Chapter Title : രതിശലഭങ്ങൾ മഞ്ജുസും കവിനും 15 [Sagar Kottapuram]

മഞ്ജുസ് പറഞ്ഞു .

"ഉവ്വ ഉവ്വ ..നിന്നെ സഹിക്കുന്നെന് ഈ പാവത്തിന് വല്ലോം കൊടുക്കണം .." കൂട്ടത്തിലൊരുത്തി മഞ്ജുസിനെ കളിയാക്കികൊണ്ട് പറഞ്ഞു .

"അതെ അതെ ..ഇവളുടെ പിച്ചലും മാന്തലും ഒക്കെ ഇപ്പഴും ഉണ്ടാവും അല്ലെ കവിനെ ?" മഞ്ജുസിന്റെ സ്വഭാവം അറിയാവുന്ന പോലെ ഒരുത്തി എന്നോടായി ചോദിച്ചു .അതുകേട്ടപ്പോൾ എനിക്കും അത്ഭുതമായി .

"ആഹ് ..ഏറെക്കുറെ .." ഞാൻ ആ ചോദ്യത്തിന് ചിരിയോടെ മറുപടി പറഞ്ഞതും അവർ പൊട്ടിച്ചിരിച്ചു .

"ഹ ഹ ..ഇപ്പൊ എങ്ങനെ ഉണ്ട്..ഞാൻ പറഞ്ഞില്ലേ..കോളേജിൽ വെച്ചേ ഇവള് അങ്ങനാ .." അവർ പറഞ്ഞു ചിരിച്ചു മഞ്ജുസിനെ കളിയാക്കി . ഞാൻ പറഞ്ഞത് ഇഷ്ട്ടപ്പെടാത്ത മഞ്ജുസ് അവർക്കു മുൻപിൽ വെച്ച് അപ്പോൾതന്നെ എന്റെ കയ്യിൽ ഒന്നുടെ നുള്ളിയിരുന്നു . പക്ഷെ അതവർ കണ്ടില്ല !

"എന്തായാലും യു ആർ ലക്കി മഞ്ജു ..ഒരു തരത്തിൽ ഞങ്ങൾക്കൊക്കെ നിന്നോട് അസൂയ ആണുട്ടോ , അനിയന്റെ പ്രായമുള്ള ഒരാളെ കൂട്ടിനു കിട്ടിയില്ലേ .." എന്നെ അടിമുടി നോക്കി ഒരുത്തി മഞ്ജുസിനോടായി പറഞ്ഞു .

"ഓ..അതിനു ഞാൻ എന്താടി മോശം ആണോ ? എനിക്കെന്താ ഒരു കുറവ് " മഞ്ജു അവളുമാര് പറഞ്ഞത് ഇഷ്ടമാകാത്ത പോലെ ഭാവിച്ചു ഗമയിൽ പറഞ്ഞു .

"ഏയ് ഒരു കുറവും ഇല്ല .. ബുദ്ധി ഒഴിച്ച് ഒക്കെ കൂടുതൽ ആണെങ്കിലേ ഉള്ളു . ഹ ഹ ഹ " അവളുടെ പോസ് ഒക്കെ ഇല്ലാതാക്കി അവറ്റകൾ വീണ്ടും കളിയാക്കി ചിരിച്ചു..

"ആഹ് ആഹ്..മതി മതി ...കുറെ ആയി എല്ലാംകൂടി എനിക്കിട്ടു താങ്ങുന്നു " അവരുടെ സംഘം ചേർന്നുള്ള അറ്റാക്ക് ഓർത്തു മഞ്ജുസ് ചിരിയോടെ പറഞ്ഞു .

"മ്മ്..സോ കവിൻ ..ഓൾ ദി ബെസ്റ്റ് ..ഈ പൊട്ടിയെ ലൈഫ് ലോങ്ങ് സഹിക്കാനുള്ളതല്ലേ " കൂട്ടത്തിലൊരുത്തി എന്റെ നേരെ കൈനീട്ടികൊണ്ട് പറഞ്ഞു . ഞാൻ ആ പെണ്ണിന്റെ കൈപിടിച്ച് കുലുക്കി ചിരിച്ചു .

പിന്നെയും കുറച്ചു നേരം അവറ്റകളുടെ കത്തികേട്ട് ഞാൻ അവിടെത്തന്നെ നിന്നു ..ഒടുക്കം താഴെ ആരെങ്കിലും അന്വേഷിക്കും എന്ന് പറഞ്ഞു പിൻവലിഞ്ഞു .