തമ്പുരാട്ടി 6 [രാമന്‍] 1797

കുറച്ചുകൂടെ തടിച്ചാൽ എന്റെ ഏട്ടത്തി കൊതിപ്പിക്കുന്ന അച്ചായത്തിമാരെ പോലെ സുന്ദരിയാവും.ഒരു സംശയവുമില്ല.തീറ്റിച്ചു തീറ്റിച്ചു ഏട്ടത്തിയെ സുന്ദരിയാക്കണം .എനിക്കാ ആഗ്രഹം മനസ്സിൽ നല്ലപോലെ പൊന്തി.

നേരത്തെ ഇട്ട ഡ്രെസ്സിനെക്കാൾ ഇത്തിരി കൂടെ ഫിറ്റ്‌ ആയത് കൊണ്ട് ,ഇതിട്ട് ഏട്ടത്തിയുടെ വീട്ടിൽ പോവാമെന്ന് ഞാൻ അഭിപ്രായം പറഞ്ഞു.മറ്റേത് പാക്ക് ചെയ്യാൻ മീനുവിന് കൊടുത്തു. മീനു മാറിയ നേരം ഏട്ടത്തി മഞ്ഞ ടോപ്പുമിട്ട് എന്തോ കാര്യമായി പറയാൻ എന്റെ എടുത്തു വന്നു നിന്നു. കണ്ണുകൾ കൊണ്ട് ഞങ്ങളെ ആരും കാണുന്നില്ലല്ലോ എന്നൊരു നോട്ടം കൂടെ.

“ഇതൊന്നും വേണ്ടാന്നെ…എന്തിനാ പൈസ കളയണെ..അവളാണേൽ എന്തൊക്കെയോ എടുക്കുന്നുണ്ട്…” വീണ്ടും നാലുഭാഗവും നോക്കി ഉള്ളിലേക്ക് പോയ മീനു ഇല്ലെന്ന് കണ്ട് ,ഏട്ടത്തി എന്നോട് സ്വകാര്യം പറഞ്ഞു.

“അതിന് കൂടുതൽ ഒന്നും എടുത്തില്ലലോ.. ആകെ രണ്ട് ടോപ്പും പാന്റുമല്ലേ?..” നിസ്സാരമായ ചോദ്യം ചോദിച്ചപ്പോഴാണ് ഏട്ടത്തിയുടെ നിസ്സഹായാവസ്ഥ പെട്ടന്നെനിക്ക് മനസ്സിലായത് . ഈ അവസ്ഥയിൽ വേറെന്ത് ഏട്ടത്തി പറയാനാണ്. എന്നെ ബുദ്ധിമുട്ടിക്കുന്ന പോലെ തോന്നലുണ്ടാവും! ഞാൻ ചോദിച്ചതിന് ഒരു തല കുനിക്കലാണ് ഉണ്ടായത്. എനിക്കതു വല്ലാണ്ടായി.

“ഏട്ടത്തിയിങ്ങനെ മടിയൊന്നും കാണിക്കല്ലേ..എന്റെ ഏട്ടന്റെ ഭാര്യയല്ലേ..ഏട്ടത്തിയമ്മയല്ലേ . ..അപ്പോ ആരാ എന്റെ അമ്മയുടെ സ്ഥാനാ…” ഞാനിതിരി കുറുമ്പ് നിറഞ്ഞ ചിരിയോടെ പറഞ്ഞു. അപ്പോഴാ മുഖം എന്റെ നേർക്ക് പൊന്തി “തമ്പുരാട്ടി ഞെട്ടിക്കണ പോലെ .ഇവിടെ വാടാ.ഇത് ചെയ്യടാ.അത് ചെയ്യടാ .എന്നൊക്കെ പറയാനും ,ചീത്തപറയാനും വേണ്ടി വന്ന എന്റെ ചന്തിക്ക് രണ്ട് തല്ലാനും അധികാരമുള്ള ആളാണ്?. ” അമ്മയുടെ എക്സ്പ്രഷനും സൗണ്ടും കാട്ടി ഞാൻ ഏട്ടത്തിയുടെ മുഖത്തു നേരത്തെ മാഞ്ഞു പോയ ചിരി തിരിച്ചു കൊണ്ട് വന്നു വെച്ചു.