Chapter Title : ? യക്ഷി ? 2 [സാത്താൻ?]

പ്രത്യക്ഷയാവുകയും ചെയ്താൽ താൻ അനുഭവിച്ചതൊക്കെ തന്നെ ദ്രോഹിച്ചവരെയൊക്കെ കാൽക്കീഴിൽ അടിമകളെ പോലെ അല്ല അടിമകളായി തന്നെ കൊണ്ടുനടക്കാൻ കഴിയുമെന്നോർത്ത് അയാൾക്ക് ഒരു ആനന്ദം മനസ്സിൽ നിറഞ്ഞു.

പക്ഷെ അപ്പോഴും അഥവാ യക്ഷി പ്രത്യക്ഷത്തിൽ വന്നില്ലെങ്കിലോ എന്നൊരു ചോദ്യം അവന്റെയുള്ളിൽ നിറഞ്ഞിരുന്നു.

പക്ഷെ ആ ചോദ്യങ്ങൾക്ക് ഒന്നിനും തന്നെ അവന്റെ ആവശ്യത്തെ അല്ല അവനിൽ നിറഞ്ഞുനിൽക്കുന്ന പകയെ തളർത്താൻ കഴിയുന്നതായിരുന്നില്ല. പൂർണമായ അർപ്പണബോധത്തോടെയും തന്റെയുള്ളിൽ തനിക്ക് തുണയായി മാറിയ ഗുരുവിന്റെയും അനുഗ്രഹത്താൽ അവൻ തന്റെ സേവ തുടർന്ന്.

കൂരിരുട്ട് നിറഞ്ഞ അമാവാസി ദിവസത്തിന്റെ അർദ്ധരാത്രി സമയം. പൂർണമായും ചന്ദ്രൻ മറഞ്ഞ എങ്ങും കൂരിരുട്ടും നിശബ്ദത നിറഞ്ഞ ആ ഗ്രാമത്തിൽ കേളുവിന്റെ ജപങ്ങൾ മാത്രം ഉയർന്നുകേട്ടു. അവനു ചുറ്റും പുകപടലങ്ങൾ കൊണ്ടുമൂടി കോടമഞ്ഞുപോലെ ചുറ്റുമുള്ളതൊന്നും കാണാൻ കഴിയാത്തവിധം കേളുവിന്‌ ചുറ്റും ഒരു മതിൽ തന്നെ രൂപപ്പെട്ടുകഴിഞ്ഞു.

അതെ അവന്റെ കഠിനമായ ഉപാസനക്ക് ഫലപ്രാപ്തി ലഭിച്ചിരിക്കുന്നു പാലപ്പൂവിന്റെ രൂക്ഷമായ ഗന്ധം അവനുചുറ്റും നിറയുന്നത് അവൻ അറിഞ്ഞു.

"കേളു നിന്നിൽ ഞാൻ സംതൃപ്ത ആയിരിക്കുന്നു കണ്ണ് തുറന്നാലും "

എവിടെനിന്നോ ഒരു സ്ത്രീശബ്ദം അവൻ കേട്ടു.

"കേളു ഇതവൾ തന്നെയാണ് ഞാനും നീയും ആരെയാണോ ദർശിക്കാൻ ഇത്രയും ചെയ്തത് അവൾ തന്നെ യക്ഷി "

ആ ശബ്ദം കാതിൽ വീണയുടൻ തന്നെ അവന്റെയുള്ളിൽ അവനിൽ ലയിച്ച ദിഗംബരൻ അവനോട് പറഞ്ഞു. കേളു തന്റെ കണ്ണുകൾ തുറന്നു. തന്റെ മുൻപിൽ നിൽക്കുന്ന രൂപത്തെ കണ്ട് അവന്റെ കണ്ണുകൾ ഒന്നുടെ വിടർന്നു.

അരയ്ക്ക് മുകളിലേക്ക് നഗ്നമായ അതിസുന്ദരിയായ സ്ത്രീ രൂപം അവന്റെ കണ്ണുകളിൽ നിറഞ്ഞു. അവളുടെ കണ്ണുകൾ അഗ്നിപോൽ ജ്വലിക്കുന്നുണ്ടായിരുന്നു. അവളുടെ മാറിടങ്ങൾക്ക് ഭംഗിയും മറയും നൽകികൊണ്ട് ഒരു ആഭരണ വലയം തന്നെ അവളിൽ നിറഞ്ഞിരുന്നു. ഇടതൂർന്നു നീളമുള്ള അവളുടെ കേശഭാരങ്ങൾ അവളിലേക്ക് അവനെ കൂടുതൽ ആകൃഷ്ടനാക്കി. ചെഞ്ചുണ്ടെന്ന് പറഞ്ഞാൽ മതിയാവില്ല അത്രയ്ക്കും ചുവന്നു തുടുത്തതായിരുന്നു അവളുടെ ചുണ്ടുകൾ. ആരെയും മോഹവലയത്തിലാക്കുന്ന തന്നെ ഉപസിക്കുന്നവരുടെ ഏതൊരു ആഗ്രഹവും സാധിച്ചുകൊടുക്കുന്ന സൗന്ദര്യം തുളുമ്പുന്ന ആ യക്ഷി കേളുവിന് മുന്നിൽ പ്രത്യക്ഷയായി...

https://imgur.com/a/ftCIsQ1

തുടരും.....

ഒരുപാട് തെറ്റുകൾ ഉണ്ടായിട്ടുണ്ട് പ്രതീക്ഷിച്ചതുപോലെ