Chapter Title : വേദു- പങ്കിടപ്പെട്ട നാടൻ കനി 10 [ഗില്ലി ബാല]

എനിക്ക് വേദുവും ദേവനും  തമ്മിൽ ഉണ്ടായ കാര്യങ്ങളെ കുറിച്ചുള്ള ഓർമ്മകൾ അല്പം കുറയ്ക്കാനാണ് ഞാൻ ആഗ്രഹിച്ചത്.

പക്ഷേ ഓരോ കഥയിലെ കഥാപാത്രങ്ങൾക്കും എന്റെയും എന്റെ ഭാര്യയുടെയും ദേവന്റെയും മുഖങ്ങൾ ഞാൻ പോലും അറിയാതെ എന്റെ മനസ്സ് അതിലേക്ക് അർപ്പിച്ചു

അതിൽ പല കഥകളിലെയും ഉള്ളടക്കങ്ങൾ വായിച്ച് ഞാൻ ശ്രദ്ധിച്ച കാര്യം പലതും പലരുടെയും ജീവിതത്തിൽ നടന്ന സംഭവങ്ങളെ കൂട്ടിച്ചേർത്തുള്ള അനുഭവങ്ങളാണ്.. അവരത് ലോകത്തോട് വിളിച്ചു പറഞ്ഞു അതിൽ ഒരു ലഹരി കണ്ടെത്തുന്നു

ഇതെല്ലാം വായിച്ചപ്പോൾ എനിക്കൊരു ആശയം കൂടി തോന്നി.. എന്തുകൊണ്ട് എന്റെ കഥ ഇതുപോലൊരു നോവൽ ആക്കി കൂടാ..

നടക്കാത്ത കാര്യം ഒന്നുമല്ല.. പക്ഷേ ജീവിതത്തിൽ ഇതുവരെ ഒരു കഥ പോലും എഴുതാത്ത ഞാൻ എങ്ങനെ ഇത് ചെയ്യും..

ഒരു ദിവസം വിവേക് വിളിച്ചപ്പോൾ ഞാൻ ഈ കാര്യം അവനോട് ഒന്ന് സൂചിപ്പിച്ചു

“ എന്റെ പൊന്നു ബ്രോ…

നിങ്ങൾക്ക് അങ്ങനെ ഒരു ആഗ്രഹം ഉണ്ടെങ്കിൽ എഴുതി നോക്കിക്കൂടെ..? “

അവൻ ആവേശത്തോടെയാണ് എന്നോട് ചോദിച്ചത്.

“ എടാ നീ ഇത് എന്തറിഞ്ഞിട്ടാണ്…

ആഗ്രഹമുണ്ടെന്നേയുള്ളൂ.. എനിക്ക് ഈ കഥ എഴുതുന്നതൊന്നും വലിയ വശമില്ല.. “

“ അതിന് നിങ്ങൾ കഥയല്ലല്ലോ എഴുതുന്നത്.. ശരിക്കും ഉണ്ടായ കാര്യമല്ലേ.. അതിന് പ്രത്യേകിച്ച് ചിന്തിച്ച് തല പുണ്ണാക്കി കഥാപാത്രങ്ങളെ ഉണ്ടാക്കി അവർക്ക് ഒരു ജീവിതം ഉണ്ടാക്കി ഇതിലേക്കൊക്കെ പോകുന്നത് എങ്ങനെയാണെന്ന് ഒക്കെ ആലോചിച്ചു കൂട്ടി  എഴുതേണ്ട ആവശ്യമില്ലല്ലോ.. ബ്രോക്ക് വേണ്ടതെല്ലാം ബ്രോയുടെ ഉള്ളിലും മനസ്സിലും ഇല്ലേ…? “

വിവേക് എന്നോട് പറഞ്ഞു.

“ എടാ നീ എന്റെ കഥ കമ്പ്ലീറ്റ്