Chapter Title : കുളിരിൽ വിരിയുന്ന കനൽ പൂവ് 1 [സ്പൾബർ]

നാല് വർത്തമാനമെങ്കിലും അവനോട് പറയണം..

ദാസൻ സെറ്റിയിൽ നിന്നും എഴുന്നേൽക്കാനൊരുങ്ങിയതും ഷിഫാന ഹൃദയം നുറുങ്ങുന്ന കരച്ചിലോടെ അവന്റെ മാറിലേക്ക് വീണു.
ദാസൻ ഞെട്ടിപ്പോയി.
തന്നെ വരിഞ്ഞ് മുറുക്കിപ്പിടിച്ച് കരയുകയാണവൾ.. എന്ത് ചെയ്യണമെന്നവൻ അങ്കലാപ്പിലായി. ഒരു പാവം പെൺകുട്ടി മറ്റൊരാശ്രയവുമില്ലാതെ തന്റെ നെഞ്ചിൽ കിടന്ന് കരയുന്നത് അവന് സഹിക്കാനായില്ല. ഒരു കയ്യുയർത്തി അവൻ അവളുടെ പുറം തഴുകി ആശ്വസിപ്പിച്ചു.
അതോടെ അവളുടെ കരച്ചിൽ കൂടി.. അവനൊന്നും മിണ്ടാതെ അവളെ മാറിൽ ചേർത്ത് പിടിച്ച് പുറം തടവിക്കൊടുത്തു. കുറേനേരം കരഞ്ഞ് അവളുടെ കരച്ചിൽ ചെറിയൊരു തേങ്ങലായി മാറി.

ഇനിയും ഇങ്ങിനെ ഇരിക്കാൻ പറ്റില്ലെന്ന് ദാസന് തോന്നി.
ലഹരിക്കടിമപ്പെട്ടവർ കൂടുതലും സംശയരോഗികളും ആയിരിക്കും.. അഥവാ അവൻ വന്ന് കണ്ടാൽ വിഷയമാകും.
അവൻ ഷിഫാനയെ നെഞ്ചിൽ നിന്നും അടർത്തിമാറ്റി നേരെയിരുത്തി.
ചേട്ടനിട്ട ബനിയനാകെ തന്റെ കണ്ണീരിൽ നനഞ്ഞ് കുതിർന്നത് ഒട്ടൊരു പ്രയാസത്തോടെ അവൾ നോക്കി.

“മോളേ.. അമ്മൂ… ഒന്നുകിൽ മോള് നന്നായി ശ്രമിച്ച് അവനെ മാറ്റിയെടുക്കാൻ നോക്കുക.. അല്ലെങ്കിൽ നാളെ രാവിലെ മോളെ ഞാൻ വീട്ടിൽ കൊണ്ട് ചെന്നാക്കാം.. എന്ത് വേണേലും മോൾക്ക് തീരുമാനിക്കാം..”

നനഞ്ഞ മിഴികളുയർത്തി ഷിഫാന അവനെ നോക്കി.

“വീട്ടിലേക്കിനി പോകാൻ കഴിയില്ല ചേട്ടാ… വേറെന്ത് വേണമെന്ന് എനിക്കറിയില്ല.. ചേട്ടൻ പറ.. ഞാനിനി എന്ത് ചെയ്യണം.. ഇത്ര കാലം ചേട്ടൻ നോക്കിയിട്ട് അവൻ നന്നായില്ലല്ലോ..? ഇനി ഞാൻ ശ്രമിച്ചാൽ അവൻ നേരെയാകുമെന്ന് ചേട്ടന് തോന്നുന്നുണ്ടോ… ?’”

ഇതിപ്പോ ആ മൈരൻ കല്യാണം കഴിച്ചതിന് കുടുങ്ങുന്നത് താനാണല്ലോ എന്ന് ദാസന് തോന്നി.

“ഞാനെന്താ നിന്നോട് പറയാ…?
ഒന്നുമാലോചിക്കാതെ വിവാഹം റെജിസ്ട്രർ ചെയ്യാൻ