Chapter Title : സ്വർണ്ണക്കൂട് [കബനീനാഥ്]

ചിരിച്ചു കൊണ്ട് പ്ലേറ്റുമെടുത്ത് കിച്ചണിലേക്ക് പോയി…

അന്ന് രാത്രി ഉറങ്ങാൻ കിടക്കുമ്പോൾ സിനിയുടെ മനസ്സിൽ ഫെലിക്സ് പറഞ്ഞ വാക്കുകൾ ഓടിക്കൊണ്ടിരുന്നു. 'കോളേജിലെ ലെജൻഡ്', 'പ്രൊപ്പോസലുകൾ തള്ളിക്കളഞ്ഞ ആൾ', 'മെച്യൂരിറ്റി ഉള്ള സ്പേസ്'. അവൾ അറിയാതെ തന്റെ ബെഡ്റൂമിലെ ആ വലിയ കണ്ണാടിയിൽ നോക്കി… പിന്നെ എണീറ്റ് പതിയെ നടന്നു തന്റെ ബെഡ്റൂമിലെ വലിയ ഗ്ലാസ് ജനാലയിലൂടെ പുറത്തെ ദുബായ് വെളിച്ചം നോക്കി നിന്നു. നാൽപ്പത്തിയാറാം വയസ്സിലും താൻ ഒരു 'പവർഫുൾ വുമൺ' ആണെന്ന് അവൾക്കറിയാം. പക്ഷേ റൂബൻ തന്നെ നോക്കുന്നത് ഇനി ആ ഒരു അർത്ഥത്തിലാണോ… ?

പിറ്റേന്ന് ഹോസ്പിറ്റലിൽ എത്തിയപ്പോൾ സിനി റൂബനെ കണ്ടത് ഒരു പുതിയ കണ്ണിലൂടെയാണ്. അവൻ ഒരു ജൂനിയർ ഡോക്ടർ മാത്രമല്ല, വലിയൊരു ഫോളോവിംഗ് ഉണ്ടായിരുന്ന ഒരു ചാംപ് കൂടിയാണെന്നുള്ള ഒരു വികാരം…

" ഗുഡ് മോർണിംഗ് മാം… ഫെലിക്സ് സുഖമായി എത്തിയല്ലോ അല്ലേ…? അവൻ മെസ്സേജ് ഇട്ടിരുന്നു… “ റൂബൻ അടുത്തു വന്നു.

സിനി തന്റെ വൈറ്റ് കോട്ട് ധരിക്കുന്നതിനിടയിൽ അവനെ ഒന്ന് സൂക്ഷിച്ചു നോക്കി.
" യപ്പ് ഫെലിക്സ് സുഖമായിരിക്കുന്നു. അവനു റൂബനെക്കുറിച്ച് നൂറു നാവാണെല്ലോ…? കോളേജിലെ വലിയ ഹീറോ ആയിരുന്നല്ലേ…? "
റൂബൻ ഒന്ന് ചിരിച്ചു. ആ ചിരിയിൽ ഒരു പക്വതയുണ്ടായിരുന്നു.

" അതൊക്കെ കഴിഞ്ഞ കാര്യങ്ങളല്ലേ മാം. അവിടെ ഞാൻ ഹീറോ ഒക്കെ ആയിരുന്നിരിക്കാം, പക്ഷേ ഇവിടെ ഞാൻ മാമിന്റെ കൂടെ നിൽക്കുമ്പോൾ ഒരു കുട്ടിയെപ്പോലെയാണ് എനിക്ക് തോന്നാറുള്ളത്. മാമിന്റെ ആ ഒരു പ്രഭാവം (Aura)... അത് മറ്റെന്തിനേക്കാളും വലുതാണ്... "

സിനി ആ മറുപടിയിൽ ഒന്ന് പതറിപ്പോയി. അവൻ വാക്കുകൾ കൊണ്ട് തന്നെ തലോടുകയാണോ…?

അന്ന് സന്ധ്യയോടെ ഫെലിക്സ് ഹോസ്പിറ്റലിലെത്തി. റൂബനും ഫെലിക്സും തമ്മിലുള്ള കൂടിക്കാഴ്ച സിനി ആകാംക്ഷയോടെ നോക്കി.
ഫെലിക്സ് അവനെ കണ്ട ഉടനെ ഓടി ചെന്ന് കെട്ടിപ്പിടിച്ചു.
" റൂബൻ ചേട്ടാ...! നിങ്ങളെ ഇവിടെ ഈ യൂണിഫോമിൽ കാണുമ്പോൾ ഒരു പ്രത്യേക ലുക്ക് ആണ്... " ഫെലിക്സ് ആവേശത്തോടെ പറഞ്ഞു.

അവർ മൂന്നുപേരും ഹോസ്പിറ്റലിലെ കഫറ്റീരിയയിൽ ഇരുന്നു. ഫെലിക്സ് റൂബന്റെ പഴയ കോളേജ്