Chapter Title : മാന്ത്രിക നിലാവിലെ പെണ്ണടയാളങ്ങൾ 4 [Shan1994]

... ഞാൻ ചോദിക്കാൻ വിചാരിക്കുകയായിരുന്നു, നമുക്കിനി നിനക്കൊരു കല്യാണം  നോക്കണ്ടേ?"

​ആ ചോദ്യം കേട്ട് ഞാൻ ശരിക്കും ഞെട്ടിപ്പോയി. ഞാൻ ഉമ്മയുടെ മുഖത്തേക്ക് തന്നെ നോക്കി. കല്യാണം! ആ വാക്ക് കേട്ടതും എന്റെ ഭൂതകാലം, എന്റെ അസുഖം, ഷെറിൻ... അതൊക്കെ എന്റെ മനസ്സിലേക്ക് ഓടിയെത്തി. വല്ലാത്തൊരു വിറയൽ എന്നെ പിടികൂടി

​ഞാൻ: "അത് വേണോ ഉമ്മാ...? എനിക്കതിന് പറ്റുമെന്ന് എനിക്ക് തോന്നുന്നില്ല..."

​എന്റെ ശബ്ദം നേരിയതായി ഇടറുന്നുണ്ടായിരുന്നു.

​ഉമ്മ: "അതൊന്നും ഓർത്ത് നീ പേടിക്കണ്ട മോനെ. എല്ലാം ശരിയാകും. നിനക്കിനി ഒരു കൂട്ട് വേണം. ഞങ്ങൾ പതിയെ അന്വേഷിച്ചു തുടങ്ങുന്നുണ്ട്."

​ഞാൻ മറുപടിയൊന്നും പറഞ്ഞില്ല. എന്റെ ഉള്ളിൽ വല്ലാത്തൊരു ആശങ്ക നിറഞ്ഞിരുന്നു. എന്റെ കഴിഞ്ഞ കാലം അറിയുന്ന ആരെങ്കിലും എന്നെ സ്വീകരിക്കുമോ? ഞാൻ കാറിന്റെ കാർ ഓടിക്കുന്നതിൽ ശ്രദ്ധ കേന്ദ്രീകരിച്ചു. ,.

എന്റെ ചിന്തകൾ ഉത്തരം കിട്ടാത്ത ഒരുപാട് ചോദ്യങ്ങളുമായി വീണ്ടും പഴയ ജീവിതത്തിലേക്കും, എന്നെ കാത്തിരിക്കുന്ന പുതിയൊരു ഭയത്തിലേക്കും നീളുകയായിരുന്നു...

കല്യാണാലോചനകൾ അങ്ങനെ സജീവമായി തുടങ്ങി. ഉമ്മ ഇടയ്ക്കിടെ ഓരോ കുട്ടികളുടെ ഫോട്ടോ എനിക്ക് വാട്സാപ്പിൽ അയച്ചുതരികയും, അവരെക്കുറിച്ചുള്ള വിവരങ്ങൾ വാചാലയായി പറയുകയും ചെയ്തു. പക്ഷേ, ഞാൻ അതിനൊന്നിനും ഒരു മറുപടിയും കൊടുത്തിരുന്നില്ല.

​ആ ഫോട്ടോകളിലേക്ക് നോക്കുമ്പോഴെല്ലാം എന്റെ മനസ്സിൽ വല്ലാത്തൊരു ഭയമായിരുന്നു. എന്റെ കഴിഞ്ഞ കാലം... എന്റെ അസുഖം... അതൊന്നും അറിയാത്ത, ഒരുപാട് സ്വപ്നങ്ങളുള്ള ഒരു പെൺകുട്ടിയുടെ ജീവിതം കൂടി ഞാൻ കാരണം തകരരുത് എന്ന് ഞാൻ ആത്മാർത്ഥമായി ആഗ്രഹിച്ചു. അതിലുപരി, ഷെറിൻ അല്ലാതെ മറ്റൊരു പെൺകുട്ടിയെ എന്റെ ജീവിതത്തിലേക്ക് സങ്കൽപ്പിക്കാൻ പോലും എനിക്കപ്പോൾ