Chapter Title : രേണുകേന്ദു 3 [Wanderlust]

മുറിയിലെത്തി. തടിച്ച ബ്ലാങ്കെറ്റിന് കീഴെ ആദിയുടെ നെഞ്ചിൽ തലവച്ച് ഇന്ദു കിടന്നു. അവളെ കെട്ടിപിടിച്ച് ആദിയും. മുറിയിലെ അരണ്ട വെളിച്ചത്തിൽ ആദിയുടെ ഹൃദയമിടിപ്പ് കേട്ട് കിടക്കുന്ന ഇന്ദുവിന്റെ പുറം തലോടിക്കൊണ്ട് അവൻ റസിയ ആരാണെന്ന് പറയാൻ തീരുമാനിച്ചു.

: ഇന്ദൂട്ടീ…

: ഉം…

: ഇപ്പൊ എന്റെ ഇന്ദൂട്ടി ഹാപ്പിയാണോ..

: ഇപ്പൊ ഈ ലോകത്ത് ഏറ്റവും ഹാപ്പി ഞാനായിരിക്കും

: എന്തെങ്കിലും സങ്കടം ബാക്കിയുണ്ടോ മനസ്സിൽ എവിടെങ്കിലും

: എന്താ ആദീ… മോനങ്ങനെ തോന്നിയോ

: ഹേയ്… എന്ത് വിഷമം വന്നാലും ഞാനുണ്ടാവും കൂടെ..

: ഉമ്മ… എനിക്കുവേണം ഇനിയെന്നും ഈ കള്ളനെ

: ഇന്ദൂട്ടി അറിയേണ്ട ഒരു കാര്യമുണ്ട് എന്റെ ഉള്ളിൽ കുറച്ചു ദിവസമായി കിടന്ന് തിളയ്ക്കുന്നു…

: എന്താ ആദീ… നീയെന്തെങ്കിലും തെറ്റ് ചെയ്തതാണെങ്കിൽ എന്നോട് പറയണ്ട.. അറിഞ്ഞാൽപ്പിന്നെ വിഷമമാകും എനിക്ക്

: അതൊന്നുമല്ല… റസിയ ആരാണെന്ന് അറിയണ്ടേ

: വേണം…. പക്ഷെ നമ്മളെങ്ങനെ കണ്ടെത്തും

: എല്ലാം എനിക്കറിയാം.. സമാധാനത്തിൽ കേൾക്കണം എന്റെ ഇന്ദൂട്ടി.. ഇതോർത്ത് സങ്കടപ്പെടാനൊന്നും പാടില്ല കേട്ടോ

: എനിക്കൊരു സങ്കടവുമില്ല… അതിപ്പോ നിന്റെ മാമന്റെ മോളാണെന്ന് പറഞ്ഞാലും എനിക്കൊന്നുമില്ല

: എന്ന ആദ്യം ആയിഷ ആരാണെന്നറിയണം ഇന്ദൂട്ടി…

കൃഷ്ണന്റെ സുഹൃത്ത് ബാബു പറഞ്ഞതൊക്കെ തന്റെ ഫോണിൽ റെക്കോർഡ് ചെയ്തുവച്ചിരുന്ന ആദി ആ ഫയൽ ഇന്ദുവിനെ കേൾപ്പിച്ചു. എല്ലാം ക്ഷമയോടെ കേട്ട ഇന്ദുവിന്റെ മുഖം വാടി. മുഴുവൻ കേട്ടുകഴിഞ്ഞു ഇന്ദു കിടക്കയിൽ എഴുന്നേറ്റിരുന്നു.

: ഇന്ദൂട്ടീ….

: ഉം…

: എന്തിനായിപ്പോ വിഷമിക്കുന്നേ.. ഇതൊക്കെ വർഷങ്ങൾക്ക് മുൻപ് നടന്നതല്ലേ..