ട്വിൻ ഫ്ലവർസ് 5 [Eros - God of Lust]

യൂക്കാലിപ്റ്റസ് മണവും അടിപൊളി.” അശ്വതി ശ്വാസം നല്ലോണം വലിച്ചെടുത്തു കൊണ്ട്‌ ഉന്മേഷത്തോടെ പറഞ്ഞു.

ഞങ്ങൾ എല്ലാവരും കുറെ നേരം ശുദ്ധ വായു ശ്വസിച്ചും പ്രകൃതി ആസ്വദിച്ചു കൊണ്ടും കുറച്ചുനേരം മിണ്ടാതെ ഇരുന്നു.

“അപ്പോ, നാളെ നിങ്ങളുടെ കോഴ്സ് കഴിഞ്ഞു നിങ്ങൾ വന്നതും നമുക്ക് മീനാക്ഷിയുടെ വീട്ടില്‍ പോകാം.” ഞാൻ പറഞ്ഞതും രാഹുലും മറ്റുള്ളവരും അസ്വസ്ഥരായി പരസ്പ്പരം നോക്കി.

“നാളെ ഇടപാട് ചെയ്യുന്നതിൽ ഒരു പ്രശ്നമുണ്ട് ബ്രോ.....” അഭിനവ് പറഞ്ഞു.

“എന്തു പ്രശ്നം...?” ഞാൻ ചോദിച്ചു.

“കാശിന്റെ കാര്യമാണ്, ബ്രോ..!!” ഫ്രാന്‍സിസ് അസ്വസ്ഥത പ്രകടിപ്പിച്ചു.

“ഞങ്ങൾ എട്ടുപേരും അവിടെ നാട്ടില്‍ നിങ്ങളുടെ വീട്ടില്‍ വന്നത് തന്നെ ഞങ്ങൾ തുടങ്ങാൻ ആഗ്രഹിച്ച ബിസിനസ്സ് കാര്യങ്ങളെ കുറിച്ച് ബ്രോയോട് സംസാരിച്ച് ഒരു തീരുമാനത്തില്‍ എത്താൻ മാത്രമാണ്. അതിനുശേഷം തിരികെ പോയിട്ട് കാശും മറ്റ് കാര്യങ്ങളും അറേഞ്ച് ചെയ്ത ശേഷം മാത്രം ബ്രോയെ അറിയിച്ചിട്ട് നീലഗിരിയിലേക്ക് ഷിഫ്റ്റ് ചെയ്തിട്ട് ബിസിനസ്സ് തുടങ്ങാം എന്നാണ് പ്ലാൻ ചെയ്തിരുന്നത്.” അന്‍സാര്‍ വിശദീകരിച്ചു.

“ബ്രോയോട് ചർച്ച ചെയ്തു എല്ലാം തീരുമാനിച്ച ശേഷം ഞങ്ങൾക്ക് രണ്ടു മാസം ഗ്യാപ് എങ്കിലും കിട്ടുമെന്ന് വിചാരിച്ചതാ... പക്ഷേ രണ്ടു ദിവസത്തിനകം കാര്യങ്ങൾ ഇത്രത്തോളം മുന്നേറി നില്‍ക്കുന്നു.” ഫ്രാന്‍സിസ് തല ചൊറിഞ്ഞു കൊണ്ട്‌ പറഞ്ഞു.

“ഒരു കോടി എങ്കിലും ബിസിനസ്സ് തുടങ്ങാനായി ചെലവാകുമെന്ന് ഞങ്ങൾ അന്വേഷിച്ച എല്ലാവരും അറിയിച്ചപ്പോ ഞങ്ങൾ എല്ലാവരും ചേര്‍ന്ന് ഒന്നര കോടി ഡെപ്പോസിറ്റ് ചെയ്യണം എന്നാണ് തീരുമാനിച്ചിരുന്നത്.” രാഹുല്‍ പറഞ്ഞു.

“പക്ഷേ അത്ര ഒന്നും വേണ്ടല്ലോ...!!” ഡാലിയ പറഞ്ഞു. “വെറും 48 ലക്ഷത്തില്‍ സ്ഥലവും, ഫാക്ടറിയും, എക്യുമെൻസും റെഡിയായില്ലേ...” അത്രയും പറഞ്ഞിട്ട് ഡാലിയ എന്നെ നോക്കി. “ഇനിയും ഒരു ഇരുപതോ മുപ്പതോ ലക്ഷം മാത്രം അറേഞ്ച് ചെയ്താൽ മതിയാവില്ലേ, ചേട്ടാ..?” ഡാലിയ ചോദിച്ചു.

“തല്‍ക്കാലത്തേക്ക് അത്ര മതിയാവും.” ഞാൻ പറഞ്ഞു.

“പക്ഷേ ബ്രോ, ആകെ 21 ലക്ഷം മാത്രമേ ഇപ്പൊ ഞങ്ങൾ എട്ടുപേരുടെ  അക്കൗണ്ടന്റുകളിലായി ഉള്ളത്. പിന്നെ ഇരുപത് ലക്ഷത്തോളം ഞങ്ങളിൽ ചിലര്‍ പുറത്ത്‌ പലിശയ്ക്ക് കൊടുത്തിട്ടുണ്ടായിരുന്നു. ആ കാശൊക്കെ ഞങ്ങൾ തിരികെ ചോദിച്ചിട്ടുണ്ട്. അതൊക്കെ ഒരു മാസത്തിൽ തിരികെ തരാമെന്നാണ് പറഞ്ഞിരിക്കുന്നത്.”

“പിന്നെ ഞങ്ങൾ നാലുപേരുടെ ആഭരണങ്ങള്‍ കുറെ ഉണ്ട്. ഞങ്ങൾക്ക് അത്യാവശ്യമായി വേണ്ടത് മാത്രം മാറ്റിവച്ചിട്ട് ബാക്കി വിറ്റാൽ എങ്ങനെയും 30 ലക്ഷമെങ്കിലും കിട്ടും.” ഗായത്രി പറഞ്ഞു.

“തല്‍കാലം ചാടിക്കേറി അതൊന്നും വില്ക്കണ്ട...” ഞാൻ പറഞ്ഞതും അവരൊക്കെ പരസ്പ്പരം ചിന്താകുഴപ്പത്തോടെ നോക്കി.

“എന്റെ തറവാടിൽ സ്വത്ത് ഭാഗം വച്ചപ്പോ എനിക്ക് പത്ത് സെന്റ് സ്ഥലം കിട്ടിയായിരുന്നു, റൂബി ചേട്ടാ.” മിനി എന്നോട് പറഞ്ഞു. “അതിനെ വിൽക്കാനുള്ള ഏര്‍പ്പാടൊക്കെ ഞങ്ങൾ ചെയ്തിട്ടുണ്ട്. പക്ഷേ ആ വസ്തു കിടക്കുന്ന ഏരിയ അത്ര പോര, അതുകൊണ്ട്‌ അതിന് വെറും 12 ലക്ഷം മാത്രമാണ് ബ്രോക്കര്‍ പറഞ്ഞത്. അതുകാരണം ഞങ്ങൾക്ക് ഒരു തീരുമാനത്തില്‍ എത്താന്‍ കഴിഞ്ഞിട്ടില്ല.” മിനി നീരസം പ്രകടിപ്പിച്ചു.

“അപ്പോ ഞങ്ങളുടെ ആഭരണങ്ങള്‍ വിൽക്കാതെ ആകെ 53 ലക്ഷം മാത്രമേ കൈയിൽ ഉണ്ടാവു.” അശ്വതി പറഞ്ഞു. “പക്ഷേ, റൂബി ചേട്ടാ,