Chapter Title : തേജാത്മികം 11 [Nishinoya]

ഒരാൾ ആയല്ലോ..." മാമി പറഞ്ഞതിന് എല്ലാരും മൂളിക്കേട്ടു.

രാത്രി ആയപ്പോ എല്ലാരും യാത്ര പറഞ്ഞ് ഇറങ്ങി. ഞങ്ങളുടെ കൺവെട്ടത്തിന് മറയുന്ന വരെ മാമന്റെ തോളിൽ ഇരുന്നു കല്ലുമോൾ ഞങ്ങളെ നോക്കി ഫ്‌ളയിങ് കിസ്സ് തന്നോണ്ട് ഇരുന്നു.

"...അപ്പൊ ഞങ്ങളും ഇറങ്ങാട..." ദേവനും ഇറങ്ങാൻ തുടങ്ങി.

"...അപ്പൊ ശെരിയളിയാ കാണാം..." പുഞ്ചിരിയോടെ ഞാൻ പറഞ്ഞു.

"...ഒഫീഷ്യലി അളിയൻ ആയ സ്ഥിതിക്ക് ഇനി അധികാരത്തോടെ അങ്ങനെ വിളിക്കാലോ അല്ലെ ..." ദേവൻ കളിയാക്കികൊണ്ട് പറയുമ്പോഴാണ് ഞാനും അങ്ങനെ ഒരു കാര്യത്തെ പറ്റി ചിന്തിക്കുന്നത്.

"...വേദികേ വാ നമുക്ക് ഇറങ്ങാം..." അകത്തു ദേവുവിനോട് സംസാരിച്ചോണ്ട് നിന്നിരുന്ന വേദികയെ ദേവൻ വിളിച്ചു.

ദേവനും വേദികയും ഇറങ്ങിയതോടെ ആ വലിയ വീട്ടിൽ ഞാനും ദേവൂവും ഒറ്റക്ക് ആയി. ഞാൻ ആണെങ്കിൽ ചെറിയ ടെൻഷനിലും. ദേവുവിനോട് എങ്ങനാ സംസാരിക്ക എന്താ എങ്ങന തുടങ്ങുവാ എന്നൊരു പിടിയും ഇല്ല. വീടിന്റെ ഉള്ളിൽ കയറി വാതിൽ അടച്ചതും ദേവു ഹാളിൽ തന്നെ ഉണ്ടായിരുന്നു.

"...അതെ എനിക്ക് കുറച്ചു സംസാരിക്കണം..." മടിച്ചു മടിച്ചു ദേവു ചോദിച്ചതും ഞാൻ അവളെ ഉറ്റുനോക്കി.

"...ഇന്ന് നമ്മുടെ ആദ്യരാത്രി ആണെന്ന് അറിയാം. പക്ഷെ ഞാൻ അതിന് ഒട്ടും പ്രിപേർ അല്ല..." മടിച്ചു ദേവു പറഞ്ഞു.

"...അത് സാരം ഇല്ല. ഞാനും പ്രിപേർ അല്ല. അതാണ് എന്റെ മുറി നീ അവിടെ കിടന്നോ..." കൂടുതൽ അവളെ ബുദ്ധിമുട്ടിക്കാതെ എന്റെ മുറി കാണിച്ചു കൊടുത്ത ശേഷം ഞാൻ അമ്മയുടെ മുറിയിലേക്ക് നീങ്ങി.

ഞാൻ അമ്മയുടെ മുറിയിലേക്ക് കയറും വരെ ദേവു എന്നെ തടയാനോ ഒപ്പം കിടക്കാനോ വിളിച്ചില്ല