?️ സ്വർഗ്ഗ ദ്വീപ് 10?️ [അതുല്യൻ] 527

പറഞ്ഞു. അവൻ ഇന്റർനെറ്റിൽ നിന്ന് വായിച്ച ആ PDF ഫയലിന്റെ കൂടുതൽ ഭാഗങ്ങളും അവന് ഇപ്പോൾ ഓർമയില്ല പക്ഷെ സ്വപ്നക്ക് അത് എന്തായാലും അറിയില്ല. അവൾ ഇത് കേട്ട് ശെരിക്കും പേടിച്ച് ഇരിക്കുക ആണ് എന്ന് അവന് മനസ്സിലായി. അത് കൊണ്ട് അവളെ ഒന്ന് കൂടി പേടിപ്പിക്കാൻ തന്നെ ആദിത്യൻ തീരുമാനിച്ചു.

“അത് കൊണ്ട് എന്നോട് കൂടുതൽ കള്ളം പറയണ്ട എനിക്ക് അത് പെട്ടെന്ന് മനസ്സിലാകും.” ആദിത്യൻ സ്വപ്നയുടെ കണ്ണുകളിലേക്ക് നോക്കി കൊണ്ട് തറപ്പിച്ച് പറഞ്ഞു. “ഞാൻ കാണാൻ ചുള്ളൻ ആയത് കൊണ്ട് അല്ല നീ എന്റെ ബെഡ്‌റൂമിൽ വന്ന് എന്റെ കൂടെ ബന്ധപ്പെട്ടത് എന്ന് എനിക്ക് അറിയാം. എനിക്ക് എന്താണ് ശെരിയായ കാരണം എന്ന് നിന്റെ വായിൽ നിന്ന് തന്നെ കേൾക്കണം.”

സ്വപ്ന എന്തോ പറയാൻ വന്നു പക്ഷെ അവളുടെ വായിൽ നിന്ന് ശബ്ദം ഒന്നും പുറത്തേക്ക് വരുന്നുണ്ടായിരുന്നില്ല. അവൾ നല്ലോണം പേടിച്ച് ഇരിക്കുക ആണെന്ന് ആദിത്യന് മനസ്സിലായി പക്ഷെ അവളുടെ മനസ്സിൽ എന്താണ് ഉള്ളത് എന്ന് ആദിത്യന് തിരിച്ചറിയാൻ പറ്റിയില്ല.

“എനിക്ക് നിന്നെ ഈ ദ്വീപിൽ നിന്ന് എപ്പോൾ വേണമെങ്കിലും പറഞ്ഞ് വിടാം സ്വപ്ന. എനിക്ക് വേണമെങ്കിൽ ഒരു വഞ്ചിൽ തുഴയും തന്ന് നിന്നെ ഇവിടെ നിന്ന് പറഞ്ഞ് അയക്കാം. ഇവിടെ നിന്ന് അടുത്ത് ഉള്ള എയർപോർട്ടിലേക്ക് കുറഞ്ഞത് എട്ട് മണിക്കൂർ എങ്കിലും തെക്കോട്ട് പോകണം.” ആദിത്യൻ പറഞ്ഞു. “എനിക്ക് അങ്ങനെ ചെയ്യാൻ ഒരു താല്പര്യവും ഇല്ല. എന്റെ ബെഡ്റൂമിലേക്ക് വന്നത് നിന്റെ ആശയം അല്ല എന്ന് എനിക്ക് അറിയാം. നിന്നെ കൊണ്ട് ആരാണ് അങ്ങനെ ചെയ്യിച്ചത് എന്ന് പറഞ്ഞാൽ ഞാൻ നിനക്ക് ഒരു പ്രേശ്നവും വരാതെ നോക്കി കോളാം.”

ആദിത്യൻ അവളെ തറപ്പിച്ച് നോക്കിയപ്പോൾ സ്വപ്ന ഇപ്പോൾ കരയും എന്ന അവസ്ഥയിൽ എത്തി. അവന് അത് കണ്ടപ്പോൾ അവളോട് സഹതാപം തോന്നി പക്ഷെ ഇപ്പോൾ അവളോട് സഹതാപം കാണിച്ചത് കൊണ്ട് ഒരു ഗുണവും ഇല്ല എന്ന് ആദിത്യന് അറിയാമായിരുന്നു.

“നീ ഇപ്പോൾ എന്റെ അടുത്ത് സത്യം പറയണം മുഴുവൻ സത്യങ്ങളും തുറന്ന് പറയണം. നീ എല്ലാം എന്റെ അടുത്ത് തുറന്ന് പറഞ്ഞാൽ നിനക്ക് ഒരു കുഴപ്പവും ഉണ്ടാവില്ല. ഇത് നിനക്ക് ഉള്ള അവസാനത്തെ അവസരം ആണ്. ഇപ്പോൾ തന്നെ നീ എല്ലാം തുറന്ന് പറഞ്ഞില്ലെങ്കിൽ എനിക്ക് നിന്നെ സഹായിക്കാൻ പറ്റില്ല.” ആദിത്യൻ ഒരു മയവും ഇല്ലാതെ കടുപ്പിച്ച് പറഞ്ഞു.

ആദിത്യൻ അവന്റെ ചുണ്ടുകൾ നനച്ച് കൊണ്ട് ആലോചിച്ചു. താൻ ഇപ്പോൾ വലിയൊരു സാഹസം ആണ് ചെയുന്നത്. ഇതിന്റെ എല്ലാം പുറകിൽ എൽദോ ആണോ ഉള്ളത് എന്ന് എങ്ങനെ എങ്കിലും അറിഞ്ഞേ പറ്റൂ. എൽദോ കൂടുതൽ രഹസ്യങ്ങൾ ചോർത്താൻ വേണ്ടി സ്വപ്നയെ പറഞ്ഞ് വിട്ടത് ആണോ?. അവന്റെ പദ്ധതികൾ എന്തൊക്കെ ആണ്?.

“ഞാൻ . . . . ” സ്വപ്ന അവസാനം ശബ്ദം വീണ്ടെടുത്ത് പറഞ്ഞ് തുടങ്ങി.

“വേഗം പറയ്.” ആദിത്യൻ മുരണ്ട്‍ കൊണ്ട് ദേഷ്യത്തോടെ പറഞ്ഞു.

“എനിക്ക് . . . . എനിക്ക് അത് പറയാൻ പറ്റില്ല.” സ്വപ്ന വാക്കുകൾ പുറത്തേക്ക് വരാതെ വിക്കി കൊണ്ട് പറഞ്ഞു.

“എന്ത് കൊണ്ട്?.” ആദിത്യൻ ദേഷ്യത്തോടെ ചോദിച്ചു.

“ദയവ് ചെയ്ത് എന്നോട് കൂടുതൽ ഒന്നും ചോദിക്കരുത്.” സ്വപ്നയുടെ കണ്ണുകൾ നിറയാൻ തുടങ്ങി. അവൾ ഇപ്പോൾ പേടിച്ച് വിറച്ച് കൊണ്ട് ഇരിക്കുന്ന ഒരു അവസ്ഥയിൽ ആയിരുന്നു. ആദിത്യൻ അപ്പോൾ ആലോചിച്ചു ഇവൾ എൽദോയെ ആണോ പേടിക്കുന്നത് അതോ വേറെ എന്തെങ്കിലും കാര്യത്തെ ആണോ പേടിക്കുന്നത്.