Chapter Title : ഭൂമിയിലെ ഗന്ധർവ്വൻ 2 [Mizmu-The copier]

എന്റെ നെഞ്ചോട് ചേർത്ത് പതിയെ പറഞ്ഞു

അവൾ എന്നെ നോക്കി ഒരു നിറഞ്ഞ പുഞ്ചിരി തന്നു

പിന്നെ അവിടന്ന് അവളുടെ ഗ്രാമത്തിലേക്ക് നീങ്ങി

ഗ്രാമത്തിന്റെ മറ്റൊരു വശത്തുകൂടി ആണ് ഞങൾ ഗ്രാമത്തിലേക്ക് പ്രവേശിച്ചത്

ഗ്രാമം മുഴുവൻ ഭടന്മാർ ഉണ്ട്

ഗ്രാമത്തിലെ ആളുകൾ ഞങ്ങളെ കണ്ടതും അത്ഭുതത്തോടെ നോക്കി നിന്നു

പല മുഖത്തും അസൂയയും എനിക്ക് കാണാൻ കഴിഞ്ഞു

അവരോട് എനിക്ക് ചെറിയ പുച്ഛമായിരുന്നു

എന്റെ പെണ്ണിനെ പട്ടിണിക്കിട്ടു ആളുകൾ ..അവർ ഇനി ആരോടും ഇങ്ങനെ ചെയ്യരുത്

അതായിരുന്നു എൻറെ ഉദ്ദേശം

ഞങ്ങൾ നടന്ന് അവളുടെ കുടിലിന്റെ അടുത്തെത്തി

അങ്ങോട്ട് തിരിഞ്ഞു നോക്കിയ അവളുടെ മുഖം വിടർന്നു

ഞാൻ പതിയെ കുതിരയിൽ നിന്ന് ഇറങ്ങി ..അവളെയും കൈ പിടിച്ചിറക്കി

അവൾ വീണ്ടും അങ്ങോട്ട് നോക്കി ... ആ സുന്ദരമായ മുഖം വീണ്ടും വിടർന്നു

മുഖത്തൊരു വെളിച്ചം പരന്നു

അവളുടെ ആ പഴയ കുടിലിന്റെ ചുറ്റും ഞാൻ മാറ്റിമറിച്ചിരുന്നു. ചോർന്നുപോയ മേൽക്കൂരയെല്ലാം പുതുക്കിപ്പണിത് മനോഹരമായ പനയോലകൾ കൊണ്ട് മേഞ്ഞു. ചുറ്റുമുള്ള ചെറിയ മുറ്റമെല്ലാം വെട്ടിത്തെളിച്ച്, നാനാവിധത്തിലുള്ള വർണ്ണപ്പൂക്കൾ നിറഞ്ഞ പൂന്തോട്ടങ്ങൾ കൊണ്ട് ഞാൻ അതിനെ അലങ്കരിച്ചിരുന്നു.

റോസാപ്പൂക്കളും ജമന്തിയും മുല്ലയും വള്ളിച്ചെടികളും ആ ചെറിയ കുടിലിന് ചുറ്റും ഒരു മാലപോലെ പടർന്നു കിടന്നു. പൂക്കളുടെ സുഗന്ധം അവിടെ വായുവിൽ പരന്നൊഴുകി, ആ വീടും പരിസരവും മൊത്തം മുഖച്ഛായ തന്നെ മാറിയിരുന്നു.

അത്ഭുതം കൊണ്ടും സന്തോഷം കൊണ്ടും വിറയ്ക്കുന്ന ചുണ്ടുകളോടെ അവൾ പതുക്കെ ആ പൂന്തോട്ടത്തിലൂടെ നടന്ന് ആ പഴയ കുടിലിന്റെ വാതിൽപ്പടിയിലേക്ക് അടുത്തു.

കണ്ണുകൾ നിറഞ്ഞൊഴുകിക്കൊണ്ട് അവൾ എന്നെ നോക്കി