Chapter Title : ചന്ദ്രവേദം 6 [മന്ത്രവാദി]

" എഴുന്നേൽക്ക് എനിക്ക് ചെറിയൊരു പണി തീർക്കാൻ ഉണ്ട്. ചെന്ന് മുഖം കഴുകിയിട്ട് വേണേൽ അടുക്കള വരെ പോയിട്ട് വാ. അവരോടൊക്കെ സംസാരിക്കുമ്പോൾ കുറച്ച് ആശ്വാസം കിട്ടും. "

തൻ്റെ തോളിലേക്ക് ചാരി ഇരിക്കുന്ന ഭദ്രയുടെ കവിളിൽ ഉമ്മ കൊടുത്തുകൊണ്ട് അവൻ പറഞ്ഞു.

" എനിക്കിതാ ആശ്വാസം, എന്ത് പണിയാ തീർക്കാൻ ഉള്ളേ? ഞാൻ സഹായിക്കണോ?"

കരച്ചിലുമാറിയ മുഖത്ത് കുട്ടിത്തം മിന്നി മറയുന്നത് കാശി നോക്കിയിരുന്നു.

" നീ വന്നാൽ അത് നടക്കില്ല. തൽക്കാലം എൻ്റെ മോള് ചെന്ന് മുഖം കഴുക് ആര് കണ്ടാലും കരഞ്ഞെന്ന് മനസ്സിലാകും. ചെറിയമ്മ കണ്ടാൽ ഇത് എൻ്റെ തലയിൽ ഇരിക്കും. ചെല്ല് ചെല്ല്"

ഭദ്രയുടെ കൈകൾ പിടിച്ച് ആട്ടികൊണ്ട് അവളുടെ അതേ താളത്തിൽ അവനും പറഞ്ഞു.

" എന്നാ ഞാൻ ചെറിയമ്മയുടെ അടുത്ത് ചെല്ലട്ടെ"

കാശിയെ നോക്കി കള്ളച്ചിരിയോടെ അവൾ ചോദിച്ചു.

" രാവിലെ നടന്നത് ഓർമ ഉണ്ടല്ലോ വേഗം ചെല്ല്"

" ഉയ്യോ ഞാൻ അത് ഓർത്തില്ല, ഞാൻ ഇവിടെ ഇരുന്നോളം"

" മറന്നെങ്കിൽ ഞാൻ ഒന്നൂടെ ഓർമിപ്പിക്കാം എന്തേ? "

" അയ്യടാ....അത് എനിക്കൊരു അബദ്ധം പറ്റിയതാ , ഇനി വേണൊങ്കിൽ കല്യാണം ഒക്കെ കഴിയട്ടെ. മോൻ പോയി പണി തീർക്ക്"

" രാത്രി ഇവിടെ തന്നെ അല്ലെ കിടക്കുന്നേ നീ ഞാൻ എടുത്തോളാം. പിന്നെ മുത്തശ്ശി പറഞ്ഞപോലെ ഇന്നലെ നമ്മടെ കല്യാണം കഴിഞ്ഞതാ പിന്നെ പേരിനൊരു ചടങ്ങ് അത്രേ ഉള്ളൂ"

അതും പറഞ്ഞ് മുറിയിൽ നിന്നും ഇറങ്ങുന്ന കാശിയെ നോക്കി അവൾ ചുണ്ടുകൊണ്ട് കോക്രി കാണിച്ചു. കാശിയുടെ സാമീപ്യത്തിൽ ഭദ്ര വളരെ സന്തോഷവതിയായി മാറിയിരുന്നു.

പുറത്തിറങ്ങിയ കാശി നേരെ ചെന്നത് കാർത്തിക്കിൻ്റെ മുറിയിലേക്ക് ആണ്. ചവിട്ടി തുറക്കാൻ തോന്നിയെങ്കിലും അത് മറ്റുള്ളവരിലേക്കും എത്തും എന്നത് കൊണ്ട് അവൻ വാതിലിൽ മുട്ടി. ഗായത്രി ആയിരുന്നു വാതിൽ തുറന്നത്. അകത്ത് അഞ്ജനയും അവളുടെ കൂട്ടുകാരും ഉണ്ടായിരുന്നു. എടുത്ത് ചാടിയുള്ള പ്രവൃത്തികൾ ഒഴിവാക്കി തുടങ്ങിയ കാശി ഗായത്രിയെ കണ്ടതും ഒന്ന് അടങ്ങി. അവളോട് പുറത്ത് പോകാൻ ആവശ്യപ്പെട്ടു.

" അവളെവിടെയും പോകില്ല. നീ