അത്ഭുത ബാലന്‍ വിഷ്ണു 10 [നിഷ] 50

പേടിക്കണ്ട എല്ലാം ശെരിയാകും  ഇല്ലെങ്കില്‍ നമുക്ക് ശെരിയാക്കാം.

അങ്ങനെ ഞങ്ങള്‍ ഓരോന്ന് പറഞ്ഞു വീട്ടിലെത്തി കസേരയിലിരുന്നു.

മോളെ കുടിക്കാന്‍  എന്തെങ്കിലും എടുത്തോ മമ്മദ് പറഞ്ഞു.

അകത്തേക്ക് പോയ സീനത്ത് വാസു പറഞ്ഞത് ഓരോന്ന് കാര്യങ്ങളും ആലോചിച്ചുകൊണ്ട്‌ നെടുവീര്‍പ്പിട്ടു.ചായ ഉണ്ടാക്കി.

ചേട്ടന്‍ നല്ല അറിവുള്ള ആളാണ്.

ഇവിടെ നടന്ന കാര്യങ്ങളെല്ലാം എത്ര കൃത്യമായാണ് പറയുന്നത്. ആരും അറിയാത്ത അബോര്‍ഷന്‍ ആയതു വരെ കൃത്യമായി പറഞ്ഞു.

ഒരു അത്ഭുത മനുഷ്യന്‍ തന്നെയാണ് വാസുവേട്ടന്‍.

ഉപ്പ പറഞ്ഞത് നല്ല പണിക്കാരന്‍ ആണെന്ന്.അവളങ്ങനെ ആലോചിച്ചു കൊണ്ട്‌ ചായ തയ്യാറാക്കി.

ഈ സമയം പുറത്തിരുന്ന മമ്മദ്

വാസു എന്തെങ്കിലും പ്രശ്നമുണ്ടോ? തെളിച്ചു പറ.

നീ പറയുന്ന ഓരോ കാര്യങ്ങൾ കേട്ടിട്ട് എന്തോ ഒരു വല്ലായ്ക.

പ്രശ്നമൊന്നുമില്ല നമുക്ക് വീട് പണി കുറച്ച് താമസിച്ച് തുടങ്ങിയാൽ മതി. അപ്പോഴേക്കും എല്ലാം ശരിയാവും.

അപ്പോഴേക്കും സീനത്ത് ചായ മേശപ്പുറത്ത് വച്ചുകൊണ്ട് ഉപ്പ ചായ

രണ്ടുപേരും അകത്തേക്ക് കയറി ഇരുന്ന്.

സീനത്തിനോടും അവിടെ ഇരിക്കാൻ പറഞ്ഞു.

അവൾ ഒരു ഭയഭക്തിയോടെ എന്നെ നോക്കി അവിടെ ഇരുന്നു.

എന്താ സീനത്തെ പേടിയാകുന്നുണ്ടോ?

അല്ല ചേട്ടന്‍ പറഞ്ഞതൊക്കെ ആലോചിക്കുമ്പോള്‍ —–

പേടിക്കണ്ട ഞാന്‍ പറയുന്നതുപോലെ ചെയ്താല്‍  മതി.

ഇനി ഞാൻ പറയുന്നത് രണ്ടുപേരും ശ്രദ്ധിച്ചു കേൾക്കണം.

ആ സ്ഥലം കാലങ്ങള്‍ക്ക് മുന്‍പ് ഏതോ കാവിനോടോ ക്ഷേത്രത്തിനോടോ അനുബന്ധിച്ച സ്ഥലമായിരുന്നു.അത് കയ്മാറി വന്നതാണ്‌ അതിന്‍റെ ദോഷം മാറാന്‍ ഒന്നര വ്യാഴവട്ടം വേണം .ഞാന്‍ നോക്കിയിട്ട് നാലോ അഞ്ചോ മാസം കൂടിയേ ഉണ്ടാകു.