മാഷിനെ പ്രണയിച്ച ടീച്ചറും കുട്ടികളും 6 [SAMI] 160

 

“അവൾക്ക് ഇന്ന് എന്തെങ്കിലും സംശയം ഉണ്ടായേക്കാം.”

“നീ അവളോട് മെഹർ മിസ് വരും എന്ന് പറഞ്ഞില്ലേ?”

 

“ഹാ.”

 

“പിന്നെ എയ്ഞ്ചൽ വന്നത് അവൾ കണ്ടാൽ?”

 

മനു മെഹറിനെ നോക്കി.
ആ ചോദ്യത്തിന് മറുപടി പറയാൻ അവന് കഴിഞ്ഞില്ല.

 

“മനു…”

 

“ഹ്മ്മ്?”

 

“ഇനി ഓരോ ചുവടും സൂക്ഷിച്ച് വേണം. നീ ഒരാളോട് പറഞ്ഞ കള്ളം മറ്റൊരാളുടെ സത്യമായി മാറാൻ അധികസമയം വേണ്ട.”

 

മനു തലകുനിച്ചു.

“അറിയാം.”

 

“എന്നാലും…” മെഹർ ചെറുതായി ചിരിച്ചു.

“ഇന്ന് എയ്ഞ്ചൽ വന്നത് മനു സാറിന് വലിയ സന്തോഷം തന്നെയല്ലേ?”

 

“അതെ.”

 

“അപ്പോഴേക്കും മനു സാറിന്റെ ക്ലാസ് മുഴുവൻ ബയോളജി ആയി .”

 

മനു ചിരിച്ചു.

“നീയും…”

 

“ഞാൻ പറഞ്ഞത് സയൻസാണ്,” മെഹർ ചിരിയോടെ പറഞ്ഞു.

 

കുറച്ച് നേരം അവർ അങ്ങനെ ഇരുന്നു.
സ്റ്റാഫ് റൂമിന് പുറത്തുള്ള വരാന്തയിൽ വൈകുന്നേരത്തിന്റെ വെളിച്ചം വീണു തുടങ്ങി.

 

മെഹർ ഒടുവിൽ എഴുന്നേൽക്കാൻ തുടങ്ങി.

“പോകാം നമുക്ക്?”

 

മനു അവളെ നോക്കി.

 

“മെഹർ…”

 

“ഹാ?”

 

“നാളെ വീട്ടിലേക്ക് വരാമോ?”

 

മെഹറിന്റെ മുഖത്ത് പെട്ടെന്ന് നാണവും അതിശയവും ചേർന്നൊരു ഭാവം വന്നു.

 

“മനൂ…”

അവൾ കിണുങ്ങി കൊണ്ട് വിളിച്ചു.

 

സാധാരണയായി ഇങ്ങനെ ചോദിച്ചാൽ അവൾ ഒറ്റയടിക്ക് “പറ്റില്ല” എന്ന് പറയും.
പക്ഷേ ഇന്നത്തെ ആ വിളിയിൽ എന്തോ ഒരു പോസിറ്റീവ് സൈൻ ഉണ്ടായിരുന്നു.

 

മനു അത് പിടിച്ചു.

“വാടാ…”
അവൻ മൃദുവായി പറഞ്ഞു.

“കുറച്ച് നേരം. ആരുടേയും ശല്യമില്ലാതെ. ഇന്ന് നിന്നോട് ശരിക്കും സംസാരിക്കാൻ പോലും പറ്റിയില്ല.”