങ്ങൾ പിന്നെയും ഓഫർ പറഞ്ഞു. ഓഫർ ഇപ്പോൾ സ്വീകരിച്ചാൽ ഒരു തുക ജോലിയിൽ ചേരുന്നതിന്റെ ബോണസ് ആയി നൽകാം എന്നും പറഞ്ഞു. അതിന് ശേഷം ഞങ്ങളുടെ വ്യവസ്ഥ പറഞ്ഞു". "എന്തായിരുന്നു വ്യവസ്ഥ?", ആദിത്യൻ പെട്ടെന്ന് ചോദിച്ചു. അവൻ അകെ വല്ലാണ്ട്