Chapter Title : ഒരു പെണ്ണ് കാണൽ അപാരത [Night King]

നോക്കി. “അത് കൊള്ളാം! പേര് പോലും കേട്ടാ അറിയാത്ത കമ്പനിയിലാണോ ജോലി? എന്നതാ അളിയോ, ചെറുക്കന്റെ ജോലിയൊക്കെ അന്വേഷിച്ചില്ലായിരുന്നോ?”

സീൻ വഷളാകുന്നത് മണത്ത പെണ്ണിന്റെ ഒരു കസിൻ ചെറുക്കൻ ഇടയ്ക്ക് കേറി. “എന്റെ പൊന്ന് പേപ്പാ, എന്നാ അറിഞ്ഞിട്ടാ നിങ്ങൾ ഈ പറയുന്നെ?

സ്റ്റാർട്ടപ്പ് എന്നൊക്കെ പറഞ്ഞാ നല്ല ഇൻവെസ്റ്റ്മെന്റുള്ള പുതിയ കമ്പനികളാ. ഇപ്പോ അതിലാ കൂടുതൽ അവസരം, നല്ല ശമ്പളവും. അല്ലേ ബ്രോ? അല്ലാതെ ഇൻഫോസിസ് പോലെ നക്കാപ്പിച്ചയ്ക്കുള്ള അടിമപ്പണിയല്ല.”

ഇത് കേട്ട് ചാർജായ കണ്ണൻ, “അല്ല പിന്നെ! അമ്മാവാ, ഇവൻ വർക്ക് ചെയ്യുന്ന കമ്പനിക്ക് അടുത്ത മൂന്ന് മാസത്തിനുള്ളിൽ അമേരിക്കേന്ന് ഒരു വൻ ഇൻവെസ്റ്റർ വരുന്നുണ്ട്. അത് കഴിഞ്ഞാ സീൻ മാറും.

ചിലപ്പോ ഇവൻ അങ്ങ് അമേരിക്കയ്ക്ക് പോകാനും ചാൻസുണ്ട്. മോൾക്ക് പാസ്പോർട്ട് ഇല്ലെങ്കിൽ ഉടനെ രണ്ടുമൂന്നെണ്ണം എടുത്തേക്ക്.”

അവിടെ ഒരു പൊട്ടിച്ചിരിയായിരുന്നു. നന്നായിട്ട് ചമ്മിയ അമ്മാവൻ നൈസായിട്ട് അവിടുന്ന് സ്കൂട്ടായി.

അപ്പോഴേക്കും പെണ്ണിന്റെ അനിയത്തി, പ്ലസ് ടുവിന് പഠിക്കുന്ന ബെറ്റി, അങ്ങോട്ട് വന്നു. അപ്പൻ അവളെ പരിചയപ്പെടുത്തിയിട്ട് പറഞ്ഞു, “മോള് ഇവരെ വീടും ചുറ്റുമൊക്കെ ഒന്ന് കാണിച്ച് കൊടുക്ക്.

മോനേ ചെല്ല്, ഇവിടെയൊക്കെ ഒന്ന് ചുറ്റിക്കാണ്. അപ്പോഴേക്കും റീനു റെഡിയാകും.”

“കുഴപ്പമില്ല, ഞാൻ ഇവിടെ ഇരുന്നോളാം. മമ്മി പൊയ്ക്കോ,” ജോമോൻ പറഞ്ഞു.

“എടാ കണ്ണാ, നീ വാടാ മോനേ. അവൻ ഇവിടെ ഇരിക്കട്ടെ,” റാണി വിളിച്ചു. കണ്ണൻ ഒരു മടി കാണിക്കുന്നത് കണ്ടപ്പോൾ റാണി ഒന്ന് കണ്ണുരുട്ടി. അത് കണ്ടപാടെ അവൻ എണീറ്റു.

“വാ മമ്മീ, നമുക്ക് വീടൊക്കെ കാണാം. ഇവൻ ഈ