Chapter Title : വെള്ളിയാം കല്ല് 4 [Zoro]

ചെരൂലാണെനിക്കറിഞ്ഞൂടെ…. “””” ഒരു ചിണുങ്ങലോടെ സുഹ്റ തണുത്ത് കാറ്റിൽ എന്നോട് ഒട്ടി നിന്നു….

ഓ അതാണോ നീ ഉദേശിച്ചെ…. ഞാൻ ഇതുവരെ യിത് വേറാരോടും പറഞ്ഞിട്ടില്ല … നീയായോണ്ട് മാത്രം പറയാ…. നമ്മളെ ഹസ്സനിക്കഇല്ലേ… നിൻ്റെ ആയിഷൻ്റെ ഉപ്പ…””” അവളോട് ഒരു രഹസ്യം പോലെ ഞാൻ അൽപം ശബ്ദം താഴ്ത്തി പറഞ്ഞൂ തുടങ്ങി…

ആ മൂപ്പര്….””””. ഒരു കാര്യഭാവത്തോടെ അവൾ എൻ്റെ വായിൽ നിന്ന് വരുന്നത് നോക്കി നിന്നതും..

ഹേയ്… ഞാനൊന്ന് പറയട്ടഡി ശവമെ…. “”” അപ്പോത്തന്നെ അവൾടെ കൈകിട്ട് ഒരു നുള്ളും കൊടുത്തു……

ഹസ്സനിക്ക എനിക്കൊരു വിസ ഒപ്പിച്ചേരൂണ് പറഞ്ഞിക്ക്…. അതിന് മൂപ്പർ പറഞ്ഞ കണ്ടീഷനാണീ ഡിഗ്രി…. ഇത് കഴിഞ്ഞിട്ട് വേണം ഈ നരകത്തിന് നിക്കെന്ന് രക്ഷപ്പെടാൻ…. “”””

അപ്പൊ എൻ്റെ കാര്യോ… ഇക്ക എന്നെക്കുറിച്ച് ഓർത്തോ…””””

എടി പൊട്ടാസെ ഞാൻ ഇന്ന് തന്നെ പോവാണ കാര്യല്ല പറഞ്ഞേ…. മൂന്ന് വർഷം കഴിഞ്ഞുള്ള കാര്യാ….. അപ്പോഴേക്കും എൻ്റെ മോള് ആശിൻ്റെ വീട്ടില് ഓൻ്റെ കൂടെ ഉണ്ടാവും അപ്പോളോ????.… “””

എന്നാലും ഇക്കാ ഗൾഫിൽ പൊണ്ട…. ഞാനും ആശിക്കാനെ വിടൂല… നമ്മുക്ക് ഇവിടേ തന്നെ എന്തെങ്കിലും ജോലി ചെയ്ത് കൂടാലോ…. പ്ലീസ്….ഇക്കാ…. “””” ഒരു കൊഞ്ചലോടെ അവള് എൻ്റെ ഷർട്ടിൽ കൂട്ടി പിടിച്ചതും….

സമയം ഒരുപാടായി ഇയ് പോയി കിടന്നെ…. “””” ഞാൻ വിഷയം മറ്റാണെന്നോണം അവളെ അകറ്റി…..

ശ്ശ്…. ഒന്നും പറയരുത്…ബാക്കിയുള്ളെരേ പറയാനും സമ്മയ്ക്കരുത് മുഹും…””” മുഖവും വീർപ്പിച്ച് പെണ്ണ് കുലുക്കി തുളളി മുകളിലത്തെ അവളുടെ മുറിയിൻ്റെ പടിക്കൽ ബരെ എത്തി…..

എടീ പെണ്ണെ ഓനെ മ്പിളിച്ച് സൊള്ളാണ്ട് നേരത്തേ യങ്ങ് ഉറങ്ങിക്കോണം കെട്ടോടി ശിങ്കിളി…”””* സുഹറയെ ഞാൻ കളിയാക്കി വിളിക്കുന്ന പേരാണ് ശിങ്കിളി….

അതിന് എന്നിക്കൊരു കൊഞ്ഞനം കുത്തി കാണിച്ച് തന്നു സാധനം…. ഞാൻ പിറകെ ഓടിയതും പെണ്ണ് കതക് അടച്ചു കഴിഞ്ഞിരുന്നു…..

നിന്നെൻ്റെ കയ്യിൽ കിട്ടൂടി പൊട്ടി… അപ്പൊ കാണിച്ചെരാം…. “””

അവളൂടെ റൂമിൻ്റെ മുന്നിൽ നിന്നും അവൾക്കൊരു വെല്ലുവിളി മുഴക്കി ഞാൻ എൻ്റെ മുറിയിൽ പ്രവേശിച്ചു ……

പേരിന് മാത്രമേ എൻ്റെന്നു ഉള്ളൂട്ടോ…