Chapter Title : കുളിരിൽ വിരിയുന്ന കനൽ പൂവ് 1 [സ്പൾബർ]

പോലൊരു ശബ്ദം കേട്ട് അവൾ ഹാളിലേക്ക് വന്ന് ജനലിലൂടെ നോക്കി.

വിനോദിന്റെ ചേട്ടൻ ബൈക്ക് നിർത്തിയിറങ്ങുന്നു. അവൾ വേഗം മുൻവാതിൽ തുറന്നു.

മുറ്റത്തേക്ക് വേറൊരു വണ്ടി വരുന്നത് കണ്ട് ഷിഫാന നോക്കി.
ഒരു പിക്കപ്പ് ജീപ്പ്… അതിൽ മൂന്നാല് ആളുകളും നിറയെ സാധനങ്ങളും.
വണ്ടിയിൽ വന്ന ആളുകളെയെല്ലാം ചേട്ടൻ അകത്തേക്ക് വിളിച്ചു.
പിന്നെ ചേട്ടന്റെ മുറിയിലുണ്ടായിരുന്ന മുഴുവൻ സാധനങ്ങളും ഹാളിലേക്ക് പിടിവച്ചു.

ഷിഫാനക്ക് ഒന്നും മനസിലായില്ലെങ്കിലും അവൾ വേഗം ചെന്ന് വിനോദിനെ വിളിച്ചു. അവൾ എത്രവിളിച്ചിട്ടും അവൻ എഴുന്നേൽക്കാൻ കൂട്ടാക്കിയില്ല.
ഏട്ടൻ വന്നിട്ടുണ്ടെന്നും എന്തൊക്കെയോ സാധനങ്ങൾ കൊണ്ടുവന്നിട്ടുണ്ടെന്നും ഒക്കെയവൾ പറഞ്ഞ് നോക്കി.
‘ അയാൾക്ക് വട്ടാണ് എന്ന് മാത്രം പറഞ്ഞ് അവൻ തിരിഞ്ഞ് കിടന്നു.

അവൾ ദേഷ്യത്തോടെ അവനെ നോക്കി പുറത്തിറങ്ങി.
അപ്പോഴേക്കും വണ്ടിയിൽ നിന്ന് പുതിയൊരു കട്ടിലിറക്കി മുറിയിലേക്കിട്ടിരുന്നു.

“എവിടെടീ നിന്റെ കെട്ട്യോൻ…?”

പരുങ്ങി നിൽക്കുന്ന ഷിഫാനയെ കണ്ട് ദാസൻ ചോദിച്ചു.

“ഏട്ടൻ… ഉറങ്ങുകയാ… വിളിക്കണോ ?”

ചമ്മലോടെ അവൾ ചോദിച്ചു.

“അയ്യോ വേണ്ട… ഉറങ്ങിക്കോട്ടെ പാവം..”

അതിലൊരു പരിഹാസമുണ്ടെന്ന് ഷിഫാനക്ക് തോന്നി.

എല്ലാം റെഡിയാക്കി വന്നവർ വണ്ടിയുമായി പോയി.

“എടീ മോളേ,.. ഇവിടെ വാടീ..’”

അടുക്കള വാതിലിൽ നഖംകൊണ്ട് ചുരണ്ടി ചമ്മലോടെ നിന്ന ഷിഫാന ചേട്ടന്റെ വിളികേട്ട് വേഗം ഹാളിലേക്ക് വന്നു.

“ ഇവിടെ വന്നിരിക്ക്..?’’

അടുത്തുള്ള സെറ്റി ചൂണ്ടി ദാസൻ പറഞ്ഞു.

ഷിഫാന ബഹുമാനത്തോടെ ഇരുന്നു.
അവൾക്ക് ചില കാര്യങ്ങളൊക്കെ മനസിലായി വരുന്നുണ്ടായിരുന്നു.

“നിന്നെ വീട്ടിലെന്താ വിളിക്കാറ്..?’”

“ എനിക്ക്… അങ്ങിനെ… വിളിപ്പേരൊന്നുമില്ല…”

ഇവളുടെ സംസാരം തന്നെ കൊഞ്ചലാണെന്ന് ദാസന് തോന്നി.

“എന്നാ ഇനിയത് പോര.. ഞാൻ നിന്നെ അമ്മൂന്ന് വിളിക്കും.. നിനെക്കെന്തെങ്കിലും ബുദ്ധിമുട്ടുണ്ടോ..?”

ഷിഫാന അൽഭുതത്തോടെ അവന്റെ മുഖത്തേക്ക് നോക്കി.
തനിക്കൊരു വിളിപ്പേരോ….?
ഒരുപാട് കൊതിച്ചിട്ടുണ്ട്.. ചേട്ടനിട്ട പേര് അവൾക്ക് ശരിക്കും ഇഷ്ടമായി.

അമ്മു…

അവൾ നിറഞ്ഞ കണ്ണുകളോടെ ദാസനെ നോക്കി.നന്ദിയോടെയും…

“ഇനി മുതൽ നിങ്ങൾ ആ റൂമിൽ കിടന്നാൽ മതി… കട്ടിലും, അലമാരയും, ബെഡുമൊക്കെ പുതിയത് വാങ്ങിയിട്ടുണ്ട്.. ബാത്ത്റൂമുള്ളതും ആ മുറിയിലാണ്.. നിന്റെ സാധനങ്ങളൊക്കെ അങ്ങോട്ട് വെച്ചോ..”

ഷിഫാനക്കൊന്നും വിശ്വസിക്കാനാവുന്നില്ല..
ഇങ്ങിനെയൊന്നുമല്ല വിനോദേട്ടൻ ചേട്ടനെ കുറിച്ച് പറഞ്ഞത്.
ആളൊരു മുരടനാണ്.. ദേഷ്യക്കാരനാണ്.. തൊട്ടതിനും പിടിച്ചതിനുമെല്ലാം ചീത്തപറയും..
അയാളോട് സംസാരിക്കാൻ പോവരുത് എന്നുകൂടി തന്നോട് പറഞ്ഞിട്ടുണ്ട്..

പക്ഷേ, താൻ കേട്ടതിന് നേർവിപരീതമാണ് സംഭവിക്കുന്നത്.വളരെ മാന്യനായ, സ്നേഹമുള്ളൊരു മനുഷ്യൻ.

“ചേട്ടൻ… ചേട്ടനിനി എവിടെയാ കിടക്കുന്നേ..?”

മെല്ലെ മുഖമുയർത്തി