?ഉയർത്തെഴുനേൽപ്പ്‌ ? ഈ യാത്രയിൽ 2 [ലാസ്റ്റ് റൈസർ 007] 259

കൈക്കു  മുകളിൽ അവളുടെ കൈ പതിഞ്ഞത് ഞാൻ അറിഞ്ഞു .  തല ചരിച്ച് ഞാൻ അവളെ നോക്കി . അവൾ നേരത്തെ കിടന്നിരുന്ന അതെ പോലെ തന്നെ കിടക്കുന്നു . അവളുടെ വലതു കൈ എന്റെ കൈക്കു മേൽ  ഇരിക്കുന്നു .മുന്നിലേക്ക് നോക്കികൊണ്ടു തന്നെ  എന്റെ കൈ അവൾ അവളുടെ കൈക്കുള്ളിലാക്കി ,വിരലുകൾ കൊണ്ട് ലോക്ക് ചെയ്തു . അവളുടെ കയ്യിന്റെ മാർദ്ദവവും ഉള്ളൻ കയ്യിലെ തണുപ്പും എന്റെ കൈ അറിഞ്ഞു .

അവൾ  എന്റെ കൈ മെല്ലെ പൊക്കി . അതവളുടെ ചുണ്ടിനോടടുക്കുകയാണോ എന്ന് ഞാൻ ഊഹിച്ചു . അതെ എന്റെ കൈ അവളിടെ ചുണ്ടിനരികിൽ എത്തിയിരിക്കുന്നു . ഒരു നിമിഷം അവൾ എന്റെ കണ്ണുകളിലേക്കൊന്നു നോക്കി , ലാസ്യമായൊന്നു പുഞ്ചിരിച്ചു . ശേഷം അവളുടെ ചുണ്ടുകൾ എന്റെ കയ്യിൽ പതിഞ്ഞു . ഞാൻ ശ്വാസം ഉള്ളിലേക്കു ആഞ്ഞു വലിച്ചു , അറിയാതേ  കണ്ണുകൾ അടഞ്ഞു  .

തീരെ പ്രതീക്ഷിക്കാതെ കിട്ടിയ ചുംബനത്തിൽ ഞാൻ ആകെ തരിച്ചു പോയി .കണ്ണുകൾ തുറന്നപ്പോൾ അവൾ എന്റെ മുഖത്തു തന്നെ നോക്കി ഇരിക്കുകയാണ് .

‘ഇപ്പൊ എനിക്കും ഫീൽ ചെയ്യാനുണ്ട് ഹരിയേട്ടാ …’അവൾ പറഞ്ഞു .

എന്റെ കൈ കൂട്ടി പിടിച്ച അവളുടെ കൈ ഞാൻ എന്റെ അടുത്തേക്ക് വലിച്ചു . കൂടെ അവളും അടുത്തേക്ക് വന്നു . ശേഷം കൈ തിരിച്ച് പിടിച്ച്   ഉള്ളം കയ്യിൽ ഞാൻ മുത്തി .

അവളുടെ കൈ ഇടതു കയ്യിലേക്ക് പിടിച്ച്  ഞാൻ അവളുടെ മുഖത്തോടു മുഖം  ചേർത്തു .

പരസ്പരം ചുംബിക്കാൻ കാത്തിരുന്ന  ഞങ്ങൾ ഒരു നിമിഷം  കണ്ണിൽ കണ്ണ് നോക്കി  . ഞാനെന്റെ ഇടതു കൈ നിമ്മിയുടെ ഷോള്ഡറിൽ വെച്ചു . ശേഷം കൈ പുറകിലൂടെ ഇട്ടു അടുത്ത ഷോള്ഡറിൽ പിടിച്ചു  എന്നിലേക്കടുപ്പിച്ചു .ആ സമയം മഴക്ക് എന്തെന്നില്ലാത്ത ശക്തിയായിരുന്നു.

ഞങ്ങളുടെ ചുണ്ടുകൾ തമ്മിൽ ഇടിമിന്നല്‍ കണക്കെ കൂട്ടി മുട്ടി , പിറകിലായി പിടിച്ചിരുന്ന കൈ ഞാൻ പിൻവലിച്ചു . വലതു കൈ അവളുടെ മുഖത്തിൻ പിന്നിലായി വെച്ച് അവളുടെ മുഖം ഞാൻ കൂടുതൽ എന്നിലേക്കടുപ്പിച്ചു . അവളുടെ താഴത്തെ ചുണ്ടു ഞാൻ എന്റെ ചുണ്ടുകൾക്കിടയിലായി എടുത്ത നിമിഷത്തിൽ അവളുടെ കണ്ണുകൾ അടഞ്ഞതും അവളൊരു ദീർഘ ശ്വാസം എടുത്തതും ഞാൻ അറിഞ്ഞു .

പതിയെ അവളുടെ ചുണ്ടിനെ മോചിപ്പിച്ച് ഞാൻ എന്റെ മുഖം പിറകിലേക്ക് വലിച്ചു ,അവളപ്പോളും   കണ്ണുകൾ അടച്ചിരിക്കുകയാണ് .മുഖത്തിരുന്ന കയ്യിലെ തള്ള വിരൽ കൊണ്ട് ഞാൻ അവളുടെ കവിളിൽ പതിയെ തലോടി , കൂമ്പി അടഞ്ഞിരുന്ന അവളുടെ കണ്ണുകൾ പതിയെ തുറക്കപ്പെട്ടു .അവളുടെ ചുണ്ടുകൾക്കിടയിലൂടെ പവിഴ മുത്തുകൾ കണക്കെ ഞാൻ അവളുടെ പല്ലുകൾ കണ്ടു , ‘ശീഹ് ‘ അവളുടെ തുറന്ന ചൂണ്ടുകള്‍ക്കിടയിലൂടെ ഒരു ശീല്‍കര ശബ്ദം പുറത്തേക്ക് ഒഴുകി.

ഞങ്ങൾ കണ്ണിൽ കണ്ണിൽ നോക്കി ഇരുന്നു, അവളുടെ കണ്ണിലെ കൃഷ്ണമണികൾ എന്റെ രണ്ടു കണ്ണുകളിലേക്കായി നോക്കി ചലിക്കുന്നത് കണ്ടു എനിക്ക് കൗതുകം തോന്നി .

ഇന്നലെ രാത്രി നടന്ന സംഭവങ്ങളൊന്നും അവൾ അറിഞ്ഞിട്ടില്ല എന്ന മട്ടിൽ  ആണവളുടെ ഇരുത്തം എന്ന് തോന്നി പോയി . ആദ്യമായി ചുംബിക്കുന്ന ഒരാളുടെ കണ്ണിലെ തിളക്കം അവളുടെ കണ്ണില്‍ കണ്ടതാണ് എന്നിക്കങ്ങനെ തോന്നാൻ  കാരണം .