Chapter Title : നിധിയുടെ കാവൽക്കാരൻ 10 [കാവൽക്കാരൻ]

നിൽക്കുന്നത് വരെ ഞാൻ വെറുതെ നോക്കിയിരുന്നു.

​മിക്കവാറും ഞങ്ങളെ കാണാത്തതുകൊണ്ട് വഴിയറിയാൻ വേണ്ടി വിളിച്ചതായിരിക്കും.

​ഞാനിപ്പോൾ ഫോണെടുത്താൽ പിന്നെ അവന്മാർക്ക് വേണ്ടി കാത്തുനിൽക്കേണ്ടി വരും. അവന്മാർ വന്നാൽ പിന്നെ പറയുകയും വേണ്ട, എനിക്ക് ഇപ്പോൾ കിട്ടിക്കൊണ്ടിരിക്കുന്ന ഈ സ്വർഗ്ഗതുല്യമായ സുഖം അതോടെ അവസാനിക്കും...

​അതുകൊണ്ട് എന്ത് ചെയ്യണം എന്നാലോചിച്ച് ഞാൻ സംശയിച്ചു നിൽക്കുമ്പോഴേക്കും നിധി ബൈക്ക് സൈഡിലേക്ക് ഒതുക്കി നിർത്തിയിരുന്നു.

​"ആരാ ദേവാ അത്...?"

​ഹെൽമെറ്റിന്റെ വൈസർ പൊക്കിക്കൊണ്ട് അവൾ ചോദിച്ചു.

​"രാഹുലാ...."

​ഞാൻ വലിയ താൽപ്പര്യമില്ലാത്ത മട്ടിൽ മറുപടി നൽകി.

​"എന്നിട്ട് നീയെന്താ എടുക്കാഞ്ഞേ...?"

​ഒരു പുരികം പൊക്കിക്കൊണ്ട്, അല്പം ഗൗരവത്തോടെ അവൾ ചോദിച്ചു.

അവളുടെ ആ ചോദ്യത്തിൽ എന്നെ പരീക്ഷിക്കുന്ന എന്തോ ഒന്ന് ഒളിഞ്ഞിരിപ്പുണ്ടായിരുന്നു.

​"എടുക്കണോ....?"

​ഞാൻ തിരിച്ചു ചോദിച്ചു.

പക്ഷേ, ആ ചോദ്യത്തേക്കാൾ ഉപരി എന്റെ ശബ്ദത്തിലുണ്ടായിരുന്ന നിരാശയായിരുന്നു മുന്നിട്ടു നിന്നത്.

വേണ്ട എന്ന് പറയണേ എന്നൊരു അപേക്ഷ ആ ചോദ്യത്തിലുണ്ടായിരുന്നു.

​എന്റെ ആ മുഖഭാവവും ശബ്ദത്തിലെ ഇടർച്ചയും കണ്ടതും, എന്റെ മനസ്സ് അവൾക്ക് കൃത്യമായി വായിക്കാൻ കഴിഞ്ഞു.

​അവളുടെ മുഖത്ത് മെല്ലെ ഒരു കള്ളച്ചിരി വിരിഞ്ഞു.

അത് എന്റെ ഉള്ളിലെ ആഗ്രഹത്തിനുള്ള പച്ചക്കൊടിയായിരുന്നു.

​"എങ്കിലെടുക്കണ്ട...."

​വളരെ നിസ്സാരമായി അത് പറഞ്ഞുകൊണ്ട് അവൾ വീണ്ടും ആക്സിലറേറ്റർ കൊടുത്തു. വണ്ടി പഴയതിലും ശക്തിയിൽ മുന്നോട്ട് കുതിച്ചു...

പെട്ടെന്നാണ് മെയിൻ റോഡിൽ നിന്നും വിജനമായ ആ ഇടവഴിയിലേക്ക് വണ്ടി തിരിഞ്ഞത്.

​അതൊരു തുടക്കമായിരുന്നു... എന്റെ ഉള്ളിലെ മൃഗം പൂർണ്ണമായി ഉണർന്ന നിമിഷം!

​എനിക്കായി അവൾ നൽകുന്ന പച്ചക്കൊടി പോലെ, ചീറിപ്പാഞ്ഞിരുന്ന ബുള്ളറ്റിന്റെ വേഗത അവൾ പെട്ടെന്ന്