അടുത്ത ഏതാനും ദിവസങ്ങൾ സിനിയെ സംബന്ധിച്ചിടത്തോളം ഒരു സ്വപ്നത്തിലെന്നപോലെയാണ് കടന്നുപോയത്…
റൂബൻ തന്റെ പുതിയ ബ്ലാക്ക് കളർ ഔഡി സെഡാൻ ഡെലിവറി എടുത്തു. ഹോസ്പിറ്റലിൽ അവൻ അത് പാർക്ക് ചെയ്തിരിക്കുന്നത് കാണുമ്പോൾ സിനിയുടെ ഉള്ളിൽ ഒരു ചെറിയ അഭിമാനം തോന്നും. തന്റെ ‘ക്യൂ ഫൈവ്’ കാറിന് തൊട്ടടുത്ത് തന്നെ അവൻ അത് പാർക്ക് ചെയ്യാൻ ശ്രദ്ധിച്ചിരുന്നു.
അന്ന് വെള്ളിയാഴ്ചയായിരുന്നു. ദുബായിൽ വീക്കെൻഡ് മൂഡ് തുടങ്ങുന്ന സമയം. ഹോസ്പിറ്റലിൽ ഉച്ചവരെയേ തിരക്കുണ്ടായിരുന്നുള്ളൂ…
” മാം… ഇന്ന് വൈകുന്നേരം നമുക്ക് ഒന്ന് പുറത്തുപോയാലോ…? എന്റെ പുതിയ കാറിൽ ഒരു ലോങ്ങ് ഡ്രൈവ്. മാം അന്ന് പറഞ്ഞില്ലേ ആ പഴയ പള്ളിപ്പെരുന്നാളിന്റെയും മീനച്ചിലാറിന്റെയും ഓർമ്മകളെക്കുറിച്ച്… നമുക്ക് അബുദാബി ഹൈവേയിലൂടെ ഒന്ന് കറങ്ങാം… ” റൂബൻ അവളുടെ ക്യാബിനിൽ വന്ന് പതുക്കെ പറഞ്ഞു.
സിനി ജനാലയിലൂടെ പുറത്തെ വെയിലിനെ നോക്കി. ” റൂബൻ… ഇന്ന് ഫെലിക്സ് വീട്ടിലുണ്ട്. ഫിലിപ്പ് നേരത്തെ വരുമെന്ന് പറഞ്ഞിട്ടുണ്ട്… ”
” ഫിലിപ്പ് സർ ഷാർജയിലെ പുതിയ പ്രോജക്റ്റിന്റെ സൈറ്റിൽ പോയിരിക്കുകയാണ്. വരാൻ ലേറ്റ് ആകുമെന്ന് അദ്ദേഹം ഫെലിക്സിനോട് പറയുന്നത് ഞാൻ കേട്ടു. സിനീ… നമ്മൾ ഇന്ന് മാത്രം. പ്ലീസ്… ” റൂബന്റെ ശബ്ദത്തിലെ ആ താഴ്ന്ന അനുനയം സിനിയെ വീണ്ടും വീഴ്ത്തി…
വൈകുന്നേരം അഞ്ചു മണിയോടെ സിനി തന്റെ ഹോസ്പിറ്റൽ കോട്ട് അഴിച്ചു വെച്ചു. ഒരു വൈറ്റ് ലേസ് ടോപ്പും ഡിസൈനർ ജീൻസുമായിരുന്നു അവളുടെ വേഷം. വലിയ സൺഗ്ലാസും ഹൈഹീൽസും ധരിച്ച് അവൾ പാർക്കിംഗിലേക്ക് നടന്നു. റൂബൻ തന്റെ പുതിയ കാറിൽ റെഡിയായി ഇരിപ്പുണ്ടായിരുന്നു…
വ്യോമക്കശൻ
to
കബനീനാനാഥ
കഥാന്തരീക്ഷത്തിലേക്കു പെട്ടെന്ന് കൂട്ടികൊണ്ട് പോകാൻ കഥാകാരന് കഴിയുന്നു. അതുകൊണ്ടുതന്നെ ഇടയ്ക്കു നിന്ന് പോകുമ്പോൾ ഖേദം തോന്നും.
Dear കബനി…തിരക്കുകൾ ഉണ്ടാകും എന്നു അറിയാം.. പറ്റുന്ന സമയങ്ങളിൽ ഇതുപോലെ എഴുതൂ..താങ്കളോടും താങ്കളുടെ എഴുത്തിനോടുമുള്ള ഇഷ്ടവും,ആരാധനയും കൂടുതൽ ആണു…❤️🥰