Chapter Title : തമി 2 [Maayavi]

എന്തോ ""ആ...അതു പിന്നെ ആഹ് നിങ്ങൾ നല്ല കൂട്ടാണെന്നൊക്കെ പറഞ്ഞേ"" അവൾ തപ്പിതടഞ്ഞു പറഞ്ഞോപ്പിച്ചു. "" അല്ല നിങ്ങൾ ഫ്രണ്ട്‌സ് ആണോ"" കുഞ്ഞേച്ചി അവളോട് ചോദിച്ചു. "" ഏയ് അല്ല ഞങ്ങൾ റിയലേഷൻലാ അല്ല അവൻ ചേച്ചിയോട് അതു പറഞ്ഞില്ലേ"" ഇവൾ ഇതെന്തോക്കെയാ പറയുന്നേ ഞാൻ കണ്ണുമ്മിഴിച്ചു അവളെ നോക്കി.ചിരിക്കുവാ നാറി ഇനി ഈ പെണ്ണുംപിള്ള അമ്മയോട് എങ്ങനും പറയുവോ എന്തോ. ""ഇല്ല എന്നോട് പറഞ്ഞിട്ടില്ല""

""ആഹ് എന്റെ വീട്ടിൽ സമ്മതമാ അവിടുത്തെ പിന്നെ പറയണ്ടല്ലോ അമ്മ സമ്മതിക്കും ഇവന് ഞാൻ എവിടെ പപ്പയുടെ കമ്പനിയിൽ ജോലി റെഡി ആക്കിട്ടുണ്ട് എന്നാൽ അവന് നാട്ടിന്നു മാറാൻ വയ്യ പോലും"" പരിഭവം പറയും പോലെ അവൾ പറഞ്ഞു ഈ കുരുപ്പിനെ കൊണ്ട്‌ തോറ്റലോ. ""ആണോ അല്ലേലും ജോലിയും കൂലിയും ഇല്ലാത്ത ആർക്കേലും വീട്ടുകാര് പെണ്ണിനെ കൊടുക്കുവോ"" ഓഹോ അപ്പോ അതാ ഇവൾടെ മനസിലിരിപ്പു. "' ഏയ് പപ്പക്ക് അങ്ങനെ ഒന്നുല്ല ചേച്ചി, കിച്ചുനാ നിർബന്ധം ജോലി ആയിട്ടുമതി കല്യാണം എന്നു അല്ലേ കിച്ചു"" അവളും വിട്ടുകൊടുത്തില്ല വാലുപോലെ എന്നെയും കൂട്ടിനു വിളിച്ചു.ഇനി ഞാൻ മിണ്ടാതിരുന്നിട്ട് കാര്യം ഇല്ല. ""അല്ലാണ്ട് പിന്നെ ചില വാളികളെ പോലെ ജോലിയില്ലാതെ പെണ്ണുകെട്ടി പെണ്ണുംപിള്ളക്ക് വയറ്റലുമൊണ്ടാക്കി മുങ്ങണോ "" കൊണ്ട് കൊണ്ട്‌ അതു കറക്റ്റ് അവളുടെ നെഞ്ചിൽ തന്നേ കൊണ്ട് മുഖം ഒക്കെ മാറി എന്നോടാ കളി. ""അങ്ങനത്തെ ചെറ്റത്തരത്തിനു കിച്ചുനെ കിട്ടൂല്ല. ഞാൻ സ്വന്തമായി ജോലി കണ്ടുപിടിച്ചോളാം"" എന്നും കൂടി ഞാൻ കൂട്ടിച്ചേർത്തപ്പോൾ ""എന്നാ നിങ്ങൾ സംസാരിക്കു ഞാൻ അങ്ങോട്ടു പോട്ടെ"" ആളുക്ക് വയറുനിറഞ്ഞുന്നുതൊന്നുന്നു.നിമേച്ചിയോട് പറഞ്ഞിട്ടു തിരിഞ്ഞു നടന്നു എന്നിട്ടു എന്തോ ഓർത്തെന്ന പോലെ എന്റെ നേരെ തിരിഞ്ഞു ""ങ്ഹാ കിച്ചു കഴിക്കാൻ വാട്ടോ"" എന്നും പറഞ്ഞു അവൾ തിരിച്ചു അടുക്കളയിലേക്ക് പോയി.പിന്നേം ഞാനും നിമേച്ചിയും ഓരോന്നും പറഞ്ഞു ഇരുന്നു രാത്രി വിളിക്കാമെന്നും പറഞ്ഞു ചേച്ചി ഫോൺ കട്ട്‌ ചെയ്തു.പിന്നേം ഫോണിൽ തോണ്ടിയിരുന്നു.അവസാനം അമ്മമ്മ വന്നു വിളിച്ചപ്പോൾ കഴിക്കാനായി ടേബിളിൽ പോയിരുന്നു.ചോറും കറിയുമായി കുഞ്ഞേച്ചി വന്നു .പുറകിന് കപ്പയുമായി അമ്മമ്മയും.അവൾ എനിക്കു ചോറും കറിയും