Chapter Title : നിധിയുടെ കാവൽക്കാരൻ 28 [കാവൽക്കാരൻ]

നടക്കാൻ തുടങ്ങി. എന്നാൽ ആ പാറയുടെ അടുത്തേക്ക് എത്തുന്തോറും അവരുടെ കാലടികളുടെ വേഗത അറിയാതെ കുറഞ്ഞു.

ദൂരെ എവിടെനിന്നോ എന്തിന്റെയോ ഒരു അസാധാരണമായ ശബ്ദം തങ്ങൾക്ക് നേരെ വരുന്നത് റോസ് ശ്രദ്ധിച്ചു. അവൾ പെട്ടെന്ന് കൃതികയുടെ കൈകളിൽ മുറുകെ പിടിച്ചു. രണ്ടുപേരുടെയും നടത്തം നിശ്ചലമായി.

ഇരുവരും ശ്വാസമടക്കിപ്പിടിച്ച് ആ ഇരുട്ടിലേക്ക് കാതുകൂർപ്പിച്ചു. കാറ്റിന്റെ ദിശയിലൂടെ ആ ശബ്ദം അവർക്ക് കൂടുതൽ വ്യക്തമായി കേട്ടുതുടങ്ങി. അതൊരു വാഹനത്തിന്റെ എഞ്ചിൻ ഇരമ്പലായിരുന്നു!

എന്നാൽ ഒന്നുകൂടി ശ്രദ്ധയോടെ കേട്ടപ്പോൾ അവരുടെ നെഞ്ചിടിപ്പ് വല്ലാതെ വർദ്ധിച്ചു. അത് ഒരു കാറിന്റെ ശബ്ദം മാത്രമായിരുന്നില്ല... മറിച്ച്, വലിയൊരു വാഹനവ്യൂഹം തന്നെ ആ പാതയിലൂടെ തങ്ങൾക്ക് നേരെ പാഞ്ഞടുക്കുന്നതിന്റെ ഭയാനകമായ കൂട്ടമുരൾച്ചയായിരുന്നു അത്!

ഒന്നല്ല, നിരവധി കാറുകൾ അങ്ങോട്ടേക്ക് വരുന്നുണ്ട്! അപകടം മണത്ത കൃതികയുടെ കണ്ണുകൾ വിടർന്നു.

അടുത്ത നിമിഷം, ഇരുളിൽ നിന്നും പാഞ്ഞുവരുന്ന ആ വാഹനങ്ങളുടെ വലിയ ഹെഡ്ലൈറ്റ് വെളിച്ചങ്ങൾ മരങ്ങൾക്കിടയിലൂടെ അങ്ങോട്ടേക്ക് പതിക്കുന്നതിന് തൊട്ടുമുൻപായി, അവർ രണ്ടുപേരും അതിവേഗം ആ വലിയ പാറയുടെ പിന്നിലേക്ക് ഓടിയൊളിച്ചു.

ശ്വാസം പോലും പുറത്തുവിടാതെ, വരാൻ പോകുന്നതെന്താണെന്നറിയാതെ അവർ ആ പാറയോട് ചേർന്നിരുന്ന് പുറത്തേക്ക് ഉറ്റുനോക്കി....

പാറയുടെ മറവിൽ ശ്വാസമടക്കിപ്പിടിച്ചിരുന്ന റോസിന്റെയും കൃതികയുടെയും മുന്നിലേക്ക്, ടയറുകൾ ഉരയുന്ന കാതടപ്പിക്കുന്ന ശബ്ദത്തോടെ ആ വാഹനവ്യൂഹം പാഞ്ഞെത്തി. ലാൻഡ് റോവർ ഡിഫെൻഡറുകൾ ഉൾപ്പെടെയുള്ള നീണ്ട കറുത്ത കാറുകൾ ഒട്ടും ക്രമമില്ലാതെ, ആ മലമ്പാത പൂർണ്ണമായും അടച്ചുകൊണ്ട് കുറുകെ നിർത്തിയിട്ടിരിക്കുകയാണ്.

വാഹനങ്ങളുടെ ഇരമ്പൽ നിലച്ചതും, പിന്നിൽ കിടന്നിരുന്ന കാറുകളുടെ വാതിലുകൾ ഒന്നിനുപുറകെ ഒന്നായി തുറക്കപ്പെട്ടു. കറുത്ത സ്യൂട്ടും നീളൻ കോട്ടും ധരിച്ച