Chapter Title : രതിശലഭങ്ങൾ മഞ്ജുസും കവിനും 15 [Sagar Kottapuram]

അടുത്തേക്ക് ചെന്നിരുന്നു .

കുളിക്കാൻ പോകുമ്പോൾ അവൾ അഴിച്ചിട്ട മുഷിഞ്ഞ വസ്ത്രങ്ങളെല്ലാം ചുരുട്ടിക്കൂട്ടി ബെഡിൽ ഇട്ടിട്ടുണ്ട് . ഞാൻ ചെന്നിരുന്നതിനു അടുത്തായി അതും കിടപ്പുണ്ട്. സാമാന്യം നല്ല വിയർപ്പിന്റെ മണം ആ തുണികളിൽ നിന്നും ഉയരുന്നുണ്ട് .

"ഇതെന്താ ഈ നേരത്തൊരു കുളി ?" അവളുടെ നിൽപ്പ് നോക്കി ഞാൻ സംശയത്തോടെ ചോദിച്ചു .

"കോളേജ് വിട്ടു വന്നതും നേരെ ഇങ്ങു പോരുവായിരുന്നു , അവിടന്ന് കുളിക്കാനൊന്നും നിന്നില്ല. " മഞ്ജുസ് ഒഴുക്കൻ മട്ടിൽ പറഞ്ഞു തോർത്ത് റൂമിലിരുണ്ടായിരുന്ന അഴയിൽ വിരിച്ചിട്ടു . പിന്നെ എന്റെ അടുത്തായി ബെഡിൽ വന്നിരുന്നു .

നല്ല സോപ്പിന്റെയും ഷാംപൂവിന്റെയുമൊക്കെ മണം അവൾ അടുത്ത് വന്നപ്പോൾ എനിക്ക് അനുഭവപ്പെട്ടു .

"അച്ഛനോട് സംസാരിച്ചോ ?" മഞ്ജുസ് എന്റെ തോളിൽ കയ്യിട്ടിരുന്നു പതിയെ തിരക്കി .

"പിന്നെ സംസാരിക്കാതെ..ഞങ്ങളിപ്പോ പുറത്തൊക്കെ പോയി വന്നതേയുള്ളു ..' ഞാൻ ഒഴുക്കൻ മട്ടിൽ പറഞ്ഞു അവളെ നോക്കി .

"മ്മ്...എന്ന ഞാൻ പോയിട്ട് അച്ഛനെ ഒന്ന് കാണട്ടെ ..ആള് അടിയിൽ ഇല്ലേ ?' അവൾ എന്നെ ചോദ്യ ഭാവത്തിൽ നോക്കി .

"മ്മ്..ഉണ്ട് ഉണ്ട് .." ഞാൻ ചിരിയോടെ പറഞ്ഞു .

"ആഹ്..എന്ന ഞാൻ ഒന്ന് മുഖം കാണിച്ചിട്ട് വരാം " മഞ്ജുസ് പറഞ്ഞു കൊണ്ട് ബെഡിൽ നിന്നും എഴുനേറ്റു .

"നിക്ക് ഞാനും വരാം ..അല്ലാതെ ഇവിടെ ഇരുന്നിട്ടിപ്പോ എന്താ " ആരോടെന്നില്ലാതെ പറഞ്ഞു ഞാനും അവൾക്കൊപ്പം ഇറങ്ങി . പോണ വഴിക്ക് അവളുടെ കഴുത്തിൽ കൈചുറ്റി ഞാൻ ആ കവിളിൽ ഒന്നമർത്തി ചുംബിച്ചു .