Chapter Title : ബൃഹന്നള [കത്തനാർ]

വന്ന കൈ മധ്യവഴിയിൽ തന്നെ നിന്നു.

അജു അവന്റെ കൈമുട്ട് പിടിച്ചിരുന്നു.

അതിശക്തമായി.

ഗുണ്ടയുടെ മുഖം വേദന കൊണ്ട് വളഞ്ഞു.

"ആഹ്!"

അടുത്ത സെക്കൻഡിൽ.

അജുവിന്റെ വിരലുകൾ കൈമുട്ടിലെ ഒരു പ്രത്യേക പോയിന്റിൽ അമർന്നു.

ഗുണ്ട നേരെ മുട്ടുകുത്തി താഴെ വീണു.

"എന്ത് മൈരാടാ സജി ഇത്!" മറ്റൊരാൾ അലറി.

രണ്ടുപേർ ഒരേസമയം ചാടി.

അജുവിന്റെ ശരീരം പെട്ടെന്ന് മാറി.

അതൊരു സാധാരണ അടിപിടിയല്ലായിരുന്നു.

കളരിയുടെ ചുവടുകൾ.

വേഗത.

സന്തുലനം.

കൃത്യത.

ആദ്യത്തവന്റെ ആക്രമണം ഒഴിഞ്ഞ് മാറിയ അജു അവന്റെ തോളിലെ ഒരു മർമ്മ സ്ഥാനത്ത് വിരൽ പ്രയോഗിച്ചു.

അയാൾ നിലവിളിച്ച് താഴേക്ക് വീണു.

രണ്ടാമനോട് തിരിഞ്ഞ് കാലുകൊണ്ട് ഇടിച്ചു.

അയാൾ ഒന്നു രണ്ട് മീറ്റർ പിന്നിലേക്ക് തെറിച്ചു.

ലച്ചു ശ്വാസം പോലും വിടാൻ മറന്നു.

"ദൈവമേ..."

അവൾക്ക് വിശ്വസിക്കാനായില്ല.

ഇതുവരെ അവൾ കണ്ട അജു ഇതായിരുന്നില്ല.

ശാന്തൻ.

തമാശക്കാരൻ.

സാധാരണ കോളേജ് വിദ്യാർത്ഥി.

പക്ഷേ ഇപ്പോൾ അവളുടെ മുന്നിൽ നിൽക്കുന്നത് മറ്റൊരാളായിരുന്നു.

അസാധാരണ വേഗമുള്ള ഒരു പോരാളി.

"ഡാ!"

മൂന്നാമൻ വലത് വശത്ത് നിന്ന് ഒരു ഇരുമ്പ് ദണ്ഡ് വീശി.

അജു താഴ്ന്നു.

ദണ്ഡ് വായുവിലൂടെ പോയി.

അതേ സമയം അജുവിന്റെ കൈ അവന്റെ നെഞ്ചിന് താഴെയുള്ള ഒരു മർമ്മസ്ഥാനത്ത് പതിച്ചു.

ആ മനുഷ്യൻ വായുവിനായി കിതച്ചു.

ദണ്ഡ് കൈയിൽ നിന്ന് വീണു.

അവനും.

“ഇതെന്തു മൈര്. ഇത് വല്ല സിനിമയാണോ?" ലച്ചുവിന്റെ കൈപിടിച്ച് കൊണ്ട് മീര മുറുമുറുത്തു.

അഖിലിന്റെ വായ തുറന്നു പോയി.

"അജുവോ?"

"നമ്മുടെ അജുവോ?"

"ഇവൻ തന്നെയാണോ ഇത്?"

മറ്റു രണ്ടുപേർ