ടോക്സിക് [സാത്യകി] 65

ആ അരക്കെട്ടിന്റെ ഭംഗിയെ കുറിച്ച് ചിന്തിച്ചപ്പോ ആണ് സുനി സ്റ്റേഷനിൽ വച്ച് പൊട്ടിച്ച വിഡ്ഢിത്തം ഞാൻ ഓർത്തത്. പെണ്ണിന്റെ അടയാളം പറയാൻ പറഞ്ഞപ്പോ അവളുടെ അരക്കെട്ടിനെ കുറിച്ച് പറഞ്ഞ അവന്റെ സംസാരം ഇപ്പൊ ഓർത്തപ്പോ എനിക്ക് ചിരി വന്നു.. ആ അരക്കെട്ട് വച്ച് അവളെ കണ്ടു പിടിക്കാൻ എളുപ്പം ആണത്രേ.. അത് ആലോചിച്ചു.. ഞാൻ ചെറുതായ് ചിരിച്ചു..

‘എന്താടാ തന്നെ ഇളിക്കുന്നത്..?

അവൻ എന്നോട് ചോദിച്ചു

‘അല്ല നീ സ്റ്റേഷനിൽ വച്ച് പറഞ്ഞ കോപ്പിലെ വർത്താനം ഓർത്തു ചിരിച്ചതാ.. മറ്റേ സീതാമഹാലക്ഷ്മിയേ കണ്ടു പിടിക്കാൻ അവളുടെ അരക്കെട്ട് തപ്പിയാൽ മതിയെന്ന് നീ പറഞ്ഞില്ലേ..?

ഞാൻ അവനോട് ചോദിച്ചു

‘അത് ഞാൻ ഉള്ളതല്ലേ പറഞ്ഞത്.. ആ ടൈപ്പ് Waist ഒന്നും എല്ലാവർക്കും ഇല്ല.. അത് വച്ച് അവളെ കണ്ടു പിടിക്കണം..’

സുനി അപ്പോളും തന്റെ നിലപാടിൽ ഉറച്ചു നിന്നു

‘നീയൊരു സംഭവം തന്നെ.. ദേ ആ മുന്നിൽ പോണ പെണ്ണിനും നല്ല അരക്കെട്ട് ഉണ്ട്. അവളെ കണ്ടപ്പോ ആണ് ആ ഡയലോഗ് ഓർമ വന്നത്..’

ഞാൻ മുന്നിലെ പെണ്ണിനെ കാണിച്ചു പറഞ്ഞു

‘ഇത് അവളാണോ എന്ന് ചെക്ക് ചെയ്യണോ..? ചെയ്യാല്ലോ..’

സുനി മുന്നിലേക്ക് അല്പം ഉറക്കെ വിളിച്ചു

‘ഹേയ് സീതാമഹാലക്ഷ്മി….!

അത് കേട്ടതും അവൾ തിരിഞ്ഞു നോക്കി.. അവൾ മാത്രം തിരിഞ്ഞു നോക്കി.. അത്.. അത് അവളാണ്.. അന്ന് ഞങ്ങൾ പോലീസ് വേഷത്തിൽ കണ്ട അവൾ.. അവൾ തന്നെ..

ഒരല്പം ഗൗരവത്തിൽ ആണ് അവൾ നോക്കിയത്.. ആ പേര് വിളിച്ചത് ഇഷ്ടപ്പെടാത്തത് പോലെ.. ഞാനും സുനിയും വിശ്വസിക്കാൻ പറ്റാതെ പരസ്പരം നോക്കി.. വല്ലാത്തൊരു ടൈം തന്നെ ഞങ്ങളുടെ.. പരസ്പരം നോക്കി ഞങ്ങൾ അവളെ വീണ്ടും നോക്കിയപ്പോ മുന്നിൽ അവളില്ല.. ഞങ്ങൾ വേഗം മുന്നിലേക്ക് ഓടി. പക്ഷെ അവിടെ എങ്ങും അവളില്ല..