Chapter Title : സ്വർണ്ണക്കൂട് [കബനീനാഥ്]

ദേഷ്യം വരുന്നുണ്ട്, വേഗം വരാൻ പറഞ്ഞു... "
ഫെലിക്സ് ചിരിച്ചു കൊണ്ട് താഴേക്ക് പോയി...

സിനി തന്റെ ബാഗും എടുത്ത് താഴേക്ക് നടന്നു. സ്റ്റെപ്പിറങ്ങി വരുമ്പോൾ ലിവിംഗ് റൂമിൽ വെച്ച് ഫിലിപ്പ് അവളെ നോക്കി. ഒരു നിമിഷം അയാളുടെ നോട്ടം അവളുടെ അരക്കെട്ടിലെ ആ കറുത്ത സാരിയുടെ മടക്കുകളിൽ തങ്ങിനിന്നു…

" സിനി, നീ ഇന്ന് വല്ലാതെ സുന്ദരിയായിട്ടുണ്ട്... " ഫിലിപ്പ് പതുക്കെ പറഞ്ഞു.

സിനി ഒന്ന് പുഞ്ചിരിക്കാൻ ശ്രമിച്ചു. പണ്ട് ഇത്തരം അഭിനന്ദനങ്ങൾ കേൾക്കുമ്പോൾ തോന്നാറുള്ള ആ ആവേശം ഇപ്പോൾ അവൾക്ക് തോന്നുന്നില്ല. ഫിലിപ്പിന്റെ വാക്കുകൾക്ക് ഒരുതരം യാന്ത്രികതയുള്ളതുപോലെ അവൾക്ക് അനുഭവപ്പെട്ടു…

ഹോട്ടലിലെ ആഡംബര ഹാൾ വെളിച്ചത്താൽ കുളിച്ചു നിൽക്കുകയായിരുന്നു. സിനിയും ഫിലിപ്പും ഫെലിക്സും അകത്തേക്ക് കയറുമ്പോൾ എല്ലാവരുടെയും കണ്ണുകൾ ആ 'പവർ കപ്പിളി'ലേക്ക് നീണ്ടു. ഹോസ്പിറ്റൽ ചെയർമാൻ മിസ്റ്റർ അൽ മക്തൂം അവരെ ചിരിയോടെ സ്വീകരിച്ചു…

" ഡോക്ടർ ഫിലിപ്പ്, ഡോക്ടർ സിനി... വെൽക്കം…! നിങ്ങളെ രണ്ടുപേരെയും ഒരുമിച്ച് കാണുന്നത് തന്നെ ഒരു സന്തോഷമാണ്... "

സംഭാഷണങ്ങൾക്കിടയിലും സിനിയുടെ കണ്ണുകൾ ആ ഹാളിലെ ആൾക്കൂട്ടത്തിനിടയിൽ ആരെയോ തിരയുന്നുണ്ടായിരുന്നു. അവൾക്ക് സ്വയം നിയന്ത്രിക്കാൻ കഴിയുന്നില്ല. റൂബൻ വന്നിട്ടുണ്ടാകുമോ? അവൻ വരുമെന്ന് പറഞ്ഞിരുന്നു…

പെട്ടെന്ന്, ഹാളിലെ മ്യൂസിക്കിന് ഇടയിലൂടെ അവൾ ആ ശബ്ദം കേട്ടു.

" ഗുഡ് ഈവനിംഗ് സർ... ഗുഡ് ഈവനിംഗ് മാം... "
സിനി തിരിഞ്ഞു നോക്കി. ഹൃദയം ഒരു നിമിഷം നിലച്ചു പോയതുപോലെ. റൂബൻ…! ഒരു ബ്ലാക്ക് ടക്സീഡോയിൽ അവൻ ഒരു ഹോളിവുഡ് നടനെപ്പോലെയുണ്ട്. ട്രിമ് ചെയ്ത മീശയും താടിയും മുഖത്ത് ആ വശ്യമായ പുഞ്ചിരി…

" ഹായ് റൂബൻ ചേട്ടാ...! " ഫെലിക്സ് ആവേശത്തോടെ അവന്റെ അടുത്തേക്ക് ചെന്നു.

ഫിലിപ്പ് റൂബന്റെ തോളിൽ തട്ടി… " വാ റൂബൻ... നിന്നെ പലർക്കും പരിചയപ്പെടുത്താനുണ്ട്. പ്രത്യേകിച്ച് നമ്മുടെ പുതിയ ലാപ്രോസ്കോപ്പിക് ഇൻവെസ്റ്റേഴ്സിന്... "

ഫിലിപ്പിന്റെയും ഫെലിക്സിന്റെയും കൂടെ നടക്കുമ്പോഴും റൂബന്റെ കണ്ണുകൾ സിനിയിലായിരുന്നു. ആ നോട്ടം ഒരു തടവുകാരനെപ്പോലെ അവളെ ബന്ധിച്ചു. അവൻ അവളെ നോക്കി പതുക്കെ കണ്ണുചിമ്മി. സിനി പെട്ടെന്ന് നോട്ടം മാറ്റി