“അയ്യടാ… അവന്റെ ഒരു സഹായം…”അതും പറഞ്ഞു അവൾ പെട്ടന്ന് വാതിൽ അടച്ചു. Shit ഒത്തില്ല.
ഒരു ചെറിയ സങ്കടം ഉണ്ടായിരുന്നു എങ്കിലും ഞാൻ അത് വകവെച്ചില്ല. എന്തായാലും അത് മൊത്തം എനിക്കുള്ളതല്ലേ ഞാൻ പയ്യെ തിന്നോളാം എന്നൊക്കെ മനസ്സിനെ പറഞ്ഞു പഠിപ്പിച്ചു.
ബെഡിൽ അവൾ എനിക്കായി ഒരു വെള്ള ടി ഷർട്ടും നീല ഷോർട്സും വച്ചിട്ടുണ്ടായിരുന്നു. ഞാൻ അതും എടുത്തിട്ട് മുറിയുടെ പുറത്തേക്ക് നടന്നു. ആദ്യം പോയത് ലക്ഷ്മി അമ്മയുടെ മുറിയിലേക്ക് ആയിരുന്നു. ഞാൻ പയ്യെ തലയിട്ട് അകത്തേക്ക് നോക്കിയപ്പോൾ അവർ നല്ല ഉറക്കമാണ് കൂടെ മീനുവും ഉണ്ട്. കുറച്ചു നേരം മുമ്പേ കുഴപ്പം ഒന്നും ഇല്ല എന്നൊക്കെ പറഞ്ഞത് വെറുതെ ആണ് പാവത്തിന് നല്ല ക്ഷീണമുണ്ട്. അവരുടെ മുഖം കണ്ടപ്പോൾ എനിക്ക് അങ്ങനെ തോന്നി.
ആ മുറിയുടെ വാതിൽ ഞാൻ ചാരി എന്നിട്ട് മായയുടെ മുറി ലക്ഷ്യമാക്കി നടന്നു. ഉള്ളിൽ വല്ലാത്തൊരു ഭയം. അത് എന്ത് മാങ്ങ കാരണമാണ് എന്നൊന്നും എനിക്കറിയില്ല പക്ഷെ ശരീരമാകേ വല്ലാത്തൊരു വിറയലൊക്കെ.
ഞാൻ അവളുടെ മുറിയുടെ വാതിൽക്കൽ എത്തി വാതിൽ തുറന്നു കിടക്കുവായിരുന്നു പൂച്ച എത്തി നോക്കുന്ന പോലെ ഞാൻ ആ മുറിയുടെ അകത്തേക്ക് എത്തി നോക്കി.
ആ മുറിയുടെ അകത്തെ കട്ടിലിൽ മായ ഇരിക്കുന്നുണ്ടായിരുന്നു. പക്ഷെ എനിക്ക് അവളുടെ മുഖം കാണാൻ പറ്റുന്നില്ല. അവൾ ജനലിലൂടെ പുറത്തേക്കു നോക്കി ഇരിക്കുവാണ്.അതിലൂടെ വരുന്ന കാറ്റു അവളുടെ മുഖത്തും മുടിയിലുമെല്ലാമായി തഴുകി കൊണ്ടിരുന്നു.
