Chapter Title : ?രാവണചരിതം 1 [LOVER]

അതിലൊക്കെ ഞാൻ പിടിച്ച് നിന്നത് അജു..., അവൻ എന്റെ കൂടെ ഉണ്ടെന്നുള്ള ഒറ്റ ബലത്തിലായിരുന്നു........ ഒരുപക്ഷെ അവൻ എന്റെ കൂടെ ഇല്ലായിരുന്നെങ്കിൽ , എന്നെ തനിച്ചാക്കാൻ അവൻ കൂടെ ബാക്കിയുള്ളവരുടെ ചേർന്നിരുന്നെങ്കിൽ ചിലപ്പോൾ ഞാൻ ആർക്കും വേണ്ടാത്ത ഈ പാഴ്ജീവൻ എന്നെന്നേക്കുമായി അവസാനിപ്പിച്ചേനെ........ "" എന്നിലെ രാവണന്റെ ഉദയത്തിനു മുന്നേ ഒരു കാലം ഉണ്ടായിരുന്നു... "" ശ്രീരാമന്റെ പോലെ , എല്ലാവർക്കും ഞാൻ പ്രിയപ്പെട്ടവനായിരുന്ന കാലം.... ......... """ " ആലഞ്ചേരിൽ പ്രഭാകരന്റെയും , ഭാര്യ രാധികാ പ്രഭാകരന്റെയും ആദ്യത്തെ മകൻ ആയി ജനിച്ചു... "" രഞ്ജിത്ത്.. പങ്കെടുക്കുന്ന എല്ലാ യുദ്ധങ്ങളിലും വിജയം വരുന്നവൻ , എന്നും അർത്ഥമുണ്ട്... തന്റെ മകൻ ജീവിതത്തിലെ എല്ലാ യുദ്ധങ്ങളിലും വിജയിക്കണം എന്ന തീർച്ചയോടെയാണ് ആ മാതാപിതാക്കൾ എനിക്കാ പേരിട്ടത്... " RED SEA എന്ന ഫൈവ് സ്റ്റാർ ഹോട്ടൽ സ്വന്തമായി പടുത്തുയർത്തി വിജയകരമായി നോക്കി നടത്തുകയായിരുന്നു അച്ഛൻ പ്രഭാകരൻ.., കർക്കശക്കാരൻ ആയിരുന്നെങ്കിലും എന്റെ ഒട്ടുമിക്ക എല്ലാ ആഗ്രഹത്തിനും കൂട്ട് നിന്നിരുന്നു അച്ഛൻ.. " പേര് പോലെ തന്നെ ജീവിതത്തിൽ ഇതുവരെ പങ്കെടുത്ത എല്ലാ മേഖലകളിലും വിജയം.., സ്കൂളിൽ പഠിപ്പിൽ ഒന്നാമൻ , കാൽപ്പന്തു കളിയിൽ കേമൻ... ചെസ്സ് കളിയിൽ മാസ്റ്റർ... എല്ലാത്തിലും ഉപരി ആരും ഇഷ്ടപ്പെട്ടുപോകുന്ന നല്ല പെരുമാറ്റവും സംസാരവും ഇതായിരുന്നു ഞാൻ..

11 ആമത്തെ വയസ്സിൽ വൈകിയാണെങ്കിലും എന്നെ എട്ടാന്ന് വിളിക്കാൻ ആരുമില്ലല്ലോ എന്ന എന്റെ സങ്കടം തീർക്കാൻ അവൻ ജനിച്ചു..... " വിനയ്... "ഞങ്ങടെ വിനു... " ...... പാലുകുടിക്കുന്ന സമയത്തൊഴികെ ഏത് നേരവും എന്റെ തോളിൽ കിടന്നാ അവൻ വളർന്നത്... കുഞ്ഞുന്നാളിൽ കരയുമ്പോ അമ്മ അവനെ വാരിയെടുത്ത് തോളിൽ ചാഴ്ച് താരാട്ട് പാടുമ്പോൾ പോലും അവൻ കരച്ചില് നിർത്തില്ല , ഈ ഏട്ടൻ എടുത്താലേ അവൻ കരച്ചിലടക്കൂ.... "" വളര്ന്നു 9 വയസ്സായിട്ടും അതേ സ്വഭാവം തന്നെ, എന്തിനും ഏതിനും ഏട്ടൻ വേണം അവന്... പോത്ത് പോലെ വളർന്നിട്ടും ഏട്ടനെ ഒപ്പമേ കിടക്കൂ എന്ന് അമ്മ അവനെ കളിയാക്കുo, അവനതൊന്നും പ്രശ്നമായിരുന്നില്ല ... ആരെന്തൊക്കെ പറഞ്ഞാലും ,