Chapter Title : ത്രികൊണ മദ്ധ്യേ അവിഹിതം 1 [Shan1994]

അവർ പെട്ടെന്ന് മുന്നോട്ട് വന്ന് എന്റെ കയ്യിലിരുന്ന ചെറിയ ബാഗ് വാങ്ങാൻ ആഞ്ഞു.

"സാരമില്ല, ഞാൻ എടുത്തോളാം,"

ശാന്തമായി പറഞ്ഞുകൊണ്ട് ഞാൻ ബാഗുമായി ഹാൾ ലക്ഷ്യമാക്കി നടന്നു.

അപ്പോഴാണ് ഫോണിൽ സംസാരിച്ചുകൊണ്ട് ഫിദ അങ്ങോട്ട് വന്നത്.

ഒരു കൈയിൽ  വീഡിയോ കോൾ ഓൺ ചെയ്ത ഫോൺ പിടിച്ചിട്ടുണ്ട്. എന്റെ ഇക്കാന്റെ ഭാര്യ. ഞങ്ങൾ മുൻപ് കണ്ടിട്ടേയില്ല. എന്നെ കണ്ടതും അവളുടെ കാലുകൾ ഒന്നടങ്ങി, കണ്ണുകളിൽ ഒരു അമ്പരപ്പ് പടർന്നു.

"എടാ... എന്താടാ എന്ത് പറ്റി ?"

ഫോണിന്റെ സ്പീക്കറിലൂടെ സഫീറിന്റെ ശബ്ദം കേട്ടു.

ഞാനും സഫീറും തമ്മിൽ ഒരു വയസ്സിന്റെ വ്യത്യാസമേയുള്ളൂ. അതുകൊണ്ടുതന്നെ ഞങ്ങൾക്കിടയിൽ ചേട്ടൻ-അനിയൻ വിളിനേക്കാൾ കൂടുതൽ ഒരു കൂട്ടുകാരന്റെ സ്വാതന്ത്ര്യമായിരുന്നു.

"സഫീർ, ഇത് ആരാ നോക്കിയേ..," ഫിദ ഫോൺ എന്റെ നേരെ നീട്ടി.

ഫോൺ സ്‌ക്രീനിലേക്ക് നോക്കിയപ്പോൾ കട്ടിത്താടിയും ക്ഷീണിച്ച കണ്ണുകളുമായി സഫീറിന്റെ മുഖം..

"എന്തൊക്കെയെടാ? നീ എന്താ ഒരു അറീപ്പും ഇല്ലാതെ,യാത്രയൊക്കെ ഓക്കെയായിരുന്നോ?" സഫീർ ചോദിച്ചു.

"ഉം, കുഴപ്പമൊന്നുമില്ലെടാ. ഇപ്പോൾ ഇറങ്ങിയതേയുള്ളൂ," ഞാൻ ഫോണിലേക്ക് നോക്കി പറഞ്ഞു

"നീ എത്ര കാലം ഉണ്ടാകും . ഞാൻ മൂന്ന് കൊല്ലത്തേക്ക് ഇവിടെ പെട്ടുപോയില്ലേ... വിസയുടെ കാര്യത്തിൽ ചെറിയൊരു ബ്ലോക്ക് വീണതുകൊണ്ട് ഫിദയ്ക്ക് ഇപ്പോൾ വരാനും പറ്റിയില്ല. ഹാ ഇനി നീ ഉണ്ടല്ലോ കാര്യങ്ങൾ നോക്കാൻ ."

"അതൊക്കെ ഞാൻ നോക്കിക്കോളാം, നീ പഠിത്തത്തിൽ ശ്രദ്ധിക്ക്," ഞാൻ പറഞ്ഞു.

"ശരിയെടാ, അവിടെ നേരം വെളുക്കുന്നേയുള്ളൂ. എനിക്ക് ക്ലാസിന് പോകാൻ സമയമായി. ബാക്കി നമുക്ക് പിന്നെ സംസാരിക്കാം."

കോൾ കട്ടായി. ഫിദ ഫോൺ തിരികെ വാങ്ങി ടേബിളിലേക്ക്