Chapter Title : ജാതകം ചേരുമ്പോൾ 7 [കാവൽക്കാരൻ]

"നീ എന്ത് കണ്ടിട്ടാണ് എന്റെ കട്ടിലിൽ കയറി കിടക്കുന്നെ എന്ന്..."

"പിന്നെ ഞാൻ എവിടെ കിടക്കണം എന്നാണ് നീ പറയുന്നേ...."

"ദേ കല്ല്യാണി മനുഷ്യനെ വെറുതെ പ്രാന്ത് പിടിപ്പിക്കരുത് നിനക്ക് നിന്റെ റൂമിൽ കയറി കിടന്നാൽ എന്താ... അതോ നീ ഒരു ഭാര്യയുടെ അധികാരം കാണിക്കുകയാണോ.... അങ്ങനെ വല്ലതും ഒക്കെ ആണ് ഉദ്ദേശമെങ്കിൽ നടക്കൂല മോളെ.... കാല് വാരി നിലത്ത് അടിക്കും ഞാൻ. പറഞ്ഞില്ല എന്ന് വേണ്ട...."

അവൾ മൗനമാണ്. ഞാൻ പറഞ്ഞത് കേൾക്കാഞ്ഞിട്ടാണോ അതോ കേട്ട ഭാവം നടിക്കാത്തതാണോ.... എന്തായാലും ആദ്യത്തെ ആവില്ല....

അവൾ എനിക്ക് എതിർവശം ചെരിഞ്ഞു കിടക്കുകയാണ്...പെണ്ണിന്റെ ആകാര വടിവ് എടുത്തു കാണിക്കുണ്ട്... ചെരിഞ്ഞു കിടക്കുന്നത് കൊണ്ട് തന്നെ അവളുടെ പാവാട അവളുടെ പാദത്തിൽ നിന്നും കുറച്ച് മാറിയാണ് കിടക്കുന്നത് ആ സുന്ദരമായ പാദങ്ങൾ എനിക്ക് കാണാം എന്തൊരു നിറമാണ് ഒരു തരി രോമം പോലുമില്ല. ആ നേർത്ത സ്വർണ പാദസരം അവളുടെ കാലിന്റെ ഭംഗി കൂടുതൽ വർധിപ്പിച്ചത്പോലെ....

ദൈവമേ കണ്ട്രോൾ തരണേ.....

പുറത്ത് നല്ല മഴ ഉണ്ട് ജനൽപാളികൾ അടച്ചിട്ടില്ലാത്തത് കൊണ്ടുതന്നെ നല്ല തണുത്ത കാറ്റു റൂമിൽ വീശുന്നുണ്ട്. അതിന്റെ കൂടെ ഫാനിന്റെ കാറ്റും കൂടെ ആയപ്പോ പുതച്ച് മൂടി കിടന്നുറങ്ങാൻ വേണ്ടി മനസ്സ് വെമ്പി...

പക്ഷെ ഈ പൂതന ഇവിടെ കിടക്കുമ്പോൾ എങ്ങനെ ആണ്... 🥲

ഇവൾ രണ്ടും കല്പിച്ചാണ് ഇനിയും പറഞ്ഞ് കൊണ്ട് നിന്നിട്ട് കാര്യം ഇല്ല. അവളെ ഇനി തൊട്ടാൽ ചേച്ചിമാർ തെറ്റും അതും ഉറപ്പാണ്..

ആ സോഫയിൽ പോയി കിടക്കാം... ഓരോരോ ഗതികേട് അല്ലാതെ എന്ത് പറയാം.....

ഞാൻ തലയിണയും പുതപ്പും എടുക്കാൻ തുനിഞ്ഞതും. കല്ല്യാണി കിടന്ന കിടപ്പിൽ തിരിഞ്ഞ് നോക്കി. ഞാൻ എന്ത് ചെയ്യാൻ പോവുകയാണ് എന്നുള്ള ഭാവമായിരുന്നു അത്.

'നീ എന്ത് ചെയ്യാൻ പോവാണ്... "അവൾ ചോദിച്ചു

ഞാൻ:"തമ്പുരാട്ടി ഇങ്ങനെ പരന്ന് കിടക്കുകയല്ലേ അടിയൻ ആ സോഫയിൽ കിടന്നോളാം....."

കല്ല്യാണി:"അതൊന്നും വേണ്ട എന്റെ അടുത്ത് കിടക്ക്...."

ഏഹ്ഹ്..... 😳

ഞാൻ കേട്ടത് മാറിപോയതാണോ....

"എന്ത് ഞാൻ കേട്ടില്ല....."വിശ്വാസം വരാത്ത രീതിയിൽ ഞാൻ ഒന്നൂടെ ചോദിച്ചു....