Chapter Title : മഴനീർതുള്ളികൾ 5 [Anamika]

വായിൽ വിരലിട്ട് നോക്കണ്ട ഒരുത്തീം തൊണ്ടേൽ കുഴലിട്ട് നോക്കണ്ട ഒരമ്മേം…..കണക്കിന് കൊള്ളാം….“

ചിന്നുവിന് കേട്ടിട്ട് ചൊറിഞ്ഞാണ് വരുന്നത്…..

അല്ലേലും ഇവരുടെ രണ്ടിന്റേം ഈ ഓച്ചിഴയുമ്പോലുള്ള ആക്ഷൻസും സമാധാനപ്രേമോം ഒന്നും അവൾക്കു പിടിക്കില്ല….ഹരിയെപ്പോലെ വെട്ടൊന്ന് തുണ്ടം രണ്ട് കേസ്‌ മാത്രേ ചിന്നു പിടിക്കൂ….

ബസിന്റെ ഹോൺ കേട്ടതും ആ സംഭാഷണമവിടെ മുറിഞ്ഞു….

പോകുന്ന വഴിക്ക് ബസ്സിലും പിന്നെ ക്ലാസ്സിൽ ഇരിക്കുമ്പോഴുമെല്ലാം ഹരിയെക്കുറിച്ച് തന്നെ ആയിരുന്നു ചിന്ത…

ബ്രേക്ക്‌ടൈമിൽ മെസ്സേജ് അയച്ചുനോക്കി സിംഗിൾ ടിക്ക് വീണിട്ടുള്ളൂ…അപ്പോ ഉറക്കം കഴിഞ്ഞിട്ടില്ല….

ഉച്ച കഴിഞ്ഞ് രണ്ട് അവർ hod യുടേതാണ്…സർ ആണേൽ ലീവും….

പിന്നുള്ള ഒരു അവർ പോട്ടെന്നു വച്ചു അമ്മു ഉച്ചയ്ക്ക് ഇറങ്ങി….

ടൗണിൽ ഇറങ്ങി അടുത്ത ബസ് കയറുന്നതിനിടയ്ക്ക് ഉള്ള സമയം ഒരു അങ്ങാടിക്കടയിൽ കയറി കറ്റാർവാഴയും വാങ്ങി….

ഗൂഗിളിൽ കണ്ട ടിപ്പൊന്നു പരീക്ഷിച്ചുനോക്കാൻ…..

ആക്കൂട്ടത്തിൽ കണ്ട നല്ല തളിർവെറ്റിലയും കൂരടക്കയും ഒരു പൊതി വാങ്ങി….വീട്ടിലുള്ള മുറുക്കാൻ ഫാക്ട്ടറിക്ക് ഡീസൽ അടിക്കാൻ….

വീട്ടിലെത്തിയ വഴി തിണ്ണയിലെ കസേരയിൽ ഇരുന്നിരുന്ന പങ്കുവിന്റെ അടുത്ത് ആ മുറുക്കാൻ പൊതിവച്ചു അമ്മു അകത്തേക്ക് കയറിപ്പോയി….

പോകുന്ന പോക്കിൽ അച്ഛമ്മയ്ക്കാ എടുത്തൊന്നും പറഞ്ഞു വേഗം മുറിക്കുള്ളിലേക്ക് കയറി….

നല്ലത്‌ പറഞ്ഞാലും ചീത്ത പറഞ്ഞാലും രണ്ടായാലും സാരല്ല എന്നാ മട്ടിൽ….

പക്ഷേ ക്ലാസും കളഞ്ഞു എന്തിനുവേണ്ടിയാണോ ഓടിപിടിച്ചുവന്നത് ആ മുതല് പോയിട്ട് അവന്റെ പൂട പോലും ആ മുറീലോ വീടിനകത്തോ ഇല്ല……

അമ്മു ബാത്‌റൂമിലും വീടിന് ചുറ്റും നോക്കി….

ങേഹേ…….

അവസാനം അവന്റെ ഫോണിലേക്ക് വിളിച്ചുനോക്കുമ്പോൾ അത് റൂമിലിരുന്ന് അടിക്കുന്നു….

അമ്മു പല്ല് ഞെരിച്ചു…..

ഊരുതെണ്ടാൻ പോയിട്ടുണ്ടാകും….