Chapter Title : കളിയാട്ടങ്ങൾ 8 [ലസ്റ്റർ]

നനഞ്ഞു ദേഹത്തേക്ക് ഒട്ടിചേരുകയും തണുപ്പുകൊണ്ട് അവളുടെ പല്ലുകൾ കൂട്ടിയിടിക്കാനും കൈവിരലുകൾ വിറക്കുകയും ചെയ്തുതുടങ്ങി.

"ഇക്കോ..എവിടെയെങ്കിലും കുറച്ച് നേരം നിർത്താം. ഈ തണുപ്പും നനവും അതിന്റെ കൂടെ കാറ്റും കൂടിയായപ്പോൾ എനിക്ക് സഹിക്കാൻ പറ്റുന്നില്ല."

വിറച്ചുകൊണ്ട് ജസ്സി പറഞ്ഞു.

ചുരത്തിന്റെ ഏതാനും വളവുകൾ കയറി കുറച്ചുകൂടി മുകളിലെത്തിയപ്പോൾചാറ്റൽമഴയുടെ ശക്തി അൽപ്പംകൂടി വർദ്ധിച്ചു. വാഹിദ് റോഡിന്റെ ഇടതുവശത്തു അതിരിൽ പണിത ചെറിയ സുരക്ഷാ മതിലിനോട് ചേർത്തു കോൺഗ്രീറ്റ് ചെയ്ത സ്ഥലത്ത് വാഹിദ് ബൈക്ക് നിർത്തി. ഇടതുവശം ഇരുണ്ട ശൂന്യതപോലെ പരന്നു കിടക്കുന്നതും അതിനപ്പുറം ഇളിമയും ചാരച്ച പ്രകാശവും കലർന്ന വിശാലമായ ആകാശവും ജസ്സി കണ്ടു. സുന്ദരമായ ഒരു മായക്കാഴ്ച്ച കണ്ടതുപോലെ അവളുടെ കണ്ണുകൾ വിടർന്നു. അവൾ വണ്ടിയിൽനിന്നിറങ്ങി ബാഗ് സീറ്റിൽ വച്ചിട്ട് മതിലിന്റെ അടുത്തേക്ക് ചെന്ന് താഴേക്ക് നോക്കി. വാഹിദും ബൈക്ക് നിർത്തി അവളുടെ പിന്നിലായി മുട്ടിയിരുമ്മി നിന്നു, എന്നിട്ട് തന്റെ ജാക്കറ്റ് അഴിച്ച് അവളുടെ തോളിലേക്ക് ഇട്ടുകൊടുത്തു.

ഇരുട്ട് മൂടിയ ആ രാത്രിപാതയിൽ നിന്ന് താഴേക്ക് നോക്കുമ്പോൾ ആയിരമായിരം നക്ഷത്രങ്ങൾ ഭൂമിയിലേക്ക് ഉതിർന്നു വീണത് പോലെ കൂരിരുട്ടിൽ മിന്നിപ്പൊലിയുന്ന മഞ്ഞയും വെള്ളയും ചുവപ്പും നിറങ്ങളുള്ള അനേകായിരം ബൾബുകളുടെ കാഴ്ച്ച അവർക്കുമുന്നിൽ അനാവരണം ചെയ്യപ്പെട്ടു. ജസ്സി ആവിശ്വാസനീയമായ ദൃശ്യം കാണുന്നത് പോലെ ആ മനോഹരമായ കാഴ്ച്ച നോക്കിനിന്നു. താഴെനിന്ന് വന്നുകൊണ്ടിരുന്ന ഒരു കാർ വളവു തിരിഞ്ഞു കയറിവന്നു അവരെയും പിന്നിട്ട് കയറ്റം കയറി അടുത്ത വളവിലേക്ക് മറഞ്ഞപ്പോൾ അന്ധകാരം അവരെ വീണ്ടും വാരിപ്പൊതിയുകയും രണ്ടുപേരും കൂരിരുട്ടിൽ നിന്ന് ആ പ്രകാശഭംഗിയിലേക്ക് നോക്കിനിൽക്കുകയും ചെയ്തു.

"ന്റിക്കോ, കാണാൻ എന്തൊരു രസമാണ്. ഞാനെങ്ങാനും