Chapter Title : ?രാവണചരിതം 2 [LOVER]

സാറും .

"" തെളിവുകൾ ഒക്കെ എനിക്കെതിരായതു കൊണ്ട് , ഒടുവിൽ ആ മുഷിഞ്ഞ അടിവസ്ത്രവും , ആ ഫൈബർ ലിംഗവും , പിന്നെ ഫോട്ടോസും എന്റെ കൈകൾ കൊണ്ട് തന്നെ ബാഗിലേക്ക് വെക്കേണ്ടി വന്നു.. അതും എന്റെ സ്വന്തം ബാഗിലേക്ക് ......

"" ഞാൻ ക്ലാസ്സിൽ നിന്ന് ഇറങ്ങി നടക്കുമ്പോഴും എല്ലാരും ഏതോ പുഴുത്ത ജീവിയെ കണ്ടപോലെ നോക്കുന്നുണ്ടായിരുന്നു.....

" എന്നെ അയാളുടെ ഓഫീസിന്റെ വെളിയിലുള്ള കസേരയിൽ മണിക്കൂറുകളോളം അയാളിരുത്തി..

" ചെവിയിൽ മൊത്തത്തിൽ ഒരു മൂളക്കം മാത്രം, കേൾക്കാം , ശരീരം മൊത്തം ഒരു മരവിപ്പ് , കരഞ്ഞു കരഞ് കണ്ണൊക്കെ വീർത്തിരിക്കുന്നു.. എനിക്ക് മുന്നിലൂടെ നടന്ന് പോകുന്ന സാറുമ്മാരൊക്കെ എന്നെ നോക്കി ചിരിക്കുന്നു......

" ആ വാർത്ത ഇതിനോടകം , കാട്ടു തീ പോലെ കോളേജ് മൊത്തം പടർന്നു....

" ടാ ... നിന്നെ സാർ അകത്തേക്ക് വിളിക്കുന്നു.......... "" പ്യൂണിന്റെ ഈ ഒച്ചയാണ് എല്ലാരുടെയും പുച്ഛത്തോടെയുള്ള നോട്ടം സഹിക്കാനാവാതെ തളർന്നു സ്വന്തം മടിയിൽ തലവെച്ചു കിടന്ന എന്നെ ഉണർത്തിയത് ....

"" ഒരു യന്ത്രത്തെ പോലെ ഞാൻ അയാളുടെ റൂമിലേക്ക് കേറി.........

" അകത്തേക്ക് എടുത്ത് വച്ച കാല് അവിടിരിക്കുന്ന ആളെ കണ്ടപ്പോ അവിടെ ഉറച്ചു പോയി........

" അച്ഛൻ...... ""

" ആ കാട്ടാളൻ ഇതിനകം അച്ഛനെ വിളിച്ചു വരുത്തിയിരുന്നു .. ഞാൻ തളർന്ന് കിടന്നതു കൊണ്ട് അച്ഛൻ അകത്തേക്ക് കേറിയത്‌ കണ്ടുമില്ല.....

"" ഞാൻ മുന്നോട്ട് ഒരു പടി എടുത്തു വക്കാൻ കഴിയാതെ ആ ഭിത്തിയും ചാരി നിന്നു.....