Chapter Title : മാന്ത്രിക നിലാവിലെ പെണ്ണടയാളങ്ങൾ 4 [Shan1994]

വലിയ വിഷമമായിരുന്നു. നിന്നെ ചങ്ങലക്കിട്ട്, താടിയും മുടിയും വളർന്ന് ഈ രൂപത്തിൽ കാണാൻ അവർക്ക് തീരെ വയ്യായിരുന്നു. അതുകൊണ്ട് പിന്നെ വരുന്നത് കുറഞ്ഞു.

എങ്കിലും അവർ എപ്പോഴും ഫോണിൽ വിളിച്ച് നിന്റെ വിവരങ്ങൾ തിരക്കാറുണ്ടായിരുന്നു. നീ ഉണർന്ന വിവരം ഡോക്ടർ പറഞ്ഞപ്പോൾ തന്നെ ഞാൻ അവരെയും വിളിച്ചറിയിച്ചിട്ടുണ്ട്.

ഞാൻ : ഉമ്മ തനും വും നെജു എളമയും ഒക്കെ??

ഉമ്മ :എളാമ ട്രിവാൻഡ്രം ഉണ്ട് തനു ഇപ്പോൾ അവളുടെ ഹസ്ബൻഡ് കൂടെ ദുബായിൽ ആണ്

​ഷെറിന്റെ കാര്യം ചോദിക്കാൻ എന്റെ നാവ് പൊന്തിയില്ല. ആ പേര് വീണ്ടും ഒരു വേദനയായി ഈ മുറിയിൽ നിറയരുതെന്ന് ഞാൻ ആഗ്രഹിച്ചു. ആ മരണത്തിന് ശേഷം നാട്ടുകാരുടെയും പോലീസിന്റെയും പ്രതികരണം എന്തായിരുന്നു എന്ന് ചോദിക്കാൻ എനിക്ക് ഭയമായിരുന്നു.

ഞാൻ മൗനമായി ഇരുന്നു.

​അങ്ങനെ പഴയ കാര്യങ്ങൾ സംസാരിച്ചിരിക്കെ ഉച്ചയായി. ഡോക്ടർ വന്ന് ഉപ്പയോടും ഉമ്മയോടും എന്റെ കാര്യങ്ങൾ വിശദമായി സംസാരിച്ചു. ഒരാഴ്ച കൂടെ കഴിഞ്ഞാൽ പൂർണ്ണമായും ഡിസ്ചാർജ് ചെയ്ത് എന്നെ വീട്ടിലേക്ക് കൊണ്ടുപോകാമെന്ന് ഡോക്ടർ അവരോട് ഉറപ്പിച്ചു പറഞ്ഞു.

ആ വാക്കുകൾ ഉപ്പയുടെയും ഉമ്മയുടെയും മുഖത്ത് വലിയൊരു ആശ്വാസം നൽകി.

​ആശുപത്രിയിലെ ആ ഒരാഴ്ചക്കാലം എന്നെ സംബന്ധിച്ച് ഒരു പുതിയ ലോകത്തേക്കുള്ള കാൽവെപ്പായിരുന്നു. പകലുകളിൽ ഉപ്പയും ഉമ്മയും ഒക്കെയായി സമയം വേഗത്തിൽ കടന്നുപോയി. എന്നാൽ രാത്രികളിലെ നിശ്ശബ്ദതയിൽ, ആ വാർഡിലെ കട്ടിലിൽ ഉറങ്ങാൻ കിടക്കുമ്പോൾ എന്നെത്തേടി ചില സ്വപ്നങ്ങൾ വന്നുകൊണ്ടിരുന്ന.

​ആദ്യത്തെ കുറച്ചു ദിവസങ്ങളിൽ എന്റെ സ്വപ്നങ്ങളിൽ ഷെറിൻ ആയിരുന്നു. പഴയതുപോലെ ദേഷ്യത്തോടെയോ സങ്കടത്തോടെയോ അല്ല അവൾ ആ സ്വപ്നങ്ങളിൽ വന്നത്.