Chapter Title : സ്വർണ്ണക്കൂട് [കബനീനാഥ്]

സാധ്യതയില്ല, നീ എയർപോർട്ടിൽ വരുമോ…? "
മറുപടി ഉടനെ വന്നു. " ഞാൻ അവിടെ ഉണ്ടാകും സിനീക്കുട്ടാ. എന്റെ കണ്ണും മെയ്യും ആ അറൈവൽ ഗേറ്റിൽ ആയിരിക്കും. വെയിറ്റിംഗ് ഫോർ മൈ വൈറ്റ് റോസ്… "

BACK TO DUBAI…
സിനി വിമാനത്തിൽ ഇരിക്കുമ്പോൾ അവളുടെ മനസ്സ് അങ്ങകലെ ദുബായ് എയർപോർട്ടിലായിരുന്നു. തന്റെ ജീവിതത്തിലെ ഏറ്റവും വലിയ അപകടത്തിലേക്കാണ് താൻ നടന്നു കയറുന്നത് എന്ന് അവൾക്ക് അറിയാമായിരുന്നു, എങ്കിലും അവൾക്ക് ആ യാത്ര മാറ്റിവെക്കാൻ കഴിയില്ലായിരുന്നു.

ദുബായ് എയർപോർട്ടിലെ ആ തിരക്കിനിടയിലും സിനിയുടെ ഉള്ളിൽ ഒരു കൊച്ചു കുട്ടിയുടെ പരിഭ്രമമായിരുന്നു. എമിഗ്രേഷൻ കഴിഞ്ഞ് ബാഗേജും എടുത്ത് പുറത്തേക്ക് നടക്കുമ്പോൾ അവൾ തന്റെ മുടി ഒന്നുകൂടി ഒതുക്കി. കണ്ണാടിയിൽ നോക്കാതെ തന്നെ അവൾക്കറിയാമായിരുന്നു തന്റെ മുഖത്ത് ഒരു പ്രത്യേക ആകാംക്ഷയുണ്ടെന്ന്.
അറൈവൽ ഗേറ്റിന്റെ ഓട്ടോമാറ്റിക് വാതിലുകൾ തുറന്നപ്പോൾ, ആൾക്കൂട്ടത്തിന് നടുവിൽ റൂബനെ കണ്ടു. ഒരു വെള്ള ലിനൻ ഷർട്ടും നേവി ബ്ലൂ പാന്റും ധരിച്ച്, കയ്യിൽ കാർ കീയും കറക്കി അവൻ നിൽക്കുന്നു. അവനെ കണ്ടതും സിനിയുടെ ഹൃദയമിടിപ്പ് ഒന്ന് കൂടി.
റൂബൻ അവളെ കണ്ടതും ആ വശ്യമായ പുഞ്ചിരി നൽകി അടുത്തേക്ക് വന്നു.

" വെൽക്കം ബാക്ക് മൈ ഡിയർ…! നമ്മുടെ സ്വന്തം കോട്ടയം കാറ്റും വെള്ളവും ഒക്കെ കുടിച്ച് ആകെ ഒരു ഫ്രഷ്നസ് ഉണ്ടല്ലോ… " റൂബൻ അവളുടെ ബാഗ് വാങ്ങിക്കൊണ്ട് വളരെ സ്വാഭാവികമായി പറഞ്ഞു. ചുറ്റുമുള്ളവർക്ക് അവർ ഒരു മാന്യനായ കപ്പിൾസ് മാത്രം…

സിനി ഒന്ന് പുഞ്ചിരിക്കാൻ ശ്രമിച്ചു. " മ്മ്... നാട്ടിൽ നല്ല മഴയായിരുന്നു. ഇവിടെ വല്ലാത്ത ചൂട്… "
അവർ പാർക്കിംഗിലേക്ക് നടന്നു. റൂബന്റെ ഔഡിയിൽ കയറി എസി ഓൺ ചെയ്തപ്പോൾ സിനിക്ക് വല്ലാത്തൊരു ആശ്വാസം തോന്നി.

കാർ എയർപോർട്ടിൽ നിന്നും ഷെയ്ഖ് സായിദ് റോഡിലേക്ക് പ്രവേശിച്ചു.
" ഫിലിപ്പ് വന്നിട്ടുണ്ടാകുമോ വില്ലയിൽ? " സിനി പതുക്കെ ചോദിച്ചു.

" ഇല്ലെടാ... സാർ രാവിലെ തന്നെ അബുദാബിയിലെ ക്ലിനിക്കിലേക്ക് പോയി. വരാൻ ലേറ്റ് ആകുമാരിക്കും. അതുകൊണ്ടല്ലേ ഞാൻ വന്നത്… " റൂബൻ ഡ്രൈവ്