രേവതി ഒന്ന് ശാന്തമായതും, സുരേഷ് പതുക്കെ തന്റെ മൊബൈലുമായി ബാൽക്കണിയിലേക്ക് നടന്നു. അവൻ ഉണ്ണിയുടെ നമ്പർ ഡയൽ ചെയ്തു.
സുരേഷ് പതുക്കെ ഫോൺ എടുത്തു ഉണ്ണിയെ വിളിച്ചു. “ഹലോ ഉണ്ണീ… തിരക്കാണോടാ?”
“അല്ല ബ്രോ … എന്താ ഈ സമയത്ത്? എന്തെങ്കിലും പ്രശ്നമുണ്ടോ?” ഉണ്ണിയുടെ ശബ്ദത്തിൽ വല്ലാത്തൊരു പരിഭ്രമം ഉണ്ടായിരുന്നു.
“പ്രശ്നം ഒന്നുമില്ലെടാ… പക്ഷേ നമ്മുടെ രേവതി ഇവിടെ ആകെ അപ്സെറ്റാണ്. നിങ്ങൾ തമ്മിൽ എന്താ ഒരു മിണ്ടാട്ടം ഇല്ലാത്തത്?”
“അത് പിന്നെ… ചെറിയൊരു മിസ്അണ്ടർസ്റ്റാന്റിംഗ് ഉണ്ടായതാ ബ്രോ . ഓഫീസിലെ കാര്യമല്ലേ… ഞാൻ അതങ്ങ് വിട്ടു.”
“നീ വിട്ടു, പക്ഷേ അവൾക്ക് അത് താങ്ങാൻ പറ്റുന്നില്ല. അവൾ ഈ ട്രിപ്പ് ക്യാൻസൽ ചെയ്യാൻ വരെ തീരുമാനിച്ചു. അത് കേട്ടപ്പോൾ എനിക്ക് വിഷമമായി.”
“ബ്രോ … അത് വേണോ? ഞാൻ വരാത്തത് കൊണ്ടാണ് അവൾ മാറുന്നത് എങ്കിൽ…”
“അതെ ഉണ്ണീ… നിങ്ങൾ അത്രയും നല്ല ബെസ്റ്റികളല്ലേ? എനിക്ക് നിങ്ങളെ രണ്ടുപേരെയും അങ്ങനെ കാണാനാണ് ഇഷ്ടം. രേവതിക്ക് നിന്നെപ്പോലെ ഒരു ഫ്രണ്ട് ഉള്ളത് എനിക്ക് വല്ലാത്തൊരു സമാധാനമാണ്. അവൾ ഈ മൂന്നാർ ട്രിപ്പിന് വേണ്ടി എത്ര ഷോപ്പിംഗ് നടത്തിയതാണെന്ന് നിനക്കറിയാമോ? നിനക്ക് വേണ്ടി കൂടി അവൾ ചില സാധനങ്ങൾ വാങ്ങി വെച്ചിട്ടുണ്ട്.”
“ബ്രോ .. ഞാന് ആണെങ്കില് വേറെ ഒരു പ്ലാനും ഇട്ടു ഇതിനിടക്ക്, ഇനി അത് മാറ്റാൻ ഒക്കെ നിന്നാല്. അവളോട് ലീന ചേച്ചിയുടെ കൂടെ പോകാന് പറ ബ്രോ. .”
