മീര വീണ്ടും വിളിച്ചു. ഡിസ്പ്ലേയിൽ അവളുടെ പേര് മിന്നിത്തിളങ്ങി. “നീ എന്താ കോൾ എടുക്കാത്തത്? നിനക്ക് അവളോട് അടുപ്പമാണല്ലോ?”
“അതൊക്കെ എന്റെ വ്യക്തിപരമായ കാര്യമാണ്. അതിൽ നീ ഇടപെടേണ്ട.” ഉണ്ണിയുടെ ആ മറുപടി രേവതിയെ ഭ്രാന്ത് പിടിപ്പിച്ചു.
അവൾ പെട്ടെന്ന് അവന്റെ കൈ ആഞ്ഞു പിടിച്ചു. മറ്റൊരു കൈ കൊണ്ട് അവൾ ഡിസ്പ്ലേയിലെ ‘Answer’ ബട്ടണിൽ അമർത്തി. ഉണ്ണി ഫോൺ ഡിസ്കണക്ട് ചെയ്യാൻ ശ്രമിച്ചെങ്കിലും രേവതി അവന്റെ കൈ വിട്ടില്ല.
മീരയുടെ ശബ്ദം കാറിലെ സ്പീക്കറുകളിലൂടെ മുഴങ്ങി. “ഹലോ ഉണ്ണി… എന്താ രാവിലെ തന്നെ തിരക്കാണോ? ഇന്ന് വൈകിട്ട് വരുന്നുണ്ടോ?”
രേവതിക്ക് ആ അടുപ്പം സഹിക്കാൻ കഴിഞ്ഞില്ല. അവൾ ഫോണിലേക്ക് അലറി. “നീ ആരാടി ഇവനെ വിളിക്കാൻ? ഇനി മേലാൽ ഈ നമ്പറിലേക്ക് വിളിച്ചു പോകരുത്!” “ഹലോ… ഇത് ആരാണ്? ഉണ്ണി…” മീര അമ്പരന്നു ചോദിച്ചു.
“ഇത് ഞാന് ആണ് രേവതി. നീ ഇനി ഇവനെ ശല്യം ചെയ്യരുത്! കേട്ടല്ലോടി?” രേവതി കോൾ കട്ടാക്കി.
ഉണ്ണി വല്ലാതെ ക്ഷോഭിച്ചു കൊണ്ട് കാർ നടുറോഡിൽ ആഞ്ഞു ബ്രേക്ക് ഇട്ടു നിർത്തി.
“നീ എന്താണ് രേവതി കാണിച്ചത്? എന്റെ ഫ്രണ്ടിനോട് ഇങ്ങനെ സംസാരിക്കാൻ നിനക്ക് എന്ത് അവകാശമാണുള്ളത്?”
“എനിക്ക് അവകാശമുണ്ടോ ഇല്ലയോ എന്ന് നീയാണോ തീരുമാനിക്കുന്നത്?”
“അതെ! നീ വെറുമൊരു കൊളീഗ് മാത്രമാണ്. എന്റെ ജീവിതത്തിൽ ഇടപെടാൻ നീ വളരരുത്.”
“ഓ… ഇപ്പോൾ ഞാൻ വെറും കൊളീഗ്! എന്റെ ശരീരത്തിൽ നീ അനുഭവിച്ചതെല്ലാം ഏത് പ്രൊഫെഷനൽ ലെവൽ ആണ് ? കളിച്ചപ്പോഴൊന്നും നിനക്ക് ഈ പ്രൊഫഷണൽ മതിൽ ഇല്ലായിരുന്നല്ലോ!”
