Chapter Title : തമ്പുരാട്ടി 7 [രാമന്‍]

കട്ടൻ കുടിച്ച ഞങ്ങൾക്ക് വേണ്ടി അമ്മയെന്തിനാ ഒരു സുപ്രഭാതത്തിൽ പാലൊക്കെ ഓർഡർ ചെയ്യുന്നത്.

അല്ല അല്ല തെറ്റി. ഞങ്ങൾക്ക് വേണ്ടിയല്ല.പാല് ഇവിടെ ആവശ്യമുള്ളത് വാവക്കല്ലേ?.ഈശ്വരാ വാവക്ക് വേണ്ടി അതിന്റെ ആരോഗ്യത്തിന് വേണ്ടി അമ്മ പാൽ വരുത്തിക്കാൻ തുടങ്ങിയോ?  സത്യം മനസ്സിലാക്കിയ എന്റെ കണ്ണ് തള്ളിപ്പോയി.കുറേ നാൾ മുന്നേ ആട്ടിയോടിച്ച പെണ്ണിന്റെ കുട്ടിക്ക്,ഇന്നലെ വരെ വീട്ടിൽ കേറ്റില്ലാന്നു പറഞ്ഞ ദേഷ്യം കാട്ടിയ ആള്. ഇത് വരെ കയ്യിലെടുക്കാനോ ,നല്ലപ്പോലെ കണ്ണുകൊണ്ട് നോക്കാനോ,ഒന്ന് കൊഞ്ചിക്കാനോ നിലക്കാത്ത വാവയുടെ കാര്യത്തിൽ ഞാനും അനുഷേച്ചിയും കാണിക്കാത്ത ശ്രെദ്ധ കാണിച്ചിട്ടുണ്ടേൽ എന്താണ് ആ മനസ്സ് നിറയെ ഒളിപ്പിച്ചു വെക്കണത്.

വിശ്വസിക്കാനാവുന്നില്ല. ഇനി ഏട്ടത്തി പാത്രം കഴുകുന്നത് കണ്ടപ്പോ ചേച്ചിയേയും ശാരദാമ്മയെയും അമ്മ ചീത്ത പറഞ്ഞത് ഏട്ടത്തിയോടുള്ള ഇഷ്ടം കൊണ്ടാണോ? പാവം പെണ്ണിനെ എന്തിനാ ഇതൊക്കെ ചെയ്യിക്കണേ എന്ന് വിചാരിച്ചാണേലോ! എന്തൊക്കെയാണ് നടക്കുന്നത് .ശെരിക്കും അമ്മക്ക് ഏട്ടത്തിയോട് ദേഷ്യമൊന്നുമില്ലേ. ഇതാണ് പ്രശ്നം !താടകയുടെ ഉള്ളിലെന്താണ് എങ്ങനെ കണ്ടു പിടിക്കാനാണ്.

ഫുഡ്‌ കഴിച്ചു കഴിഞ്ഞപ്പോഴാണ് അമ്മയൊന്നും ഇത് വരെ കഴിച്ചില്ലാന്നു ശാരദാമ്മ പറഞ്ഞത്. ഇന്നലെ മുതൽ ഒന്നും കഴിക്കാതെ നിൽക്കെ? അതും എന്നോടുള്ള ദേഷ്യത്തിന്. എനിക്ക് വിഷമവും ദേഷ്യവും എല്ലാം വന്നു. ചവിട്ടി കുലുക്കി അമ്മയുടെ റൂമിലേക്ക് ചെന്നപ്പോ വാതിൽ ലോക്ക് ചെയ്തതാണ്.ഇന്നലെ അടുത്ത് പോയി വിഷമം പറഞ്ഞിട്ട് കേൾക്കാത്ത സാധനം വാതിൽ മുട്ടിയാൽ തുറക്കോ? ഒരു ചാൻസുംല്ല.സങ്കടം വന്നു .മനസ്സില്ലാ മനസ്സോടെ ഞാൻ അമ്മയെ വിളിക്കാതെ ഹാളിലേക്ക് നടന്നു.

എതിരെ അനുഷേച്ചി വരുന്നു. എനിക്ക് ഇന്നലെത്തെ കാര്യങ്ങളെല്ലാം മനസ്സിലേക്ക് വന്നു. “മോനൂസേ ഒന്ന് കേറ്റിത്താടാ.”ന്ന് കെഞ്ചിയ